。大踏步、神情確威武。小子名露寶、人人都知道！‧‧‧‧‧‧哈哈‧‧‧
。個標題做乜嘢？哦‧‧‧哈哈‧‧‧都係無乜嘢！只係早幾日食完個晚飯之後有人講完 d嘢，好想唱吓歌囉！呵呵‧‧‧加上呢幾日都無打過記事，所以搵 d嘢打吓啦！
。今日係二月最後一日囉！公司都係未通知有無人工加，不過就應該會有，只係無講個詳細出嚟！大公司係唔係咁做嘢呀？
。嘩‧‧‧咁就年初五喇！新年咁就過咗囉！好多人都要返工囉！好彩呢幾日阿輝都重係放假日！
不過依家好多舖頭都係會唔休息，所以有時會覺得新年就好似個標題咁講囉！
。大哥就好啦！過幾日就去韓國玩！似乎佢識到依家個女性朋友開心咗好多！希望佢繼續開開心心！要買手信喎！ （大哥、點解你愈來愈肥嘅！白頭髮多咗好多喎！唔‧‧‧唔通成功男人係呢個樣？）
。每年都會同自己講下年要點，下年要做 d乜！唉‧‧‧今年嘅開始已經唔係咁好啦！點解會攪成咁？係唔係真係自己有錯呢？現時嘅關係竟然覺得比做朋友更差！唔知重要等幾耐先會有轉變呢？新年流流講呢 d嘢！哈哈‧‧‧或者真係好似早幾日咁講，我可以做 d乜？朋友仔同同事嘅 sms祝福語，可能最後只能做到身壯力健，身體健康囉！
※祝願各位，新年快樂！※
。老婆婆係未同我一齊嘅時候，佢係阿輝一個朋友嘅女朋友！到依家朋友已經唔再係朋友囉！其實好多時，有好多嘢都係好難估計到！因為覺得男女交往其實唔係真係兩個人嘅事囉！好記得阿『皇子』講過，個『 信 』字係由一個『人』字同一個『言』字加埋！好多嘢唔係自己可以解釋到。期實好多嘢自己會明白，只係週圍嘅人將件事變大！無辦法之下就只好接受囉！經常講嘅一句說話，教人做嘢好過自己做！唔‧‧‧開心嘅係咁多年，阿輝對住老婆婆都無乜點變，雖然自己唔鍾意經常將心入面說話講出嚟！希望佢感覺到啦！
。送上一首光亮嘅歌，希望大家鍾意啦！不過記得停咗個背景音樂先喎！！
※多謝小鬼！我會記住妳嘅sms說話！※
※老婆，情人節快樂！ 依家做男人真係慘，最後都係要講呢一句！哈哈‧‧‧※
。禽晚睇咗一編日記，竟然真係有溫暖嘅感覺！雖然同對方唔係相識好多年，依家就更加少見面同通電話。或者對方講得啱，有一種朋友嘅感情係好難去講比別人聽！係自己心入面，可能會比經常見面嘅更加好！到依家阿輝有時見到 d特別嘢其實都同對方一樣，會諗起對方囉！一個傻嘅人，到最後兩腳一伸，都可能係傻，哈哈‧‧‧
。嘩！今日放假日！好似比返工重辛苦！明明住新屋，都唔明點解重有咁多嘢要執！奇怪、奇怪‧‧‧
※阿輝係一個好易滿足嘅人，雖然唔係一d物質上嘅嘢，不過我都當係一件禮物，相信對方唔會拒絕嘅！※
。哈哈‧‧‧每年就到新年嘅時候，屋企就會有好多錢！因為要入『利是』，所以有多少少嘅錢係屋企囉！不過入咗都唔係自己用！嗚嗚‧‧‧
。今個月請咗幾日大假，其實都無乜特別，只係想休息吓囉！好似好耐無試過一個月放咁多假囉！
※妳地嘅『利是』我會keep住先，特別嘅係老婆婆入嘅時候，竟然主動咁問封幾多比妳地喎？唔‧‧‧ 哈哈‧‧‧我都唔知點講好‧‧‧ 
※
。每個人身上都有 d個人氣味，阿輝最勁嘅就係隻大腳板嘅味喇！因為老婆婆都話我隻死人腳呢！真係臭到死呀！哈哈‧‧‧都唔係呀！呵呵‧‧‧
。我個病就好番喇！唔知妳又點呢？重有囡囡又唔知點解骨膜炎喎？唔‧‧‧
※呢排係商場都見到好多心心裝飾，唔‧‧‧『 情人節 』嚟啦！！※
。唔記得有無用過呢個標題寫記事囉！不過禽日嘅幾個電話之後，就出現咗呢四個字！
。唔鍾意打電話比人嘅阿輝，禽日返工時，見到阿英姐，一個睇住阿輝大嘅清潔嬸嬸。佢話我一個朋友最近好慘。叫我記得得閒搵吓佢喎！唔‧‧‧就係咁，所以要打電話喇！
。一係唔打，一打就打咗三個，哈哈‧‧‧對我來講已經好辛苦囉！呵呵‧‧‧一段時無聯絡，好彩你地都重記得我！引用囡囡話，第時真係死咗都無人知呀！
。雖然大家都一把年紀，不過聽完幾位電話之後，我放心好多囉！或者真係你地年紀大過我，見嘅嘢比我多，所以有咁嘅反應比我啦！
