過咗12點應該可以講今日喇！今日下午就要到呢個商場做 d嘢！唔知會唔會又係一個鬼地方呢？好彩跟住" 智者 "都會入去，咁都無咁悶！或者聽晚寫吓呢個地方啦！！
老婆婆同班朋友仔去咗長洲，唔‧‧‧悶呀！希望佢搶包山嘅時候搶多個比我啦！！哈哈‧‧‧一對奇怪嘅夫婦‧‧‧
※今晚心情有 d唔係咁好，希望好快無嘢啦！喂，係你喇！睇完你嘅日記就出事喇！咁點算，我夠成日笑啦，所以有 d嘢我會明白囉！！※
兩個老人家已經離開咗人世好耐，好記得佢地嘅樣。雖然爸爸唔算係一個好顧家嘅男人，不過佢都算幾錫我，媽媽就因為阿爸嘅問題，到好大年紀都要做嘢。差不多要阿輝開始工作佢先停落嚟。好記得曾經聽過一句說話，係阿媽出殯嘅時候聽到，阿媽嘅茶客朋友對住我地幾兄弟姊妹講，"陳師奶咁就走咗，到而家d細路都出嚟做嘢，想享受吓都唔得！" 唔‧‧‧
每對父母其實都希望自己子女快高長大，開開心心，有時佢地不停咁詢問我地，相信都係唔希望自己嘅子女受到任何事情或者別人給予嘅傷害！
回想自己細個嘅時候，都有好多嘢做錯，現時想作出補償，似乎已經無可能囉！
唔知大家有無試過夜麻麻電話響呢？當想去聽嘅時候佢又停咗喎！其實唔理佢，當佢 miss call可能會好 d！不過最衰就係起咗身睇囉！唔知乜嘢事？ 因為太夜都係唔好打番過去囉！
唔‧‧‧應該無事無事！！
禽晚落好大雨，囡囡留咗個短訊比我，佢話天氣先生講呢幾日都好大雨，見我咁懶，所以提我一定要帶遮返工喎！哈哈‧‧‧傻囡囡一個！！
兩日假咁就完咗囉，要等到下個月2號先再放假，唔‧‧‧都唔係好多日啫。哈哈！今日又要返去嗰個鬼地方，咁大雨都唔知頂唔頂得住！唉‧‧‧
※老婆婆，係唔係對得太耐，你覺得我無所謂呢？你嘅溫柔去咗邊呀？ 老公公 上※
※希望阿 "朋友"老豆無攞咗封利是去用啦！ 祝契仔 生日快樂！※
打完呢編文章之後，今日應該唔打囉！不過都睇吓跟住有無 d特別嘢啦！每日一編嘅計劃，唔‧‧‧應該無問題嘅。
雖然我諗唔係因為阿輝無打一日日記，而令到人唔開心，不過咁樣打法另一個好處，就係我嘅打字速度，都快咗喎！哈哈‧‧‧只要別人開心，相信講一兩個大話，而又唔係傷害對方，應該無問題嘅，多謝咁多年嚟，給善意謊言阿輝嘅朋友，多謝你地嘅關心，不過真係我做錯就要講喎，唔係就傻咗都唔知呀！！
外母我嚟啦，老婆都應該到咗囉！哈哈‧‧‧
睇過一編文章之後，以阿輝嘅認知，有以上嘅感慨‧‧‧
面對每一樣事物，起初嘅時候相信會好積極好有衝勁，由起點直至最高峰嘅地方，可能只需要好短時間，但做人係唔係在高峰位置嘅時候就要停止呢？其實之前有一編文章講熱鬧過後，人應該點去等待下一次嘅來臨。唔‧‧‧個人認為都應該差不多，做每一件事唔係一定順風順水，當中一定會有起有跌。只係在乎跌下嘅時候，點面對下次嘅起身！於平穩同冷靜嘅時候，就應該思考如何再到高峰！
傻佬阿輝明白嘅嘢都幾多，不過要自己面對面做就真係難喇！或者呢 d就叫做 " 旁觀者清 "啩！！
希望睇得明嘅人，唔好好似阿輝咁啦！
係唔係有人要離開香港呢？唔‧‧‧
兩個陳小姐、跟住就係劉小姐、鄧小姐、袁小姐
呢幾位女士就係阿輝係工作地方三年來識到又有計傾嘅朋友喇！！有d就已經走咗，有d就唔知去咗邊，唔‧‧‧引用囡囡講嘅一句說話，" 時間真係過得快喇！"
