開會日

。因為近日公司嘅嘢，高層話要開會。唔‧‧‧我竟然同 " 阿大 "講咗一句，不如我地四個傾吓先啦。近來我地四個真係有 d 嘢，咁點去教人做嘢呀？希望今次真係可以解決啦！！

同行者

。呢輪個blogger 好似開始又傻傻地啦！唔係又要我轉地方呀？

。下面編文章係囡囡寄比爸爸嘅，睇過之後‧‧‧原來我嘅快樂重有好遠喎！不過都係一編文章啫！又不過我都會試吓嘅！哈哈‧‧‧

。人一生好似坐車一樣，一路上會經過好多車站，每一個車站都會有人上、有人落。每日都好似重複，不過就每日都會遇上唔同嘅人，好彩嘅好能會有人同自己一齊乘坐同一班車，同一個站上落。妳地呢？搵到同行者未呀？

快樂的守則

快樂的守則

每做到一項，快樂便多一些，你能做到幾多項呢？

起步
1. 早上一起身便對著鏡依起棚牙，開心的豬頭炳，幾時也開心過憂鬱小生。
2. 越早起身越好，晏起床的人總好像不大快樂。
3. 無論怎樣忙，一定要食早餐，而且一定要把早餐慢慢歎。一早起來便趕喉趕命，
    整天都會有『唔知為乜』的感覺。
4. 大解後才出門。

待人
5. 喜歡你喜歡的人，討厭你討厭的人，待人毋須平等。
6. 告訴你喜歡的人你喜歡他╱ 她。
7. 無關重要的人誤會了你，便由得他們一錯再錯。
8. 無條件為喜歡的人辦事。
9. 無端白事送件禮物給自己喜歡的人。
10. 待人以誠，對方不誠便立即遠離，勿拖拖拉拉，做大戲才須好頭好尾。
11. 任何條件也不為討厭的人辦事；雖小氣，免勞氣。

裝修
12. 不要在白鴿籠內建造羅馬柱。
13. 客廳不置組合櫃，空間頓增加七倍。
14. 別讓室內設計師把你的房子設計成他認為理想的房子，除非你打算與他同居。

財政
15. 不打算炒賣任何東西，便無忌。
16. 帳單收到立即付，便無牽無掛。
17. 可以送錢給人，別借錢給人。當然也可以不送錢不借錢給人。
18. 可以有多少錢，並不是由自己決定的，毋須一天到晚『數住』。
19. 間中買貴了，不值得耿耿於懷。
20. 床單至少有兩張，信用卡只需一張。

從簡
21. 不動用自己不懂的字眼。
22. 不去了解自己不明白的人。
23. 週末╱假期不一定需要有節目。
24. 不講大話便不用記住講過什麼。
25. 不扮野便不用記住要扮左乜野。
26. 不要看不順眼的人╱ 事物，別看需要邊看邊罵的東西，一年頂多看一次半次好
   了，例如港姐選舉。
27. 不用應酬你認為是『應酬』的飯局╱聚會 ╱出席等等。
28. 把 Appointment Book 丟掉，你不是牙醫。
29. 你不需要兩隻手錶，當然更不需要兩副面孔，徒增添維修費用。

接吻
30. 別濕吻不愛的人，手尾好長。
31. 更加不可濕吻權貴的屁股，乾吻、甚至輕啄也不宜。
32. 接吻時，全情投入，別看鐘錶，別看股價，別看天地萬物。
33. 保持舌頭清潔。
34. 吻時別嚼香口膠，也不要把對方當作香口膠來嚐。
35. 有冇人錫，都要錫自己。

飲食
36. 每天至少吃兩個水果。
37. 眼睛多吃冰淇淋，便可減少眼火爆。
38. 路過涼茶鋪，不妨幫襯一下－有無幫助不重要，自己覺得好便是好。
39. 茶樓酒館宜少去，免得二手煙頂住你個肺。
40. 雞肋及其他食之無味的東西，毫不可惜地棄之。
41. 飲水，飲水，再飲水。

睇戲
42. 遠離慘情片，尤其是那些真摰動人的；哽咽有礙呼吸，好辛苦。
43. 看不明白大師的電影，不用內疚，也不必扮欣賞。
44. 睇戲當然要吃零食。
45. 拒絕看配了廣東話的外語片，尤其是成人電影。
46. 請女人看極度驚慄片之前，自己先獨自看一次，免得屆時出醜。
47. 專心看戲，不分心在戲院偷錄。
48. 睇鹹片不要拗劇情。

