。阿輝經常會講嘅一句說話"我係度，未死！"。其實呢句說話重點係希望同事處理事項嘅時候唔好驚，因為我係度，有鑊就我嚟咩啦！其實做得一個領導者好多嘢都未必會處理過，只係因為你係阿頭，無辦法之下，都要上o架啦！同埋可以令到對方感覺唔係得佢一個囉！雖然離天下無敵重好遠，不過所有工作都應該放開心情去面對囉！相信咁樣工作會開心 d！！
※外甥女，細舅父曾去過一次 50圍嘅婚宴，重係第一次真正咁見到999支玫瑰花，嘩！原來真係好大o架！妳呢？有無相比我睇呀？今晚妳好似好緊張喎！！ :-) ※
星期一, 7月 31, 2006
心中的天下無敵
星期日, 7月 30, 2006
曾經‧‧‧
。曾經考過第一名 ( 不過係幼稚園嘅時候 )
。曾經做過聖誕老人 ( 記得應該係幼稚園高班嘅事 )
。曾經多次攞過美術嘅獎勵 ( 呢個就係小學喇 )
。曾經做過兩年嘅領袖生 ( 其實都唔清楚點解搵我做，哈哈‧‧‧)
。曾經打排球整親隻左腳 ( 有時大風大雨都有少少痛 )
。曾經同同學仔個細妹‧‧‧ ( 都係唔好講囉！)
。曾經參加學界排球比賽 ( 不過係3 零部隊 )
。曾經一路工作一路讀書 ( 個段時間係最辛苦 )
。曾經月入萬五 ( 如果依家係咁就好囉 )
。曾經對住一個男同事o咸 ( 因為老婆婆嘅嘢囉！)
。曾經‧‧‧
※"智者"係電腦放咗一首歌，係阿倫嘅"曾經"。聽咗之後真係會心微笑，可能妳地都未聽過，因為太耐嘅歌囉！不過我喜歡！※
星期六, 7月 29, 2006
218編記事
。不經不覺呢一編已經係 218編記事〈 加埋另外嗰一個 blog 〉。 其實自己都估唔到原來都幾多口水！哈哈‧‧‧希望可以繼續啦！
※今晚覺得用"記事"來形容自己嘅文章好 d，以後就用"記事"啦！※
大塞車
。因為工作地方同屋企都有一段好長嘅路程，所以放工嘅時候最唔想見到嘅就係塞車喇！經過十個鐘頭嘅工作，最希望快 d返屋企！不過世事邊有咁好呀？本來都講粗口，不過見到幾架車撞埋一齊，重成架綠巴都係乘客，唉‧‧‧小心 d啦！唔知其他車上嘅乘客有無事呢？應該係架電單車出事先，因為佢係最前面嘛！見到咁，遲 d返屋企就算啦！
星期五, 7月 28, 2006
夜歸
。因為唔夠人嘅關係，又唔想"智者"一個人，所以今晚比平時遲咗一個鐘頭收工。好耐無試過咁夜返屋企囉。其實自己都算係一個夜訓嘅人。所以都無乜所謂啦！希望"智者"今夜無事啦！
。返工同放工都見到撞車，唔‧‧‧唔通真係農曆七月就係咁多嘢！應該唔係嘅，咁啱啫！雖然自己唔相信呢 d嘢，不過妳地都小心 d啦！過咗呢個農曆七月份先再去玩夜 d啦！！
星期四, 7月 27, 2006
立秋
。睇電視嘅時候，一個睇相佬話點樣分上半年同下半年。咁啱佢又講緊狗狗年嘅運程。唔‧‧‧希望佢講得啱啦！呵呵‧‧‧因為到立秋嘅日子快到喇！！
。唔知做乜鬼，禽日放假可能無訓午覺，係二家姐屋企食完飯竟然訓咗覺，走嘅時候都好夜囉。好寧靜嘅一個晚餐，佢都係唔係屋企。二家姐話無事就無事啦！做細佬永遠支持你！！
。" 拒絕別人 "，相信係一個幾難嘅項目，所以阿輝唔鍾意亂咁應承人囉！不過自己都希望別人唔好拒絕自己。
※期望 " 立秋 "嘅到來！※
星期三, 7月 26, 2006
天堂
。牽著你在天空飛翔
這樣看世界不一樣
有了你在身旁笑的臉龐
世界或許 就這麼寬廣
忽然就忘記了慌張
人海之中你最明亮
無意間的影響 漸漸擴張
你豐富我 生活感想＊
何必尋找所謂的天堂
原來我因為你 不想再去流浪