※如果我呢個 blog有分類選項就好喇！※
今日放假日，一早出咗去，都差不多下午3 點先至返到屋企。唔‧‧‧都係一個開心嘅早上約會。
雖然妳話有 d嘢會同我講，最後都係無講到。算把啦！又或者留番下次啦！如果有下次嘅話，哈哈‧‧‧
古靈精怪嘅妳，若果喜歡先至再講啦！希望今早嘅約會，妳開心嘅心情可以保持住啦！因為到最後我嘅壞習慣感覺又出現啦！雖然唔知乜事，應該都唔關我事啩，感覺就係感覺囉！希望今次我的感覺錯啦！無事無事！！！
※今日見到兩個驚喜，開心同唔開心都唔鍾意講出口嘅我，唔‧‧‧呢兩個驚喜，我好開心！因為無乜機會見到！哈哈！※
4月25日係一個特別日子。阿輝入咗呢間公司不經不覺已經三年囉！唔‧‧‧其實呢間公司比我學到好多嘢！有部份嘢以前係唔會接觸，係呢度就可以囉！
有得必有失，不過唔開心嘅事就算把啦！希望來年有個好開始啦！！
哈哈！今日囡囡竟然兩隻眼睛咁嚟同我食飯！因為佢係四眼妹一個，今日見面都真係有 d唔慣！不過都 ok啦，唔係點做我個囡呀！不過就真係肥咗喇！
不過今餐午飯就差 d囉！算把啦！都食飽囉！不過記得下次比番個中湯我！！
※獅子座嘅守護星係太陽，所以今日返到公司，個下雨天都變成出太陽喇！※
不經不覺呢個 blog都快開張一個月囉！呢個 blog嘅出現，唔‧‧‧哈哈！
睇番 d文章，得出嘅就係 " 會心微笑 "，雖然未必每日都更新，但係睇落就好得意囉！唔知幾年後睇番又會係點呢？希望日後可以有多 d嘅開心事啦！
衰仔到最後都決定離開啦！自從佢識咗嗰個女士之後，個人變得好快。屋企同公司都一樣混亂，個人覺得就唔係咁好囉！點解要攪成咁呢？聽番同事講，佢唔做係去咗一間酒吧做！唉‧‧‧不過近來佢嘅工作表現咁差，相信今日比辭職信" 阿大 "，老人家都唔會留佢囉！
相識一場，期望佢以後好好咁面對啦！！
近日收到一封信，內裡講咗d有關唔開心嘅原因。阿輝係一個唔鍾意應承別人嘅人，不過如果係咁簡單就可以令人開心，相信都唔係咁難。唔‧‧‧不過都係唔講喇！費事唔得嘅時候比人話啦！哈哈‧‧‧睇吓得唔得啦？？
阿輝算係一個幾準時起身嘅人。所以鬧鐘對我嚟講可以話可有可無。講到" 人肉鬧鐘 "，相信佢係一種比較特別嘅鬧鐘，唔‧‧‧有時我都會用，多數會係冬天嘅時候，加上老婆嘅" 寒冰掌 "。你話想訓多陣都唔得呀！！哈哈‧‧‧
美國FBI招工題目 (答對3題的人不超過4個)
1）企鵝肉
問：一個女孩有一天給一個男孩做了一道菜。男孩吃完了，但是覺得味道怪怪的，於是他問那女孩：這是什麼肉啊？ 女孩說：這是企鵝肉。男孩沉思了一會兒......痛哭了起來，自殺了。為什麼？
2）跳火車
問：一個人坐火車去鄰鎮看病，看完之後病全好了。回來的路上火車經過一個隧道，這個人就跳車自殺了。為什麼？
3）水草
問：有個男孩跟他女友去河邊散步。突然他的女友掉進河裏了，那個男孩就急忙跳到水裏去找，可沒找到他的女友，他傷心的離開了這裏。過了幾年後，他故
地重遊，這時看到有個老人在釣魚，可那老人釣上來的魚身上沒有水草，他就問那老人為什麼魚身上沒有沾到一點水草，那老人說：這河從沒有長過水草。說到這
時，那男孩突然跳到水裏自殺了。為什麼？
4）葬禮的故事
問：有母女三人，母親死了，姐妹倆去參加葬禮。妹妹在葬禮上遇見了一個很型的男子，並對他一見傾心。但是葬禮後那個男子就不見了，妹妹怎麼找也找不到他。後來過了一個月，妹妹把姐姐殺了。為什麼？
