期望有天會遇上‧‧‧

。呢幾個字係返屋企嘅時候諗到，遇到 d乜？唔‧‧‧只係返屋企嘅時候行咗第二條路，心入面諗到囉！只係希望囉！！

。有人問我係唔係唔開心，阿輝唔講嘢嘅時候多數就係咁！面黑黑，好似想鬧人咁！無事喎！只係有 d心事煩吓咁啫！！自己都講過會對住電腦呻吓，應該會好快無事，不用太擔心！

 

※禽日朝做咗件覺得幾傻嘅事，或者行動真係可以證明到 d嘢啦！※

冷戰

。唔‧‧‧好多年無試過啦！唔知今次要幾耐先無事呢？

。人大咗好似知道自己時日無多咁！每一件事都希望會有好好嘅結果！要求都提升咗好多！以往好多事自己都會慢慢咁去理解及處理，不過依家好少事就會唔開心。面對陪伴自己多年嘅人，唔通唔可以例外？

 

※希望例外可以在我身上出現！※

可否從新開始？

。任何嘅事情係阿輝嘅諗法都係唔可以從新開始！有 d嘢發生咗就係發生咗！勉強去由頭做多一次，結果可能會更差！

 

※是否有人可以咁大方，忘記以前，從新開始？※

※係唔係真係要我講一句『 我受夠啦！』:-( ※

長途巴士

。記得以前曾經寫過一編記事係關於長途巴士！雖然阿輝搭巴士返工唔可以叫長途，不過都差不多要成個鐘頭。所以每次返工放工都有好多時間比自己諗吓嘢！因為我係一個鍾意諗嘢嘅人嘛！呵呵‧‧‧

。最好笑嘅一次搭巴士，係阿輝訓咗覺。我搭嗰班巴士司機叔叔要趕住收工關係，所以到站後佢就將架車駛去平時落車附近嘅一個維修站洗車。嗰晚當我訓醒嘅時候就發現到一 d好得意嘅嘢！！點解個車窗出面有支咁大嘅雞毛掃轉吓轉吓嘅！？哈哈‧‧‧相信平常人都好少機會見到呢 d嘢！！！希望唔好有下次啦！嗰支嘢係咁轉都幾驚o架！！哈哈‧‧‧

※測試完畢，嗰 Writer都唔錯喎！※

※如果屋企附近無巴士維修站，請勿於車內訓覺！※

郵差叔叔

。今日放假日，不過老婆婆返工前講咗一句『喂！幫我等掛號信呀！唔好出去住！知唔知！』哦！好啦！又唔知係網上訂咗 d乜囉！

 

。呢編文章有 d特別，因為係用 Ｗindow Live Writer 寫。佢有乜好處呀？應該唔會好似 Blogger嗰個 post文章功能咁，自己會斷線啩！不過都係試吓先！ 　

上堂日

。今日一早起身，洗咗 d衫之後就返工囉！呀！正確係我按幾個掣之後個洗衣機幫我洗咗 d衫，哈哈‧‧‧

。返咗去一陣，跟住就走囉！今日要去觀塘聽一個有關消防嘅堂！嘩！攪乜嘢呀！真係悶到我啊！嗰房又細，真係想訓吓都驚比人見到！阿 sir又講到超時！當我好精神係條街度已經 6點 3囉！係觀塘 d工業區行吓行吓！好似迷咗路喎？好彩今日著公司嘅衫，附近都好多自己人，走去問吓佢地先，唔‧‧‧卓越服務做得好！！可能見到我件衫啦！呵呵‧‧‧

※高佬返咗工喇！同佢飲咗杯嘢就收工囉！今日比禽日重早呀！※
※聽日放假日！好嘢！可以唔返嗰個鬼地方！※

今日早咗 d！

。因為聽日要去觀塘上堂會返早少少，所以今日早咗返屋企！都好，聽晚可以放 9點！呵呵！

。唔‧‧‧無乜心情啦！都係早 d訓囉！


※阿輝教人會叻 d囉！自己身上發生嘅事！唔‧‧‧就難攪 d囉！※
※堅強 d！！！！！！！※

回憶

。囡囡寄來的一封電郵，內裡有一個網址！估唔到過咗一段時間，呢個故事再次咁出現！呢個故事以前有一個朋友講過我聽！唔‧‧‧


。電子書網址: 感人故事
請用滑鼠在書角翻頁像手翻書一樣(要打開音箱喔)


※睇完之後，有 d唔開心！阿輝呀！精神 d啦！！唉‧‧‧※

Blogger Beta

。Blogger 最近有個新系統，所以都開咗個新 blog。嗰邊有我想咗好耐嘅文章分類。其實就一早應該要有啦！！仍在測試中！ :-)

