##HIDEME##

星期六, 11月 18, 2006

又有嘢試‧‧‧

。哈哈!呢次呢個記事可以唔睇,因為又係阿輝試吓嘢啫!測試完畢!

Blogged with Flock

星期五, 11月 17, 2006

沙田遊

。禽日一早食完早餐,自己就上咗新屋整嘢。老婆婆就去咗二家姐嗰邊,唔‧‧‧阿軒仔原來生水荳呀!希望佢快 d好番啦!

。下午同老婆婆去咗沙田睇傢俬,兩公婆係間好大好大嘅傢俬舖行咗三個鐘。呵呵‧‧‧倦倦呀!不過都睇咗好多嘢啱新屋用。雖然間正方屋好細,不過終於決定咗點攪喇!希望出嚟嘅效果好啦!期待中‧‧‧

。因為呢兩日忙碌中,chack 吓 電郵竟然有信喎!唔‧‧‧其實有時做人都唔好咁介懷囉!做朋友唔係一定要日日見,日日通電話o架嘛!

 

※引用舊 blog中的一句說話『 感謝 你、妳、您曾到訪!』※

星期三, 11月 15, 2006

傳說中‧‧‧

。呢三個字阿輝有時都會用。不過每次用嘅時候都唔係咁好囉!

。一早就走咗去新屋睇睇,因為裝修嘅嘢送咗去嘛!所以睇吓囉!加上清哥今日唔得閒,自己係間屋度做吓嘢囉!所以部份電話唔係唔想聽,只係隻手手唔乾淨咁又點聽呢?做咗一日嘢依家先叫坐定定,打吓記事。重要等老婆婆食飯。唔‧‧‧間屋真係麻煩,起屋嘅人都唔知點攪,正正方方,隻門又攞係中間喎!依家間屋似卡拉ok房多 d,哈哈‧‧‧

 

※係新屋準備走嘅時候,清哥嚟咗。傳說中嘅女士出現咗,唔‧‧‧都係一般啫!點解會攪成咁呢?唔通愛上一個人就係咁簡單?※

星期二, 11月 14, 2006

聽吓我講啦!

。林先生同我行完之後,公司上上下下都好似傻咗咁。其實林生比嘅意見,都係一 d好簡單嘅嘢!都唔明白點解會做唔到。一 d好耐之前已經講過嘅嘢,再由林生講出嚟效果真係唔同 d!一早聽吓我地講,就唔會攪成咁啦!唔‧‧‧

。『 公司指引 』,乜嘢先至係指引呢?可唔可以搵人指吓我呀?

。阿囡話請食飯,咁嗰日唔帶錢返工囉!

 

※多謝阿大幫我講咗一句『 你地唔好再煩阿輝啦,佢都有好大壓力o架!』※

※公司嘅日本餐廳竟然見到『 偶像 』,原來佢返咗嚟做!※

星期日, 11月 12, 2006

辛苦的一天


。公司嘅工作太辛苦啦!嗚嗚‧‧‧

。送上阿輝新居的一張夜影相。


※本來今日都好開心,不過我『老友』阿林生又嚟咗!唉‧‧‧※

特別的人給特別的信

。妳好嗎?好耐無見啦!近況如何呀?轉眼間已經過咗大半年囉。唔知重記唔記得我呢?而我一直都無忘記到!

。曾經講過自己係一個幾好記性嘅人。如果要我忘記一 d嘢,相信真係要同我先至得囉!

。雖然到現在自己都覺得有 d嘢唔應該講,不過做朋友要講嘅話應該就會講囉。只要唔係傷害對方嘅說話,相信我都會講囉!

。雖然大家都無乜特別事發生過,但係我一定記得有過呢段日子。雖然自己係一個唔係咁鍾意搵人嘅人。但有時都會想話 send 個 sms 又或打個電話比對方,不過因為知道對方有時唔係咁方便接聽或者回覆,所以好幾次都係算把啦!只要對方唔搵我,即係對方無叫我忘記對方啦!

 

※返咗屋企之後,就開咗個 writer打咗呢段記事,傻咗囉!※

星期六, 11月 11, 2006

下雪

 

。因為想搵 d  MTV放入個電話入面,禽晚走咗去 youtube睇吓,唔‧‧‧呢首歌係以前嘅 blog都放過,不過呢一度就第一次喇!雖然阿杜就真係唔知係邊鬼個,不過就真係好好聽囉!有興趣就按下面個閱覽全文啦!

。兩公婆可能傻咗啦!對住間新屋,似乎真係有 d頭痛,正正方方咁,都唔知點攪?希望清哥幫到手啦!最好就中六合彩啦!呵呵‧‧‧

星期五, 11月 10, 2006

星座


。雖然自己唔係咁信呢 d嘢!不過都會睇吓囉!除咗自己嘅獅子座、老婆婆嘅巨蟹座之外,朋友仔嘅都會睇吓!見唔到面都睇吓佢地嘅運情啦!早幾日睇過一編有關星座結交朋友嘅文章。朋友仔同我兩公婆就一定好啦。哈哈‧‧‧睇睇吓見到一個舊『朋友』嘅星座,唔‧‧‧真係睇過之後,似乎要對星座呢樣嘢重新估計!真係好准喎!若果人係可以知道自己嘅錯處而去作出改善就好囉!

※ 一個可能會幫朋友,幫到『好心做壞事』嘅獅子座感慨 ※

星期四, 11月 09, 2006

放假天、攞屋日

。今日放假亦都係阿輝去攞屋攞鎖匙嘅日子!今日終於可以入到去囉!唔‧‧‧除咗真係細咗好多、好多、好多之外,其實都唔錯嘅。呢 d應該算係安慰說話喇!哈哈‧‧‧

。下午老婆婆都走咗返嚟睇吓!希望係一件好事啦!因為我地都話可以將舊屋嘅嘢掉咗去囉!哈哈‧‧‧

。希望新屋快 d入伙啦!

 

※今日去咗管理處之後,發覺原來每個主任都係講嗰 d嘢!唔‧‧‧ ※

星期三, 11月 08, 2006

新一頁

。要等房屋署嘅信,真係等到命都唔長呀!晚上老婆婆打電話比我話終於收到信囉!咁樣表示咗我要離開呢個廿幾年嘅家囉!不過就有一個新嘅屋企囉!期待中‧‧‧

。好掛住妳呀!近況如何呀?今次真係傻佬要搬屋囉!有無禮物先?哈哈‧‧‧

。天氣變咗,好多病痛都會出現!雖然自己呢排都唔係好好!不過希望阿囡囡個鼻鼻無乜事啦!多加休息!