5）半根火柴
問：有一個人在沙漠中，頭朝下死了，身邊散落著幾個行李箱子，而這個人手裏緊抓著半個火柴。推理這個人是怎麼死的？
6）滿地木屑
問：馬戲團裏有兩個侏儒，瞎子侏儒比另一個侏儒矮。馬戲團只需要一個侏儒，馬戲團的侏儒當然是越矮越好了。兩個侏儒決定比誰的個子矮，個子高的就去
自殺。可是，在約定比個子的前一天，瞎子侏儒，也就是那個矮的侏儒已經在家裡自殺死了。在他的家裡只發現木頭做的家具和滿地的木屑。他為什麼自殺？
7）夜半敲門
問：一個人住在山頂的小屋裏，半夜听見有敲門的，他打開門卻沒有人，於是去睡了。等了一會又有敲門聲，去開門，還是沒人，如是者幾次。第二天，有人在山腳下發現死屍一具，警察來把山頂的那人帶走了。為什麼？
答案就在下面
呢一編係以前細佬囡給老人家勉勵自己的《 公主故事 》
把煩惱變成美麗
> 公主應該是沒有煩惱的。
>
> 她生長皇宮，是天之驕女，金枝玉葉，皇帝的掌上明珠 ，萬千寵愛在一身。國皇
和皇后對公主十分疼鍚，公主的一哭一笑，都受到關注呵護 。她生活無憂，想要的東西
，垂手就可得到。公主嘛，總有最好的條件，美麗、溫柔、善良 、純潔。公主就在最美
好的環境下成長。
>
> 然而，不管她是公主還是窮家女，她只是一個平凡人。跟一般人一樣 ，公主一樣
的讀書識字，一樣的交朋友，一樣的成長。大多數的時候 ，公主是快樂的。然而跟所有
人一樣，公主也會在人際關係間不知所措﹔她也渴望被了解 ，渴望能夠得到別人認同﹔
公主也會寂寞、也會認不清自我，也會因不安而心跳砰砰、也會困倦 、傷心、妒忌、失
望、懷疑，也會有心中煩惱、痛苦而失眠的夜晚。
>
> 這天，公主又正被煩惱纏繞，悶悶不樂。她召喚皇宮的魔術師 ，對他說︰「魔術
師，你有把煩惱變走的魔法嗎﹖」
>
> 魔術師說︰「世界上所有的物質都不會消失，而只會轉化 。我只有把煩惱變成美
麗的魔法。」
>
> 魔術師唸起咒語︰
>
> 煩 惱 並 不 是 壞 事
> 難 為 情 也 不 是 壞 事
> 傷 心 也 不 是 壞 事
> 小 氣 也 不 是 壞 事
> 這 些 都 只 是 自 然 不 過 的 事
> 煩 惱 不 煩 惱，只 在 一 念 之 間
> 痛 苦 的 時 候，你 明 白 快 樂
> 失 去 的 時 候，你 明 白 珍 惜
> 風 吹 的 時 候，你 明 白 溫 暖
> 煩 惱 的 時 候，你 明 白 幸 福
>
> 煩 惱 的 時 候，做 自 己 喜 歡 的 事 吧
> 好 好 的 大 哭 一 場
> 吃 好 吃 的 食 物
> 聽 喜 歡 的 音 樂
> 看 一 場 電 影
> 想 想 自 己 擁 有 的 東 西
> 然 後 你 會 發 現，煩 惱 的 時 候
> 就 是 製 造 美 麗 的 時 候
>
> 煩 惱，就 代 表 一 個 改 變 的 機 會
> 為 原 本 習 慣 了 的 局 面，開 了 一 個 缺 口
> 讓 你 看 得 見，另 一 片 天 空 的 美 麗
> 原 來 你 只 要 轉 身 去 看
> 美 麗 就 在 煩 惱 的 背 後
>
> 魔術師施完魔法後，公主終於笑了，笑得很美麗。