。唔知舊有系統幾時可以升級呢？期待中‧‧‧不過阿輝嗰舊 blog有成 300編記事，唔知到時佢點幫我分呢？呵呵‧‧‧

。因為新屋比較細，有人問過放假有無執吓嘢？唔‧‧‧大部份嘢都去唔到新屋囉！錢呀！我要錢呀！！！！哈哈‧‧‧


※細舅父唔見咗個外甥女！近況如何呀？似乎妳真係忙到傻咗囉！ :-) ※
※秋天，一個好鍾意嘅季節！對於一個怕熱嘅我就最開心喇！※

再見吧！

。像打轉地剝去蘋果皮，時間的過去就像漩渦一樣。

。不斷地往下轉去，昨日和今日都連在一起。

。在很久以前分別了的人，只要你轉一圈，就立即出現在眼前。

。時間就像螺旋樓梯一樣，說了再見後，又連在一起，所以分手後又會再見，分手後又會再見。


※肥強嗰邊見到呢段記事，覺得好好，所以 post上嚟！ ※

壓力就是甜點--《一編網上文章》

壓力就是甜點

曾在報上看過一位署名「老講」的讀者提到，英文中的stressed（壓力），與desserts（甜點）兩字，有很微妙的相關。是什麼相關呢？仔細一瞧，好像沒什麼關係嘛！可是，再看一下，咦， stressed這個字從後面倒過來拼寫，不就是desserts嗎？

所以，「Stressed is just desserts if you can reverse.」（壓力就是甜點，只要你能逆向觀看。）

哈，這真是有趣的妙論呀！人生之中，有許多「壓力、挫折」，但只要轉個念、換個角度看，它也就是我們生命中的「甜點」呀！

此外，也有人說： 「人生就像一碗飯，一半是甜的，一半是苦的，你不知道會先吃到哪一邊，但終究必須把飯吃完。」是呀，生命有甜、有苦、有酸、也有辣；但都必須去經歷它、走過它呀！

在北京清華大學的學生餐廳，有一位二十八歲的饅頭師傅小張，他雖然所受的教育不多，每天都在食堂裡做饅頭，辛苦工作十一個小時，但在休息時間，他自學英文，也把握各種機會開口說英語，結果，他的托福成績考了六百三十分。

小張說，他第一次開口說英語，是幾個學生在等著拿飯時，等急了，他就脫口而出：「Would you please wait for a while ? Thank you for your patience.」（請等一下好嗎？謝謝你的耐心。）小張這麼一說，在場的學生都大吃一驚，這個饅頭師傅竟然會說英語？可是，這真的是他自修英語的成果呀！

小張說，他有三個夢想：「一是出國唸書，二是寫書，三是當一名新聞記者。」他又說：「一輩子總要出一次國，人生才完整。」

如今，很多清大學生特別跑到餐廳，來一睹托福高手、會說英語的饅頭師傅；而小張也說：「我是一個敢於作夢的人！敢在賣飯窗口大膽地說英語，就是對我自己的最大挑戰！」

哇，我真是感動！一個人「輸在起跑點」又何妨？人生路很漫長，只要「變」，就能「通」呀！一個人，不求改變，就一定會失敗呀！

所以，曾有一前輩說： 「在天很黑的時候，星星就會出現！」的確，在逆境中、在黑暗沮喪的心情中，只要勇敢地用腳把憂鬱踢走，那麼，星星就會出現，人的生命，也就會「發現光明」啊！

兩公婆都傻咗！

。老婆婆放假日都會同佢食過早餐先返工，不過禽日早上食完之後，我地兩個就走咗去嗰間唔知係唔係我地嘅屋睇吓！其實除咗細咗之外，自己都幾喜歡嗰度，可能個景夠靚啩！呵呵‧‧‧跟住就同老婆婆行吓大運先，傻咗咁由18樓行到13樓，睇吓人地點攪間屋。唔‧‧‧都唔靚，希望日後真係住呢度嘅時候，我地可以整靚 d啦！！

。因為高佬放大假，所以假期都怪怪地，今個星期就放星期四，下個星期又放星期三。不過睇咗下個月假期安排，阿大唔知點解咁好，比咗個中秋節我放！！哈哈‧‧‧

※近日不約而同有兩個朋友仔都係咁唔開心！妳兩個記住喎，阿輝係一個好容易受人影響嘅人，希望兩位開心 d啦！※

說聲對不起‧‧‧

。其實每個人都會遇到唔開心嘅事！阿輝都唔例外，所以有時記事都會寫出自己想呻吓嘅嘢！不過都係呻吓囉！好快就會無事！我諗呻咗出嚟會開心 d囉！希望妳地能夠搵到妳地嘅聆聽者啦！我就怪 d，鍾意對住部電腦呻囉！哈哈‧‧‧就嚟自閉証喇！呵呵！