工作
49. 適可而止。

得失
50. 過後不過一啖笑，記住起身依起棚牙，性感豬頭炳嚇不死人也嚇死自己，
     好 happy。

悲觀的人說「知易行難」，樂觀的人說「知難不難」。

哥施拉

。無錯，係哥施拉，唔係陳師奶。我諗我就快變成佢一樣，個口真係可以噴火啦！哇‧‧‧呵‧‧‧

。公事同家中嘅嘢攪到呢輪自己都好似有 d失控。好容易就會發脾氣！唔‧‧‧返工前終於打過電話比外甥，呢個電話其實無乜特別嘢同佢講，只係想佢知道細舅父係度，我知道呢件事囉！好彩肥仔佢都明白呢一點！希望佢記得要睇住媽媽同細佬先啦！其他嘢大人應該會處理！細舅父只能咁樣講啦！似乎我真係唔知點樣作出幫助囉！

※晚上嘅一個電話，多謝妳問候我外甥。同埋好耐無聽過妳把聲囉！一聽電話所講嘅第一句說話，雖然唔知自己點解會咁，但係真囉！最後我嘅失言，希望妳見諒啦！※

定 d，定 d

。" 我係度，阿輝未死！ "呢句說話係我好鍾意講，希望今次嘅事真係可以定 d、定 d啦！


※唔該你老婆婆，陪咗二家姐一日！※

MSN 8.0

。因為裝咗呢個嘢！所以在測試中！不過唔知係唔係我蠢！覺得ICQ好用 D！哈哈！

。MY MSN chan.faifai@hotmail.com ,其實gmail 嗰個都用得，因為之前用緊，不過睇落hotmail又好 d喎！唔‧‧‧睇吓我係網上見唔見到妳地？？

給二姐夫的信

。如果真係大陸啱你嘅話，你走啦！我家姐無乜讀過書，好多嘢佢都唔識！好多嘢佢都唔會表達出嚟！每日咁對佢，對佢嚟講係一件幾慘嘅事！每個人屋企都有一定嘅問題！就算我都唔例外。但係好希望你唔好比我知道你再咁樣對我家姐！我亦唔希望外甥仔佢地唔開心！你嘅仔佢地都大過啦！好多嘢佢地都知道，係唔係真係要攪咁多嘢呀？


※睇咗外甥仔嘅日記之後，好唔開心，點解會攪成咁？※

兒時夢想

。好彩今朝走咗去三家姐屋企，因為睇番新聞自己住嗰區係今日最熱嘅地方！如果唔係咁，溶咗都無人知呀！哈哈‧‧‧

。每個人都有夢想，阿輝都唔例外。細個已經好想做一樣嘢！竟然要到咗依家先行第一步。今日對住個鋼琴兩個鐘頭，睇住 d五線譜。嘩！原來真係好難喎！隻左手手指係兩個鐘頭之後已經好似唔係我咁樣！重有望乜嘢都好似有好多豆豉喎？哈哈‧‧‧我會繼續努力！！！

『雲廸，你表演住先，記住等我呀！』

小禮物

。睇過網上的一編文章後諗到的一個標題。文章係用一隻遊戲光碟來帶出一些有意思嘅見解！

。禮物其實唔會有大小之分，視乎送禮者的心思！禮物更加無指定係乜嘢！如果以阿輝自己嘅角度，其實簡單嘅一句說話，阿輝都會覺得係一份好好嘅禮物！哈哈！其實呃我都幾容易喎！

。最近公司有 d事，係關於一個新男同事嘅鞋子問題！如果識得阿輝，應該知道我工作嘅寫字樓係幾咁亂，所以定期" 阿大 "都會大清潔，將無用嘅嘢清走。當新同事發覺唔見咗鞋子已經太遲，聽番佢講，呢對鞋係有記念價值，係佢過咗身嘅表哥送比佢！唔‧‧‧


※送過禮物比我嘅人，除咗講多謝，我一定會好好保存妳地給我的物品，包括一個笑容或者說話！※

MSN 更新咗啦！※Goston's Blog※

Goston's Blog: "這個東西就是 MSN Messenger 的最新版本, 經過長久的 Beta 測試後, 正式版終於發佈了, 版號為「8.0.0787.00」。有需要的請自行下載。

不知道這是什麼東西的, 請見官方網站。

老婆婆的微笑

。唔知幾時開始咁樣叫自己個老婆！可能我叫做老公公囉！哈哈‧‧‧好耐無見過你咁笑囉！今晚再次見到，已經無乜嘢講‧‧‧ :-)