曾經有個女性朋友問過阿輝，男人點先算係"顧家"，一直我都無比答案佢，直至佢走嘅時候我同佢講咗一段說話。阿輝應該明白女士心目中理想嘅老公係點樣，不過理想還理想囉！好多嘢唔係想就可以！！真係要互相配合！
我的家。一編好想寫嘅文章，不過暫時真係諗唔到點寫‧‧‧
曾經一次回家的巴士上發生嘅事，我仍記得！雖然只係相距幾個坐位，係唔係大家都在想起其他嘢呢？下車時見到你，我都覺得奇怪！！
今晚嘅短訊雖然都算係一種報平安方法，不過呢五個字，我希望唔好再出現啦！！或者打個電話應該可以嗎？ 一兩句說話對於我嚟講，其實已經足夠！！
個人認為每個人一生有三樣嘢好重要。" 家庭 "、" 朋友 "、" 工作 "呢三樣嘢都會相連及有關係，分配上要好平均，近日嘅我三樣嘢都跌到新低點，唔知算唔算係我識得攞佢地嘅平衡點呢？唔‧‧‧
※四葉草幾時會出現呢？※
禽晚收工，行經火車站嘅時候，嘩‧‧‧做乜咁多人！如果唔係好眼訓同埋個天咁黑，重以為係早上添。幾日嘅假期原來都差不多完囉！佢地要返嚟啦！豬長粉呀‧‧‧點解咁多人呀！攪到我都無得食！今晚要打定電話，叫阿姐留定比我先至得囉！哈哈‧‧‧
※你兩點先至返到屋企，其實我好擔心！！※
今晚同同事傾計，講到一樣嘢。如果阿輝咁好彩有70歲命，咁我嘅人生就已經無咗一半啦！唔‧‧‧同我傾計嘅同事，其實同我一樣都係35歲，不過我就大佢幾個月囉！一個人咁就無咗一半命囉，哈哈‧‧‧
ps 今晚見到一個好特別嘅月曆，裡面記住一d特別嘅日子，睇睇吓竟然見到我嘅英文名係度。唔‧‧‧好懷念個段日子！！
每個人無話做任何事都會做啱，只要係錯誤中得到答案後，往後嘅日子唔好再犯同一種錯處，相信別人一定會明白妳今天嘅錯，只係無心之失！若果太過自責的話，往後嘅日子，可能會變成對任何新事物都感到害怕。
若果人生在平坦嘅道路上一直行，一定程度上係件好事。不過有起有跌，咁先至活得精彩嘛！！
今天工作上比較忙碌，對朋友未能作出即時嘅安慰，希望妳有機會睇咗我嘅文章，心裡會好一點啦！
睇咗囡囡個日記，嘩‧‧‧呢個乜嘢病呀？病咗你重食咁多海產喎！麻煩！麻煩！
再一次講"希望病魔遠離你！"
ps 陪伴我多年嘅戰友，今日係三件大事( 漏煤氣、老伯跌傷、傻佬大叫 )之後唔見咗！對唔住各位舊同事，你地送比我嘅禮物，我唔見咗啦！！！唔‧‧‧
曾經同朋友解釋過我認為 " I Love You "嘅意思。外國人有個好處，佢地講就好地地，若果中國人講就會好麻煩！
自從自己出社會做事，諗諗吓都好似好少講過！唔‧‧‧老婆就真係同佢講過，或者真係人大咗，伴侶在身邊就已經足夠，嗰 d說話‧‧‧哈哈！！
今晚同朋友傾過電話，唔‧‧‧都算係講咗幾多嘢啦！打呢編文章嘅時候心入面都有一個疑問！！
不過都係算把啦！有時心裡的說話都係放在心入面好 d！
ps 如果有機會，我可能會同對方講一句『我愛妳！』
個人認為每個人做嘢，唔會話每件事都會好理性咁去處理。若果事情唔係太過大影響，相信應該會無問題啩！唔‧‧‧不過都係我自己諗啦！或者希望自己係處理期間會好過d啦！
收工嘅時候落緊雨，有d涼涼地，唔‧‧‧呢種感覺唔錯，幾好！！
朋友雖然未必記得曾經同我講過，不過我會記得囉！佢話‧‧‧
『您都係呀！成日關心住人，都要顧吓自己！』