情願平凡 不擁有一切也無妨
有了你在心上 已然(經)是天堂
※其實呢首歌都唔係好傷感！※
星期一, 7月 24, 2006
手機短訊
。sms 係一樣幾得意嘅發明！只要有手提電話，就可以即時將所見所想送給對方。可能只係短短嘅幾個字，不過突然收到朋友嘅短訊，亦會有一陣喜悅！曾經收過一個訊息，自己心入面有一陣感動，更係自己個blog寫咗一編文章！呢一d可能就係 sms比我嘅驚喜啦！
。昨夜收到妳嘅短訊，好耐無收過囉！雖然即時作出回覆，不過我個電話就顯示"發送失敗"，唔‧‧‧ 算把啦！
※其實每日我都見到妳。短訊所講嘅，其實都係我心所想。妳‧‧‧好嗎！※
奇怪的感覺
。除咗佢之外，重見到一隻好大好大好大嘅狗狗！一隻"大丹狗"。隻狗狗四隻腳企係度，個頭都到我胸口！嘩‧‧‧真係好大呀！
※今日下午去過阿潘屋企，唔知點解出現咗做"錯事"嘅感覺，唔‧‧‧傻咗囉！※
星期日, 7月 23, 2006
因為我需要活下去！
。曾經同朋友講過，人生係需要高低起伏的面對自己嘅路。咁樣活著先感覺到生命嘅精彩！講同做真係兩樣嘢，自己真係好想平平淡淡咁過咗去！早前老婆婆講咗一d嘢！希望嗰一日快 d來臨！到時可能真係可以試吓平平淡淡囉！
※期望那一天快些來臨！※
Powered by Qumana
星期六, 7月 22, 2006
慎言
。經常會叫同事留意嘅一樣嘢！不過今晚似乎自己犯咗一個錯誤囉！希望對方唔好咁唔開心啦！
。今晚返屋企係架巴士度見到 d好恐怖嘅嘢！嘔‧‧‧先生呀！下次唔飲得就唔好飲啦！攪到成架車都一陣味！
※明天會更好！※
星期五, 7月 21, 2006
星期四, 7月 20, 2006
身體健康
。老婆婆生日第二日已經病咗囉！佢間診所個傻佬醫生重同佢打咗支針，叫咗佢返屋企。唔‧‧‧有少少發燒喎，小心小心！
。今日好叻，攞咗老婆婆嘅mp3玩，重上咗網幫佢升級，呵呵！如果有一日屋企無咗個電腦，我諗我會死囉！哈哈‧‧‧
※帶口罩呀，唔係連我都病o架啦！！※
※Sorry呀！無覆到你！※
Powered by Qumana
生日快樂！
。老婆婆咁就過咗生日囉！可能自己太耐無飲酒嘅關係，所以今晚食飯飲完少少都好似有 d頂唔順！呵呵‧‧‧
。囡囡終於搵到工喇！其實都唔驚！阿輝一向認為女仔係容易搵工過男人。比心機啦！
※今晚真係早 d訓啦！哈哈‧‧‧※
Powered by Qumana
星期二, 7月 18, 2006
愛情故事
。肥強嗰邊睇到佢嘅愛情故事。年青人都應該嘅！不過重咁細個，重有好多機會啦！阿輝好記得肥強曾經入過醫院做手術，嗰次係第一次見到佢個小小女朋友，唔‧‧‧除咗覺得佢兩個太細個之外，見到佢兩個嘅時候，個種感覺就真係恨死隔離呀！可惜到今日只能變成肥強嘅一個回憶囉！
。係公司個電腦有一編文章，希望可以保留落去啦！因為個作者係我嘛！哈哈！雖然都係自己無聊嘅作品，不過真係希望對睇過嘅人有用啦！雖然曾經有人入過我嘅folder改過內裡嘅嘢，不過都已經比我改番。你嘅用意我真係唔清楚，不過唔好再有第二次啦！
Powered by Qumana
星期一, 7月 17, 2006
又傻咗啦！
。禽晚有一個好好嘅覺覺豬！所以一早起床，諗住將咁開心嘅事記錄吓。阿輝好似好耐無訓得咁好囉！可能落過雨，天氣無咁悶熱影響啦！最重要可能係因為一路訓，一路諗起d開心事。旁人覺得唔重要嘅事，係阿輝心中又另外一件事！
※傻完！哈哈！一個無藥可救嘅人，真係唔知點算？※
Powered by Qumana
