新年快樂！

。打呢編記事，已經係今年最後嘅一日囉！相信今晚收工嘅時候都已經係 2007年啦！嘩！真係做足兩年呀！哈哈‧‧‧

。最近台灣個邊地震，攪到好多網絡都傻咗呀！希望早 d可以維修好啦！與及希望台灣個邊無事啦！

。屋企養咗兩年到嘅老鼠仔好似唔得啦。呢排佢唔知做乜鬼，唔‧‧‧希望真係天氣凍咗，行動慢 d啦！佢好似無乜生氣咁！


※提早講句『祝大家新年快樂！』※

來電鈴聲

。依家嘅手提電話好多時都有分類鈴聲。方便使用者分別係乜嘢人搵自己！阿輝間唔中都會自己 cut 吓歌，做自己嘅鈴聲。因為多數都係要自己鍾意個段歌嘛！所以都會有人問係乜嘢歌囉？呵呵‧‧‧

。多謝阿詩陪咗老人家食咗個聖誕午餐，邊個係阿詩？唔‧‧‧就係一個小器嘅囡囡囉！哈哈‧‧‧知啦！知啦！係囡囡嘛！！！原來唔可以亂叫！

。今晚就係平安夜囉！因為公司嘅嘢，呢幾日都可能要遲 d收工，個記事都停番幾日先！要休息吓！唔係真係要兩腳一伸囉！

※未出現過嘅來電鈴聲，唔知聖誕節有無機會出現呢？※

※小朋友唔同老人家，面前重有好多嘅嘢面對，老人家只係希望小朋友唔好再為個 d事而令到自己咁樣囉！明天會更好嘛！※

做冬

。今日係22號囉！每年都係今日做冬！好似好多年無試過放假囉！今年好似特別 d，因為係阿輝放假嘛！哈哈‧‧‧打完呢編記事應該都要過外母個邊喇！妳地呢？今日又點樣過呀？

。今日發現咗，除咗搬屋煩之外，原來拆屋都好麻煩！早上搵過屋邨主任，唔‧‧‧好多嘢都好貴喎！都口口唔知政府攪乜嘢！我地係窮等人家，搬都咁多嘢攪！拆個鋁窗都話要700蚊！真係好過搶呀！又話要相約工程部同事到場睇吓現場環境！喂！我好多時間呀？真係比佢激到人都瘦埋！下次要老婆婆土去，等佢瘦 d，好睇 d！呵呵‧‧‧