其實自己覺得關心別人係一種天性，唔需要別人去教，亦無話希望別人有回報。只係做應該做嘅嘢囉！對住特別嘅朋友當然要有雙倍關心啦！
下午返工嘅時候，收到一個短訊，雖然唔係乜嘢特別嘅訊息，不過睇過之後，心入面竟然有d感動！！哈哈‧‧‧唔，有時感覺就係感覺，無得去解釋，只係個一刻覺得好開心囉！心入面想同對方講d嘢，不過到最後都係無講，或者都希望對方會明白我點解無講啦！又或者年紀大咗，別人嘅關心比任何嘢嚟得重要啩！！
轉眼間大假咁就放完了！想做嘅嘢都做咗喇！聽日又要返去o個個鬼地方！唉‧‧‧
原先諗住有件特別事係今晚做嘅，諗住給對方一個驚喜，不過對方無回覆咁就"費事啦"‧‧‧
係舊壚是但咁食咗d嘢，跟住就自己行吓囉，估唔到晚上公園會有咁多公公婆婆係度，唔‧‧‧個感覺都唔錯！得閒要再行吓！似乎阿輝開始學習緊老人家嘅生活啦！哈哈‧‧‧
今晚上網，特別朋友同我講咗呢句說話！
其實阿輝有時都會同人講，不過就一定要知道自己嘅錯處，而先至會講囉！
知道佢有事當然會唔開心同會問清楚啦！不過朋友嘅脾氣如果佢唔想講就算把啦！希望唔係我想像中嘅問題啦！
開心事應該唔好理佢時間上嘅長定短！！
或者我已經比其他人好運。
每個人嘅感受唔同，不過當熱鬧過後，應等待下次機會嘅來臨。在等待期間就應該細緻回味當中嘅過程！若有改善嘅地方，就要等待機會來臨時作出改進！！
以為已經走出了那件事的陰影，
「可是旁人一個小小的提醒，竟然再度令自己觸景傷情。」
心在瞬間墜入暗無天日的枯井，
所有不堪回首的往事又在腦海裡殘酷地重演。
那麼，偶爾痛痛快快大哭一場是好的，
這樣可以清除累積在體內的負面能量，
但是哭過之後請大聲的告訴自己：
「都過去了，都過去了，一切都忘記了。」
別讓那件事捲土重來折磨自己。
都過去了。不再記得昨日，也不想猜測明白。
都過去了。與其苦苦思索昨日，不如好好度過今天。
禽日下午大學站等老婆收工，因為無食早餐，所以幫襯咗個間快餐店。唔‧‧‧大學生唔好嚟咁多，d水準同其他分店唔同，食壞小朋友！！！哈哈‧‧‧
老婆到咗之後就跟住同佢出咗 mk 行咗一陣，同埋要搵地方比佢食嘢喇！不過因為落雨，所以老婆話唱歌喎！好啦。好過唔知行去邊！！
好好笑，佢地比咗一間30人左右嘅大房我地兩公婆！嘩‧‧‧簡直有演唱會嘅感覺！呵呵‧‧‧同阿『楊丞琳』聯絡過，因為佢話啱啱訓醒，所以唔得閒嚟囉，哈哈‧‧‧
老婆提我，原來禽日係細外甥嘅生日，所以唱完歌就過咗去食嘢喇！咁快小朋友已經 5歲囉！！
ps 1. 經過禽日之後，我決定退休啦，我要退出歌壇啦！重有老婆，你嘅普通話真係好普通，唔該你進修吓啦！！！呵呵‧‧‧
2. 柿太郎，覺得幾似我個外甥仔‧‧‧
禽日鬼妹仔打e-mail 比佢老豆嘅時候，見到的一個對我嘅稱呼。
因為阿輝係家中最細，細佬前細佬後咁叫我，所以我有個乳名叫 "阿佬"。因為我係佢細舅父，如果用英文叫法都應該可以嘅。唔‧‧‧
剛在特別朋友嘅日記睇到一個關於真正男人的文章。哈哈‧‧‧竟然有十三項喎！！！不過呢個係我自己嘅測試啫！要做一個真正男人都重有一段距離！！！
ps 請問妳，唔知呢個 "你"係唔係呢個 "您"呢？？？