。 自從有人話我唔健康之後，我嘅其中一個壞習慣 " 唔食早餐 "，若果時間許可，我都會做！所以依家俞來俞健康喇！呵呵！！所以一個人一日嘅營養餐無論如何都要食呀！唔好因為無人食自己就唔食呀！！


※開心嘅樣 :-) ※

失落感‧‧‧

。晚上總公司嘅林先生嚟咗！雖然大家都話佢係我老友！唉‧‧‧因為我見得佢多囉！好嚟唔嚟竟然係我食飯時間嚟！唔‧‧‧行咗都成個鐘！好走啦！老友！！！

。曾經自己話自己係一個好容易受人影響嘅人！唔‧‧‧今晚又出現啦！一個係咁，兩個又係咁！究竟係唔係我做咗 d乜攪到你地咁呀？或者阿盛講得啱，我太多嘢諗啦！唉‧‧‧


※好想打電話搵人傾吓，最後都係算把啦！※

快樂小朋友

。禽日除咗同老婆婆去睇吓傢俬之外，就成日對住個小朋友。呢個小朋友似乎真係好少去街街。唔‧‧‧好開心嘅一日！

※好多嘢唔講出嚟唔表示無人知！希望你要諗清楚家人嘅感受！※

每個人都有過去‧‧‧

。睇過一編網誌，講及一個小朋友對再次出現嘅親人的感受。其實阿輝覺得若果要返回以前一樣真係無可能。因為以往嘅事都好多年囉！期望呢位小朋友好好咁面對，好好咁繼續前面嘅路！

。最近聽過方力申嘅一首新歌『 無雙譜 』，不過我聽嘅係劇場版，所以有人好似講故事咁。鍾意係因為女主角其中嘅一句說話囉！^^哈哈 ‧‧‧


※小方係最尾講咗一句說話 :『故事可以終結，但係每個人嘅回憶就唔可以喇！』。若果嗰個回憶係開心事，就請妳好好記住啦！※

1833

。呢幾日因為要睇吓房署比我兩公婆嘅單位，真係辛苦老婆婆囉！又話我地住嘅係甲級保安屋邨。唔‧‧‧都係假！哈哈‧‧‧不過真係好細囉！好彩個景觀都好靚！不過房署個主任都唔答我問嘅問題！唔‧‧‧睇完咗又要話等多一個月左右，真係幾時可以搬呀？

。近日天氣轉咗，妳地要小心 d身體啦！雖然唔可以好似以往咁同妳地講，不過希望都收到我嘅說話啦！


※失去多年嘅感覺，呢幾日竟然出現番！好開心！ :-) ※

無字天書

。有個朋友近來鍾意將特別嘅記事，字體顏色用上同卓面一樣嘅顏色，睇落就好似無字一樣。其實咁做法都好特別，將心中話寫下，有心人要睇，一定有佢嘅辦法！

。阿輝曾經同一個女仔講過，同佢一齊，其實做乜嘢都無所謂，食乜嘢其實都已經唔重要，或者嗰一段時間只要同佢一齊心入面已經足夠，其他嘢已經唔再重要囉！呢一 d可能就係『愛』啩！


※阿輝間新屋要開始進入倒數喇！雖然都要一段時間，不過老婆婆好似幾開心，唔‧‧‧要用錢買嘢你就知！！※

唔試都唔知咁靚仔！

。因為公司嘅遊戲，所以禽晚同"智者"去咗搵羅先生幫吓手。嘩‧‧‧果然係專業嘅攝影師，真係唔試都唔知自己咁靚仔！哈哈‧‧‧不過睇落自己呢排真係瘦咗好多，好似二哥個樣咁！！睇吓有無機會寄去妳地嘅信箱睇吓我嘅靚仔樣啦！

真正的愛

。真正的愛是永遠藏在心裹面，卻不會隨著短暫的生命而消失。
What is true is forever in our hearts, and will not disappear with our ephemeral live.----來自 『 一本愛心 』的九月八日。

好多數字呀！

。禽日老婆婆打比我話收到房署封信喇！因為都住咗呢條邨好多年，所以佢講個 d位置心裡大概知道係邊，但係就有好多數字囉！房署一次過比咗好多單位喎！唔‧‧‧雖然都未知要邊個單位，不過我兩公婆都係睇門牌靚唔靚來簡，哈哈！不過今日放假，睇吓可唔可以去現場睇吓啦！！