。下午肥佬講咗樣嘢我知，希望今年順順利利啦！！阿門‧‧‧

停電

。今次到我屋企停電喇！因為住係低層，所以都應該唔會用絕招返工！不過都係早 d訓囉！唔係點洗白白呢？又停電又停水！唔‧‧‧


※總站嘅叔叔話技術問題，現正搶修中！所以要停幾日囉！※

同事們，唔好亂諗嘢呀！

。曾經講過一句說話，" 老人家多嘢諗！"唔‧‧‧原來真係喎！大過我嘅老人家，麻煩你地唔好亂諗啦！

。唔知係唔係九巴人工加得唔係咁好，今日放工司機叔叔好似傻咗咁，嘩！我重未想死住喎！睇路呀！重有個冷氣唔該唔好開咁大啦！凍凍‧‧‧

無止境

。同高佬講開個"錢"字，大家都講到點先至夠呢？公司嘅阿姐好多都仔大女大，聽佢地講好多都係搵到好多錢！唔‧‧‧阿姐，不如唔好做啦，咁辛苦！點解唔休息吓呢？唔通一世係咁做咩？仔仔女女又唔係唔比你？真係奇怪！

。今日睇咗公司 d特別嘢！嘩！真係一個好大嘅工程！同同事講笑，第一個工程都做咗成兩年，之後嘅都唔知睇唔睇到囉！哈哈！

※今日又出現咗自己最唔鍾意嘅嘢喇！成日叫自己算把啦都唔得嘅？※

新類型人

。記得細個睇卡通片，有呢一種人類。近日公司都嚟咗個咁嘅人，佢差唔多嚟咗都有兩個月囉！不過就真係怪怪地囉！好古怪！！再係咁，不如炒咗佢好 d囉！唔‧‧‧

。今日做嘢好倦呀！計我嘅尾龍骨之後，隻死人腳都玩我啦！遲 d好能得番把死人口講嘢！哈哈‧‧‧

我跟自己說話

我跟自己說話 - 水藍深邃 - Yahoo!奇摩部落格:

我跟自己說話

就像一朵沈默的花
燦爛開放卻有看不見的憂傷

我怕無聲的靜默
感覺整個世界把將我遺忘

摸索在黑暗中恍然發現
原來自己才是那唯一的光

不要腦中太多的選擇與猶豫
不願改變執著也不願丟掉自由

如果沒有人陪在身旁
就學會跟自己說話

無論歡喜悲傷或失望全自己獨擔
或許這也是一種成長

好攪笑的一張相

。最攪笑嘅係乜？唔‧‧‧妳地諗吓先啦！重有幾張o架，不過睇住呢張先！

。我個舅仔又傻咗啦！都廿幾歲人，你想點呀？生性啦！

電腦中咗毒？

。早前換咗個防毒軟件，咁就試吓佢啦！嘩！俾佢掃兩掃，真係有病毒喎！好彩都唔係乜嘢厲害嘅病毒，都重攪得掂！唔‧‧‧呢個軟件到依家都唔錯！

。初步都知道你想做乜嘢！希望自己無估錯啦！如果行咗呢一步，咁就要繼續落去！某程度上，我會支持你！

。聽日除咗食父親節晚餐之外，重有一個重要任務，大舊飯、大舊妹！你地等細舅父呀！唔‧‧‧



※打擾妳啦！知道無事我就放心喇！※

點解會咁嘅？

。兩位金牛座小姐，妳地要保重身體呀！踏入21歲無耐就咁樣囉！不過最奇怪嘅係點解妳地嘅病徵都咁似嘅？？唔‧‧‧今次 " 金田輝 " 又要再出現啦！哈哈‧‧‧

。上面唔係笑妳地，不過真係希望妳地小心 d囉！無咗兩位作為我嘅背後支柱，咁點算呀？


※探病要帶花，送給妳地，望喜歡並祝 早日康復！※

上堂

。因為要上公司堂，所以比平時早咗出門口。早返工，所以早收工喇！不過今日上堂就真係‧‧‧個阿sir都傻嘅，我咁專業，你講嗰 d嘢好似有 d問題喎！唔‧‧‧

。晚上返公司，食咗飯等收工。公仔檔個女人搵我問係唔係要嗰隻公仔呀？唔‧‧‧原來係咁！！好啦，咁平就買咗佢啦！不過要下個星期三先比到囡囡囉！係我個locker訓陣先‧‧‧