曾經睇過一編日記，內裡有一句說話 『如果我早十年來到，情況會否有所改變？』唔‧‧‧有早到，咁應該就有遲到喇！回想十年前，當時嘅阿輝因為同依家老婆都拍咗拖一段時間，大家都諗好唔好結婚呢？阿輝結婚係分開兩段日子，註冊之後，都過咗一段都幾長嘅時間先再擺酒。期間老婆都係間唔中到我屋企住吓。所以有時朋友問我結咗婚幾耐，都幾難答囉！哈哈‧‧‧
今日囡囡過咗嚟！要我帶佢睇醫生。本來佢有講過睇老婆診所嘅醫生，不過老婆都話唔好，咁就帶咗囡囡到我樓下嘅診所囉！唔‧‧‧果然係神醫，唔係我睇都知我姓乜。阿囡，今次你有救啦！哈哈‧‧‧
ps 記得要準時食藥喎！！！
禽晚睇過 blog友嘅一編文章，係講一個朋友嘅關心 sms。睇完之後都給她一個簡單回應。原來都有好多人好似我咁，對特別嘅朋友就用特別嘅 "妳" 哈哈‧‧‧
P.S 禽晚傻咗，SEND 短訊比老婆竟然比咗第二個人！SORRY！哈哈‧‧‧
大家姐返嚟，比我睇咗一樣幾得意嘅嘢！唔‧‧‧無錯喇！就係我手上嘅電話喇！好彩阿輝都唔係流嫁！呢部嘢睇吓好囉！因為都買唔起啦！哈哈！
一早起身，老婆就叫我跟吓間屋d嘢，哦‧‧‧收到！因為禽日帶大家姐去買咗d嘢，所以除咗做老婆嘅order之外，今朝都對住部電腦幫佢搵d資料。嘩‧‧‧都真係幾眼訓。
好耐未試過咁多人 食一餐飯啦！大大細細加埋有16個人。如果二哥佢返埋嚟相信就真係要加多張枱先至得喇！雖然都係一般嘅餸菜，但都幾開心！
禽日先係真正咁見到大家姐同兩個小朋友。唔‧‧‧其實大家姐都無乜變呀！比較唔同嘅應該係佢個女囉！唔‧‧‧有外國血統嘅小朋友係唔同d，原來電影同電視睇到嘅外國小朋友唔係特技！！原來一個八歲嘅小朋友係可以咁圓古look。哈哈‧‧‧老婆話好彩同佢影咗合照，重問我依家係唔係發覺佢好廋喎，呵呵‧‧‧
轉眼間兩個老人家都已經離開咁耐！依家你地住嘅地方都有好大嘅轉變。相同嘅就係每年我地都會去探望你地！今年你地好嗎？雖然你地唔可以親口同我地講一句說話！相信我地都唔會忘記對你地嘅任何事！
因為去年嘅一件事，令到阿輝每天返工都有一種期待嘅心情！或者呢種期待已經變成一種習慣！習慣有好嘅，亦有唔好！雖然呢個習慣對阿輝嚟講可以話係一個壞習慣，不過到咗依家我都係唔可以忘記！！或者真係鍾意咗啦！
以前阿輝唔開心，可能會飲吓啤酒，因為年紀大，身體又差咗，都飲少咗囉！唔知有無機會再次感受醉薰薰嘅感覺呢？
一個自己未去過嘅地方，不過佢嘅位置都知道係邊度！
今日返工嘅時候，對面三條行車線都有警車經過，不過就唔見有其他車輛。唔‧‧‧做乜呢？
跟住見到嘅，我咁大個人，真係第一次見到。有一架靈車由警車開路，向粉嶺方向，唔‧‧‧原來係咁！！
曾先生，雖然大家都唔相識，不過希望你安息吧！
『 好多人心裡都有個傷口，但大家都會想準辦法去蓋住傷口令自己唔好諗起！可是大家都清楚依個傷口係無痊癒的。只係盡量令自己唔去諗唔去想！
由細到大我真係識到好多人，但有幾多個真係朋友呢?????我不期望每個人都會當我朋友.........但係....我期望一日開始做得朋友可以永遠都係朋友。有時會想自己思想係唔係太過單純呢????? 』
囡囡網上有呢一段說話，睇過全編文章之後心入面有很多問題！！唔‧‧‧
共同的興趣 作者／嘉恩
不知你們和另一半之間，有著共同的興趣嗎？相信很多人都覺得，和另一半擁有可以共享的愉悅，是一件很幸福的事情。只是，當你遇上一個人，動了情的剎那，你幾乎是無法判斷他與你之間是不是有著如此完美的契合。