輝哥哥
。今日見到兩個好耐無見嘅朋友，想唔到會見番你兩個。阿蛇，你仍然係咁傻瓜喎！阿春，工作重要，不過身體要睇緊d啦！好病喎！小心！
。呢幾日天氣真係好難攪，平時返工行去坐車嘅地方都無雨淋到，不過今日d雨都唔知係邊度嚟？未坐車個人都濕咗一半囉！哈哈！
Powered by Qumana
星期六, 7月 15, 2006
真人真事真鬼故？？
。話說阿輝早兩日放假，公司嘅事都唔係咁清楚！咁禽晚收工見到一個外判嘅保安員叔叔，同佢打個手勢講再見後就走囉！最恐怖嘅係今日肥佬同我講咗樣嘢，係個保安員叔叔我放假嘅時候因為中風入咗院，跟住就‧‧‧我聽到嘅時候，嘩‧‧‧唔係呀？驚驚呀！
※今日見過基哥，佢失業啦！唔‧‧‧咁當初就唔好走啦！※
星期五, 7月 14, 2006
希望聽到的說話
。下午傾咗一陣電話，不過感覺好奇怪囉！唔知呢 d算唔算係一種疏離嘅感覺呢？雖然經常叫自己"算把啦"！但係越係唔想，個結果就越衰。似乎對方同我講一句"算把啦"，可能會好一d！！
※所有嘅聯絡方法都用過，一但聯絡上，又唔知講乜，呢一種感覺真係好唔鍾意！※
Powered by Qumana
星期四, 7月 13, 2006
愛情分析
* 十年來三十人份的情書被現任的情人發現：23.28%
* 情敵是小自己十歲的女孩：21.58%
* 情敵是大自己三十歲的女性：21.47%
* 腳踏九條船而意外撞船：14.58%
* 狠心拋棄自己愛過的人：12.09%
* 直到有了新的交往對象，才了解自己那天失去的是世上最好的情人：7.01%
=''
或許我們的未來，早就逃跑了，因此我們始終繞著『過去』打轉，一而再、再而三地踩痛自己。
－摘自《愛在月迷津渡時》"
※都係玩吓，唔好盡信！哈哈‧‧‧※
Miss JUNE
。呢位miss係邊個？我都唔知呀！不過同老婆婆食完飯。佢唔知係邊度搵咗本今期嘅東週刊出嚟。咁我睇吓睇吓，嘩‧‧‧呢個女仔好靚女喎！睇清楚 d，原來係一間我都幾熟嘅補習學校老師。呢一個原來係 summer count 嘅廣告，唔知有無老人班開呢？呵呵‧‧‧
星期三, 7月 12, 2006
寄件備份
。今日天氣實在太熱啦！出咗街3個鐘左右，好似出咗幾年嘅汗一樣！都係屋企好。哈哈‧‧‧
。百無聊賴，上網睇吓 d web-mail，加埋所有嘅都有3個 e-mail account咁多！所以睇吓囉！唔‧‧‧都係時候清理吓囉！係 account 入面除咗睇番朋友寄比自己嘅信想念一吓之外，重睇番個寄件備份，原來自己咁叻，可以寫咁多嘢比人！哈哈。除咗blog，相信我嘅e-mail account都算係另一種記錄地方。
※平時自己多數用Firefox上網，老婆婆就多數用IE喇！今日用過之後，發覺原來用IE上網睇我嘅BLOG係有 d嘢睇唔到，唔‧‧‧唔知點解，或者真係有 d嘢唔可以寫出嚟啦！※
Google 的服務
。左邊係阿輝用嘅部份Google服務，如果佢話要收錢，呵呵‧‧‧
。其實都重有好多，好似
星期二, 7月 11, 2006
大掃除
。同老婆婆食完個下午飯之後，佢就過咗外母屋企，而我就有一個好重要嘅任務，就係返屋企執垃圾喇！哈哈！好耐未試過啦！睇吓今次有乜寶物搵到出嚟先！
。大舊飯咁就讀中學囉，不過好似唔係派到自己喜歡個間學校！其實讀書都係睇自己，希望小朋友唔好唔開心啦！
。係思田嘅日記睇到一編文章，唔‧‧‧男女間嘅愛情故事實在太得意啦！
※Blogger，你係唔係有病呀？再係咁，我又搬屋o架！※