。呢個月假期都在星期五，唔‧‧‧都好，今個禮拜五會同外父食父親節晚餐！呵呵‧‧‧



※買公仔嘅時候，見到有軍曹嘅髮夾喎！唔知大個女嘅小朋友重用唔用呢？※

明天要上堂

。咁大年紀重上堂，哈哈‧‧‧

。裝咗個新嘅防毒軟件唔知得唔得呢？見佢免費使用，算把啦！睇落就唔錯喇！

。 要訓喇，聽日要早起身呀！！

心亂如麻

。嘩！嚇死我，今日有人到公司表演，個女仔唱歌把聲竟然同衛蘭一樣呀！所以有可多人走咗過嚟睇！唔‧‧‧好聽嘅心亂如麻呀！

。終於知道公司乜嘢事喇！肥佬，算把啦！阿輝幾驚係你屋企有事！慢慢來啦！最重要公司重有糧出嘛！哈哈‧‧‧


※希望大哥記得幫我買嘢啦！※

古古怪怪

。公司嘅人好古怪，唔知乜嘢事？唔好咁啦！咁樣做嘢法好辛苦！

。禽日開始係個blog度加咗 d嘢，唔知又有無人搵到呢？哈哈‧‧‧

。大哥到新加玻幾日，希望玩得開心 d啦！公司嘅嘢，返嚟先算啦！唔‧‧‧


※其實係個blog度，我有解答過你問題！※

大家樂食飯

。太陽神呢排休息呀！唔係點解阿輝放假就落咁大雨！唔‧‧‧

。今日發揮咗自己嘅才能，用咗一支牙籤就整好部電腦喇！哈哈‧‧‧外父下次唔好咁樣玩部電腦啦，唔係次次都咁好彩阿輝識整o架！

。晚上去咗舊公司嗰邊嘅商場食飯，嘩！各位，我已經走咗好耐啦！多謝各位重記得我喎！今晚重見到阿輝入呢行嘅真正師父，原來今日係佢個女生日，祝小朋友生日快樂！！

。 返屋企嘅時候好攪笑，返屋企嘅天橋竟然水浸呀！真係有無攪錯！哈哈‧‧‧所以兩公婆對腳都濕咗咁返屋企！哈哈‧‧‧

金牌女兒紅

。雖然好少聽女仔歌，不過最近有呢隻碟，入面 d歌好好聽！

報平安

。禽晚如果唔係"阿仔"嘅電話，可能我地會傾耐 d。雖然而家感覺上真係有所改變，最少我係咁諗囉。不過聽到妳嘅電話，感覺又會好開心！ 唔‧‧‧

。雖然唔可以再同妳講要"報平安"，不過太過夜返屋企就要小心 d囉！

。如果每次檢查電腦都有錢收就好喇！你地 d電腦點解咁o架？唔好講咁多，每部檢查費二百，呵呵‧‧‧發達囉！喂喂！陳生，發夢無咁早喎！


※傻佬、傻佬，都話我係一個傻佬呀！※
※出面嘅雨細咗喇，可以出街囉！哈哈！※

來自天上的一封信

。昨晚睇過一封信後，驚覺世上實在有太多嘢唔可以用常理去解釋。雖然寄信給我嘅人未必希望阿輝有所回應，不過睇過信之後，心入面自自然諗到特別朋友曾經講過的一句說話，『你是你、您是您、最重要嘅就係"我是我"』。雖然無乜特別，不過理鬼佢有錢人、無錢人咩。

。今日竟然同上星期一樣！唔‧‧‧

Google ！你終於寄信比我啦！

。Google Analytics 係 google 入面其中一個服務，早前申請咗，今日終於比咗個密碼我喇！哈哈‧‧‧

。又係我最鍾意嗰句，測試中‧‧‧

。 本來都唔係咁高興，不過有阿囡囡考試都幾成功、朋友仔個網址睇到 d嘢、阿Google 又寄咗封信比我。好啦，咁就算把啦！！

改改名

。今晚將個留言板改咗名，叫做" 聊天室"。睇落好似好 d喎！哈哈‧‧‧

咁快又一年

。高層收工嘅時候，有個男仔跟住落嚟！唔‧‧‧未見過喎？問吓佢，原來係學校的同學仔，同囡囡一樣，都係嚟我地公司做實習生。好！年青人，你要比心機！

。今日係每月嘅例會日子，未見過阿大咁認真講 d同事！希望你地真係知道阿大嘅用意啦！如果唔係，下一個就係你地其中一個o架啦！

。阿 Robert 唔知做乜轉咗電話，連皇子都搵唔到佢，呢排放工又見唔到佢。唔‧‧‧你去咗邊呀？見字請聯絡皇子，佢有急事搵你！！

※重有‧‧‧妳呢？好似好耐無見囉！電話都唔聽？※

生存的意義

。一早上網，睇咗外甥嘅 xanga 日記，唔‧‧‧

。人大咗，會隨住時間及別人對自己嘅睇法，性格上會慢慢作出改變。如果係向好嘅一面去改，相信係一件好事。外甥家中嘅事，自己都知道部份，我呢個舅父真係老啦，好多時都唔係咁清楚年青人嘅諗法，真係唔知點做好啦？

