。其實都好夜囉，可能下午訓過覺，依家竟然訓唔到。唔‧‧‧
。本來想寫 d嘢，不過都係算啦！
星期六, 5月 27, 2006
星期五, 5月 26, 2006
WINDOWS XP sp2
。終於將個系統轉咗做 sp2，唔‧‧‧暫時都行得幾好喎！雖然二哥講過唔好轉，不過阿 bill 應該唔會捉我啩！哈哈！！
。本來今日諗住搵人食早餐，不過個人有 d呆呆地，起身都12點幾囉！算把啦！重有大把機會嘅！同老婆婆食完個午飯跟住行咗去書店。唔‧‧‧都好耐無行過囉！都唔明白 d書點解咁厚，點睇呀，又貴！！！ 都係上吓網睇吓書平 d！！
※期望下一次機會的到來！不過可能要到下個月囉！唔‧‧‧※
囡囡給我的智慧
換個角度去想想
。有一次，一對戀人乘坐一輛巴士進入山區。
他們打算在某處下車。他們下車後，巴士繼續往前駛。
。巴士行駛途中，一塊大石從高處墜下並將巴士壓得粉碎。
所有乘客無一生還。
。那對戀人看到這件事後說︰「如果我們都在那輛巴士就好了！」
。一般人都會想說：「還好我們剛好下車了！」
但他們卻說了不同於一般人的話，您認為他們為什麼會這樣說？
先想想再往下找答案Come on think again再想想吧！
----------------------答案----------------------
。如果他們都留在車上沒有下車，那輛巴士將會因他們沒有下車,而趕在大石墜下前駛過出事地點！！
。在我們生活中，多嘗試以不同的角度來正面思考及多找機會去幫助他人，別再不知不覺中一昧自私的為自己活著了。
。你答對了嗎?
若你答對了，那我眼光真好有你這個朋友
。若你答錯了，恭喜你跟我一樣，經由這封信增了一智~
星期四, 5月 25, 2006
老人家、小朋友
。睇咗一封寄給阿輝嘅 "信"之後，心入面就有咗呢個標題。
。雖然都無乜特別嘢想寫，不過信入面講做人應該睇開 d，放低多 d，個人會開心 d。唔‧‧‧"信"嘅意思應該係咁囉！
。老人家可能做出一 d好細路嘅嘢，小朋友就可能思想上好似大人。其實唔應該分老人家同小朋友，期望每個人都開心多 d啦！《 當然包括阿輝自己啦！》
※細過我嘅會叫小朋友、大過我嘅就會叫老人家。唔開心嘅小朋友就要好似封信所講，要開心 d啦！老人家就希望健健康康！妳地知唔知呀！※
※近日外父隻腳生倒甲，希望快 d無事啦！※
※碗麵係送比乖孫，睇住個樣辨先啦！※
星期三, 5月 24, 2006
GH290107
。個標題 d數字係乜嘢！唔‧‧‧我就一定知啦！哈哈‧‧‧
。魔術嘅特別之處，就係別人認為無可能而又變做有可能囉！所以一杯平平無奇嘅飲品，都可以係短時間變為一杯好高嘅飲品喇！呢個魔術唔係咁易表演o架！哈哈‧‧‧
。公司晚上有 d嘢發生咗，唔‧‧‧希望無事啦！！
星期二, 5月 23, 2006
係唔係咁睇表面呢？
。晚上有個女同事話阿輝，睇嘢好睇表面。唔‧‧‧心入面都有 d唔係咁開心囉！其實聽完佢講，自己都有去諗一諗。我係唔係真係咁呢？若果真係有個句講個句，我知道嘅都同你地講，你地又會話我係乜嘢人呢？？若果自己知自己係點樣，又係唔係可以唔理別人所講，去繼續自己嘅工作呢？若果我睇到嘅嘢，真係講咗出嚟，唔知個後果又會點呢？
。嘩，好多個問號！我咁樣做人，真係好辛苦！！有時真係諗吓好似 " 米奇 "咁，跳咗落嚟好過！唔‧‧‧
米奇，你做乜咁傻呀？
。早上測試 d新嘢，真係返工都差 d遲到呀！不過都係有 dd問題，仍在試驗中！
。同公司入數嘅時候，見到一樣今世都應該唔會再見到嘅奇景，係度等緊嘅時候，忽然聽到 d人"嘩"一聲，以為乜嘢事啦？原來有隻老鼠係銀行個假天花上面行來行去，跟住重厲害，隻老鼠伸咗個頭望咗一陣，就咁跳咗落地，不過落到地佢就無咗動作囉！唔‧‧‧太恐怖啦！佢做乜嘢咁睇唔開呢？唔‧‧‧
星期一, 5月 22, 2006
訂閱：
文章 (Atom)