。外母發燒咗幾日，希望老人家無事啦！


※近幾日心情都好古怪，公司有 d嘢、搬屋又驚又喜，唔‧‧‧※
※希望同我傾過電話嘅朋友仔唔好見怪，其實阿輝都無乜變到，只係近日心情緊張，可能說話差少少！！ :-) ※

想聽到的聲音

。一個壞習慣，阿輝係最唔開心嘅時候每每都會諗吓想聽嘅聲音，雖然唔係每次都能夠話想就聽到，不過呢個壞習慣都係無變，或者係希望呢一 d聲音能令自己暫時忘記煩惱啦！！

※其實我覺得佢兩個好幸福，有我呢個傻佬經常咁話佢地，希望你地改吓啦！我嘅嘢都無人同我講，咁我好難改喎？※

行雷閃電

。阿大終於出手啦！對象竟然係我地三個『 黑衣人 』。唔‧‧‧雖然當時我都未返工，但聽番嚟都係好嘅！其實有好多嘢真係要講先至得！唔係就會繼續傻吓傻吓咁！佢鬧我地嘅嘢其實大部份都係早班嘅事，如果我係現場我就一定會解釋吓囉！不過經過禽日之後，我真係發現到 d嘢，『 朋友 』兩個字，相信對我嚟講，好似好遠咁‧‧‧

。晚上同高佬食飯嘅時候，『衰仔』竟然打電話比我，借錢就自己過嚟啦！雖然都真係唔係多，不過高佬都叫唔好借，唔‧‧‧算把啦！都叫做曾經做過一場同事，雖然我都話佢，借錢先會諗起我，其實真係有好多嘢唔明白！點解好好嘅一個人會變成咁？對住佢都只能夠講一句，希望佢好好咁生活落去啦！


※有個blog 友寄咗封信比我，重係英文信，唔‧‧‧大致係想搵一首歌嘅樂譜。搵唔到喎！※

一本愛心

。今日應該可以再訓耐 d。因為要下午到沙田聽講座，可以直接去會場。晚上先返公司。不過都係唔知點解一早又起咗身囉。 已經 5號囉！唔‧‧‧唔知間屋嘅問題點呢！同老婆婆傾計，原來佢都話快好過遲囉！哈哈‧‧‧似乎我兩公婆心入面都已經去咗新屋囉！


※愛一個人，也要給他足夠的空間，讓彼此有喘息的空間。
When you love someone, leave him or her sufficient prrsonal space, so that both of you will be able to take a breather from time to time.-------來自『一本愛心 』的九月五日。 ※

※『一本愛心 』係一個小朋友送給佢爸爸嘅一份生日禮物，呢本『書』係將一年咁多日，每一天都有段嘅說話記載，如果能跟隨本書咁就好囉！※

※爸爸多謝囡囡！！ :-)※

頂唔順啦！

。今日真係勁呀！返工到食飯都係同肥佬一齊，不停咁做！嘩‧‧‧真係攞我條老命！哈哈‧‧‧真係搬到傻咗啦！


※今晚將自己個o麥頭換咗，因為無乜靚仔相囉！用住先！※

好似幾好喎！

。禽晚返屋企無嘢攪，將自變成咁！靚仔就一定啦！不過個 PhotoFiltre好似厲害 d！嘻嘻‧‧‧


※好夜嘅時候，手提電話響咗，接聽又唔出聲！唔‧‧‧個電話號碼就好似好熟，希望無嘢啦！※

守護神的故事

。好熱嘅一天，一早出咗街，到現在才返到屋企。雖然比原先定嘅行程唔同咗，不過都唔緊要啦！機會應該重有嘅！！因為放完今日假要到下個星期五先再放假，所以今日特意到咗一個好耐無去過嘅地方！唔‧‧‧果然無乜變到。一樣係心事重重！哈哈！！其實我想留下來，不過實在太早啦！下次啦。

。同囡囡食飯有個好處，只要叫少少嘢食，個碟嘢會變咗好大碟喇！哈哈‧‧‧

。下次放假係9月8日，有人話請食飯！呵呵‧‧‧等我諗吓先！



※相信每個人心入面都有一個守護神。只要相信有，佢會靜靜的在每個人身邊等候。需要佢嘅時候佢一定會出現。希望守護神記得自己講過的說話，永遠守護佢愛錫嘅人！※
※我都幾多事嗰喎！希望妳所講嘅嗰 d人唔係我啦！ :-) ※