。一個18歲嘅男仔，點解會咁！雖然自己嘅事都唔係咁好，不過希望小朋友慢慢來，前面重有好多路要行喎！！

好熱呀！

。天氣咁熱真係好唔舒服，除咗行雷閃電之外，相信怕熱都係阿輝嘅另一個弱點喇！唔‧‧‧實在太辛苦啦，重要穿著公司嘅衫！太慘啦！！

。今晚個 blogger.com 好似傻傻地，阿輝攪到都無乜心機，原先諗住寫嘅嘢，因為 login 唔到都無心機去打囉！加上今日心情又唔係咁好。唔‧‧‧都係算把啦！


※如果可以嘅話，不如直接講出嚟啦！阿輝其實都係一個幾傻嘅人，唔講嘢，我又點知喎？※

抱起妳

。晚上好攪笑，因為高佬嘅一句說話，係公司做咗一樣特別事。就係我抱起咗高佬跟住放咗佢落地喇！哈哈‧‧‧記得對上一次抱起人，應該係在一個公園抱起個朋友仔喇！唔‧‧‧都有一段時間囉！

。明知今個月係陳氏宗親會嘅中班，高佬下次唔好再講我地姓陳嘅嘢嗱！呵呵呵！！不過高佬生得咁高，原來咁輕，佢話自己得90幾磅？？唔係嘩！不過要講聲 sorry先，希望佢部跌咗落地嘅 N70無事啦！！


※今期攪出嘅六合彩號碼係 5、12、21、23、36、40 特別號碼係‧‧‧係你個頭呀！衰佬重上網，重唔走去訓？哈哈‧‧‧※

每天都在考試中

。晚上睇到 d嘢，所以有咗呢個標題！

。每個人在學期間，都會經過考試呢個項目。每一次嘅考試都就好似要測試自己有否能力再進一步。個人認為考試就唔係咁好囉！因為有 d學生真係為咗考試而考試囉。唔‧‧‧

。人大咗，發覺除咗在學期間要面對考試之外，其實每天都好似活在考試日一樣。做每一樣，只要有所錯誤，別人就好似改券一樣，喂！你已經唔合格喇！哈哈‧‧‧

。阿輝唔知道重要考幾耐試呢？


※六合彩已經買咗喇！重係之前嗰 6 個特別號碼，唔知今次10期六合彩有無我份呢？※

真係好大雨！

。嘩！有無攪錯。咁鬼大雨，好似住咗呢條邨咁耐，未見過嗰 d渠口會咁樣嘔水喎！似乎真係去唔切水喇！好彩未係黑色曝雨啫！！

。今晚同外母去咗食飯，唔‧‧‧都唔錯喎。不過就細碟咗少少囉。嗰個避風塘蝦蝦好好食喎！父親節都可能會去食多次，唔知有無我個份呢？因為都係要返工呀！

。好耐無見"玲玲"，晚上都見到喇，希望大個咗，生性啦！唔係外母同老婆婆會好擔心！你個仔就似足你喇，講嘢麻麻煩煩，哈哈‧‧‧不過都係一個可愛嘅小朋友！



※因為紅色曝雨嘅關係，又再一次無咗個約會囉！唔‧‧‧※

驚驚‧‧‧

。聽日放假，下午嘅時候約咗人食早餐，不過依家出面行雷又閃電！哎呀！驚驚‧‧‧


※如果太大雨，可能又要取消囉！※

端午節

。打緊呢段文章嘅時候，端午節已經過咗囉！而且又到咗另一個月嘅開始。好彩係呢節日我都有食到一隻粽，重係話叫"福建粽"。好奇怪的一隻粽，唔‧‧‧多謝 "大舊"。

。老婆婆晚上係外母家中做節。入咗呢行，好多節日都好似同自己無關係，其實有時我都好想去‧‧‧


※老婆婆雖然訓咗覺，不過佢帶番嚟嘅美味餸菜，我已經食曬囉！哈哈！多謝老婆婆！※