遇上和自己頻率一致的人並非不可能，只是難得；大多數時候，我們會發現，由於男女先天上的差異，許多情人間並無法百分百的擁有共同的興趣。那麼，妳該像個歐巴桑一樣發牢騷嗎？其實不。
能夠具備相同的興趣，兩人一起去體驗與享受，是最臻完美的境界，如若不然，你又何必給予對方壓力呢？若你的另一半不愛逛街，你難道就沒有其他朋友可以尋找嗎？更何況，逛街這回事，或許和同性友人一同執行，會更有樂趣也不一定。
兩個人墜入愛河，不代表凡事都要和對方糾葛在一起，在很多時候，必須給予彼此獨立的空間與時間，讓兩人都可以在愛情的過程中有著呼吸的自由。如果說：既然你愛我，就要陪我去逛街。這是最傻的，因為強迫性的手段只會讓你的他反感，或許可以達到要求的目的，卻讓兩顆心有了裂縫。
談戀愛，是必須互相尊重的。你可以找朋友一起逛街，只要你的他知道你正在做什麼，那麼，在同樣的幾小時裡，你可以盡情地享受
逛街的愉快，而另一半也可以去做他想做的事。
在愛情裡，兩人必須共同成長，卻不代表兩人必須時時黏在一起，大腳疊小腳地共同向前邁步。
有句話說得好：兩情若是長久時，又豈在朝朝暮暮。有時，給情人一點空間，非但不是減少兩人相愛的時間，反而是可以加溫的。
沒有共同的興趣又如何？只要你們願意與彼此分享就已足夠。
又如果兩人的興趣差異實在太大，那就溝通吧！也許在某些事情，他陪妳去；某些事情，妳陪他去，兩個人各讓一步，不也很好嗎？
人類是何其聰明的生物，如果無法善用溝通的能力，該是多麼可惜？況且，興趣可以慢慢培養的，不是嗎？
永遠都要告訴自己，只要兩人心中都有愛，任何困境都不會難倒你們，唯有心中的愛逝去，才是最危險的難題。
呢個標題係以前嘅blog 名稱。係阿輝第一次接觸網上網誌而開。裡面有我開心與唔開心嘅事！亦接觸到好多新嘅朋友仔。雖然係短短嘅幾個月， 比我嘅感覺就係『 人間有情 』呢四個字！不過禽晚開始個一邊會暫別一段時間，不過都應該會間唔中返去睇吓囉！
我嘅哎吔囡囡網上日記都寫咗成三四年，希望我都可以咁啦！
大家姐準時嘅到咗三家姐屋企，好彩重有大哥去接機。同大家姐通過一次電話，佢竟然話今次好老咁返嚟，有好多白頭髮，哈哈！期待五號嘅來臨，因為個日先可以見面喇！！
禽晚嘅一編文章係講平凡人，囡囡睇咗之後就send 咗個短訊比我！再一次講‧多謝你！傻囡囡，你個哎吔爸爸無事，仍然安好，放心‧放心！
睇到外甥肥強網上日記，唔‧‧‧好唔開心，希望佢明白我網上嘅留言啦！年青人前面重有好多路行，唔好灰心！
『妳』嘅日記我每日都會到，雖然唔係每日更新，不過就令我有很多開心嘅回憶！
有時會諗吓，每一個人係唔係做每一件事都已經一早被上天安排呢？經常同同事講，希望做一個平凡嘅人。今晚同阿貓傾咗一陣計，佢問我嘅問題，想答嘅我就答啦，唔想答嘅，我就笑一笑。阿貓竟然講『 輝哥係錦架啦！知嘅嘢好多，不過佢唔講之嘛！』 哈哈‧‧‧
有時會同同事講，唔好咁八卦啦，做嘢先。知得多會好辛苦！好似阿輝咁，有時真係有口難言。
如果上天真係安排咗，唔知我幾時可以做一個平凡人呢？
自從開多咗個blog後，暫時都未講過比人聽！不過就連住yahoo個邊嘅網誌。如果留心搵，係yahoo個邊都可以搵到呢個blog嘅！
不過唔緊要啦，都係自己嘢。或者有機會就可以見吓阿輝個真面貌喇！哈哈‧‧‧