※過多幾日就係聖誕節囉！提早同妳地講句『聖誕節快樂！』啦。※

對你有感覺

。呢首歌係因為睇咗一編日誌之後，係百度個邊搵到。唔‧‧‧無乜特別，只係覺得幾好聽囉！同埋都幾似我睇個 d嘢！哈哈‧‧‧

。呢排精神真係差咗囉！個日阿翠重話我呢排好似老咗咁！唔‧‧‧我都覺得係呀！真係白頭髮都多咗好多！或者真係要休息吓囉！


※唔希望我諗嘅嘢成真！只係希望每人都快快樂樂！※

感覺

對你有感覺

江美琪、光良合唱
曲：光良
詞：許世昌、陳歆淇


我曾深刻體會
對愛感到膽怯
還好有懂我的你 給我安慰

看你失落的臉
又再為愛憔悴
我心痛的感覺竟 如此的強烈

眼角的淚 它給過誰
傷透了心 也無所謂
我會願意 靜靜地 陪在你身邊

如果說愛 已不可為
那我寧願 藏心裡面
其實我害怕會失去你的感覺

怎麼會開始對你有了感覺
又深怕朋友默契轉身不見
矛盾著猶豫不決
沒準備 跨越愛的界線

怎麼會開始對你(妳)有了感覺
深陷朋友戀人之間的危險
進與退 被愛包圍
誰犯規 都狼狽
誰能解圍 讓一切完美

怎麼會開始對你(妳)有了感覺
深陷朋友戀人之間的危險
你和我 擁抱瞬間
不後悔 這曖昧
星光唯美 把愛放心裡面

思念‧‧‧

‧每一個人對人或者物都會有一定情度嘅思念！近日因為有 d事發生咗！唔‧‧‧雖然唔想再去提，不過就當自己對電腦呻吓啦！希望事情可以好快過啦！

※阿輝嘅新屋暫時都幾鍾意，禽晚返過舊屋個邊( 都未比番房署嘛！)，以往嘅事都會記得囉！哈哈！※

高達展

。嘩！點解 d美少女唔靚嘅！比起有一年阿輝係荃灣睇嘅高達展差 d囉！

。見到一隻大隻個我外甥仔嘅守護神呀！

傳說中的白雪公主

。今日慣常的到過 Xange 睇嘢，嘩嘩嘩！原來佢終於變咗中文版囉！當初用過 Xange 就因為英文唔好囉！到依家都唔用囉！哈哈‧‧‧

。今日收到一個好長嘅 sms。唔‧‧‧已經好耐無收過一個咁長嘅短訊囉！對上一次都應該係上年嘅事，我仍然記得個日收到之後，重不停咁打電話，好彩‧‧‧都係自己太擔心啫！依家睇見對方嘅日記，相信一定程度上佢係好開心，我呢個做長輩嘅，都應該開心囉！有時我都會諗吓妳o架！呵呵‧‧‧

。雖然今日同肥佬做嘢時又整親條尾龍骨，嘩！真係痛死我呀！不過見到妳地咁生性，唔‧‧‧無事囉！哈哈‧‧‧

 

※阿輝好鍾意聽一首歌，『 開不了心 』。做人好奇怪，唔開心都要唔可以好好咁發洩出嚟！或者每個人處事唔同，只係唔想愛鍚自己嘅太擔心，阿輝呢個壞習慣細佬仔唔好學呀！※

基本功

。睇武俠小說經常會見到主角被佢師父叫練習相同嘅武功招式。到最後佢嘅師父就會同佢講，如果你嘅基本功做得唔好，就算師父將不生嘅武學傳比佢。只會害到佢自己！阿輝相信做人都一樣囉。只要做好準備功夫，理應會處理事項會好好多！就算真係出現咗問題，相信都會好快咁重新起步。唔會因為之前嘅出錯影響到日後嘅生活及工作。希望跌倒嘅人，要好好咁面對囉！

※阿輝都知道乜嘢係講就天下無敵，哈哈！雖然自己處理事項都唔係咁好，往往自己都會轉入牛角，不過就真係希望聽得到，睇得到嘅人試吓啦！※

夏日傾情

。雖然冬天都到咗囉！不過呢首歌係我聽衛蘭嘅第一首歌。簡直無得頂呀！呢一首係翻唱黎明先生嘅歌，不過個感覺就真係唔同囉！或者係我嘅感覺啦！

。一早走咗過新屋，係因為天氣凍得好緊要呀！d衫又係新屋，所以過咗嚟攞，唔‧‧‧真係辛苦命呀！哈哈‧‧‧


※心中嘅聖誕老人係我 30幾年來講，應該真係出現過。不過就真係唔係每年都有探訪囉！※

聖誕老人

。剛係思田嘅網誌睇到一編記事！唔‧‧‧願天下人心中嘅聖誕老人每年都會到來探訪！

ICQ 6

。雖然係遲咗ｄ，不過好過無啦！阿輝用得最耐嘅 IM都應該算係佢囉！最叻嘅時候我個icq no.重係 7個字呀！不過唔記得個 login no.囉！呵呵‧‧‧依家都重係測試版，所以都重有 d功能未用得，不過睇落又好似幾得咁喎！希望佢快 d出正式版同有中文啦！

。呢幾日放假，都係新屋等人。等傢俬都等都傻吓傻吓！對面屋嘅 bb仔好得意，唔‧‧‧不過禽晚 19樓就有人打架，嘩！重要爆光呀！兩公婆就唔好打啦！人地個老公就慘囉，個頭流晒血！嘔‧‧‧

好男人

。終於係新屋打第一編記事喇！其實早幾日都已經可以上網，不過掛住執屋都無時間囉！雖然新屋都差不多攪掂。跟住應該係間舊屋嘅問題喇！唉‧‧‧幾時可以安安樂樂呀？

。近日因為囡囡有 d開心事，所以我呢個做哎吔爸爸嘅都祝福吓佢啦！真係大個女囉，不過唔可以好似哥哥咁！

。阿輝對任何人其實都差不多，當然對女仔就會好 d啦！女仔係要愛護嘛！不過同囡囡傾完電話之後，發覺做一個好男人，其實都好似好易喎！阿輝就好似經常係咁！唔‧‧‧點解老婆婆會咁對我呢？？？

 

※補祝一位朋友12月3 日 生日快樂！雖然都知道對方唔會收到，不過我會記得你嘅生日日子！※

※雖然近日都係忙搬屋嘅事，不過壞習慣一樣無變，都係經常諗嘢！唔知係唔係自己係記事打錯嘢呢？或者對方已經忘記囉！唔‧‧‧ ※