星期一, 7月 10, 2006
世界杯
。過咗今晚就完結四年一度嘅足球大賽，終於可以早小小訓喇！不過聽日要返早兩個鐘頭工，唔‧‧‧慘喇！
。今日工作都好辛苦，唔知頂唔頂到睇完場波呢？
。老婆婆重有9日就生日，希望佢又大一歲，唔好再成日鬧我啦！呵呵‧‧‧
星期日, 7月 09, 2006
高層
。每個人都會有煩惱嘅時候，家中嘅事大大小小都會影響到工作上表現。記得呢行嘅師父曾經講過，除非你唔做啦！如果唔係，麻煩你返工嘅時候盡量唔好將家中唔開心帶回工作地方。師父講咗呢句說話，阿輝到今日都好記得！就算幾唔開心，返到公司都要保持住工作態度。比較熟嘅，見我好開心咁大笑，其實心入面可能又係另一樣嘢！做人實在太難啦！
※高級職員唔代表做乜都得，你要自己諗吓啦！我呢個『朋友』真係好難做！下面重有好多人睇住我地做嘢，當日講到信任嘅問題，到依家我覺得我無選擇錯誤，因為我覺得你有做錯囉！※
星期六, 7月 08, 2006
沒有童話國‧‧‧
。阿輝係一個好容易受外來影響嘅人。雖然自己經常叫人放開 d啦！或者算把啦！不過自己有時都做唔到。哈哈‧‧‧
。因為公司有 d嘢攪緊，重好大件事。所以有 d經常見到嘅朋友都要離開囉！禽日見到妹妹同佢細妹，一對經常到自己工作地方玩嘅小朋友，不過今次唔好意思呀！姊姊佢地已經唔係呢度開工啦！佢地又坐番出面 d長椅上。嗰種感覺好奇怪，唔‧‧‧唔知點形容，小朋友又小咗一個地方玩囉！呢幾日其實都有小朋友問，不過真係唔知點講好囉！
※本來標題叫"感動"，想寫吓睇見一對小女孩時嘅感覺，唔‧‧‧希望每個人都有童話，到最後一定會有一個美好嘅結局！※
星期四, 7月 06, 2006
心裡的短訊
。好耐無收過妳嘅短訊啦！記得以前間中會給妳一兩個簡短嘅問候說話。不過已經係以前嘅事囉。做人其實真係好得意，每每都在眼前，但就好似好遠。阿輝嘅大哥係住得最近自己，屋企望過對面就可以見到大哥嘅家。不過兩兄弟就好少見囉！或者真係心中有對方就可以。引用最老土嘅一句說話 『只要對方開心，自己都應該要開心！』
※ 唔‧‧‧※
錯而能改
。每個人做事無話一定順順利利，若果一次嘅失敗令到自己心情低落，就應該找尋一些事令自己開懷。唔‧‧‧阿輝最唔好嘅地方，應該係會講解一些理論，若果叫我自己做就一定好難。曾經睇過一本書講咗一段說話 『 與其去矯正他人，不如先改正自己，將會有更大的收獲，危險也較少！』唔知幾時可以好似呢本書所講咁呢？
※希望聽過我講理論嘅朋友，能得到一定嘅領悟啦！不過就唔好怪我改唔到囉！※
星期二, 7月 04, 2006
星期一, 7月 03, 2006
真正的10號球衣
。記得讀書時期，自己參加過打排球同打手球。依家個個都講嘅足球就竟然唔鍾意喎！可能因為足球場太大，比我嘅感覺好似好辛苦咁！上面兩種球類就唔同喇，啱我呢 d懶人，哈哈！不過近幾年兩種球類都改過球例，同我學嘅時候都有 d唔同囉！依家叫我打番，可能都唔識囉！不過自己仍然保存當日嘅戰衣-----一件真正的10號球衣。
※上個月假期少，好似返咗好耐工咁，返埋今日，終於可以放吓假囉！※
星期日, 7月 02, 2006
人在，人情在！
。曾經有人問過阿輝呢個問題！以我嘅認知，勉強可以比到對方答案。雖然未必係最好嘅答案，不過應該都差不多啦！阿輝係一個記嘢嘅人，無謂嘢就更加多，唔‧‧‧其實都唔知點解會寫呢段嘢！只係忽然間諗到，所以就寫出嚟！哈哈！
※黑衣人大會完咗，對我似乎無乜用！唔‧‧‧※
訂閱：
文章 (Atom)