又一個經常到的地方！

。阿輝個BLOG 嘅歌多數喺呢度搵！都唔錯呀！得閒去行吓啦！

。最近收到嘅禮物，唔‧‧‧唔知點講好呢！嘻嘻~本來都想打好多嘢。不過開咗個電腦又好似唔知打乜？

。講多謝可能已經唔可以表達D乜！不過就真係要講一句 『多謝你！』

150字的承諾

。早幾日同朋友仔傾過電話！電話中傳過來的係自己好喜歡聽到嘅聲音！呢幾年嚟都未改呀！哈哈~ 傾談中都知道對方嘅少少近況！在此希望對方心想事成啦！其實年青人只要有夢想，阿輝認為最終都會有成功嘅一日。因為你地有嘅係時間嗎！雖然好多時都未必事事如意，但另一個角度睇，可能係另一種嘅段練！

。記得阿輝同人講，人生要有起有跌，生活先可以活得精彩。太過成功去完成一件事，每每就唔可以係失敗中去學習。假設其中一件事唔係咁暢通無阻咁去完成，因為未試過失敗，可能就會令到自己無所適從！停咗係度！唔知點算！自己未必可以做到所講，不過希望別人能夠理解啦！

。識咗朋友仔都一段日子，雖然未必算係深交，但個人認為佢都算係一種有心事唔聲唔聲，放在心裡的人！收到佢最近嘅一個SMS，唔‧‧‧ 阿輝都係咁樣嘅答覆好D！


※ 喂喂，妳個BLOG做乜呀？睇唔到囉！ :( ※
※ 特別鳴謝囡囡嘅探望，其實我都唔想咁殘呀！唉~ 真係希望明天會更好啦！！ ※

回望 2007

。好記得係 2007年年頭嘅時候睇過一本運程書。內裡講到若果年頭運程唔係咁好嘅話，到咗下半年就會轉好！諗吓上半年就真係過得唔係好囉！咁就等待下半年嘅來臨。自己就好好咁繼續我嘅生活及工作。不過運程書呢樣嘢就真係睇咗就算囉！哈哈~下半年比上半更差！雖然自己係一個幾鍾意去想嘢嘅人，不過下半年實在太多嘢比自己去想囉！真係有 d消化唔切。 :( 雖然有部份事情算係解決咗，不過就有 d唔係咁好嘅結果囉！好辛苦咁過咗呢一年！！希望真係明天會更好啦！

。恆仔終於結婚囉！『老』友要返工呀！不過都在此祝你新婚快樂啦！

。朋友仔個 blog 取消咗個 feed，一個月見一次嘅約會要取消囉！不過對方都有自己嘅選擇嘅！係工作嘅地方都見過佢幾次，唔‧‧‧祝妳繼續開心愉快啦！ :)

留給最愛錫的人

。阿輝曾經講過，無一個人係可以阻止別人做任何事！每一個人都係一個個體。都會有自己嘅想法，別人只可以給予意見，事情最後好與壞大家都未必知道！只有做嗰件事嘅人最後先知道！

。有人問可唔可以唔『勇敢』，當然可以啦！人唔係萬能，都會有情緒，阿輝都唔例外，不過跌倒就要起身囉！

。二家姐家中嘅事，到現在都係唔清唔楚！小朋友讀書問題有沒有諗？肥仔可以在我家暫住，但長遠問題又點呢？老婆婆嘅一番心意，到現在都變成咁囉！

。希望大家面對任何情況後，都要好好面對！

生、老、病、死

。人真係奇怪，每一個人都要經過標題所講嘅四樣嘢！係唔係真可以令到時間停下來呢？每天都要面對不同事與物！好嘅就好囉！唔開心嘅事唔好再比我知囉！

。37歲後，第一個聽到嘅消息竟然係咁樣！上帝做人嘅時候係唔係要人好好珍惜現在所有，若果有突然嘅事發生，一生都唔會有遺憾呢？理論同實踐真係好難共存！好多嘢知道，不過就未必會好理性咁面對！只希望佢剩下日子好好的過！

不能說的‧‧‧願望

。人大咗之後每年嘅生日都無乜特別咁去慶祝！不過願望每年都會諗吓囉！今年貪心 d，竟然有幾個！希望來年再諗番起，能夠有一兩個願望能夠成真啦！

。一個嚴肅嘅早點、一個特別嘅午膳、一個食到食唔落嘅晚餐！呢個就係阿輝今年過生日做過嘅嘢喇！中間空檔位就無打落去囉！呵呵~
。8月份返工，雖然都係得兩日，禽日就放假！不過就真係好辛苦呀！人事上、工作上都有佢嘅問題！想好似以前咁樣，相信暫時都唔可以囉！朋友仔話過嚟食飯，只係唔想見一見就走囉！因為工作嘅人實在太少囉！

※知道『你、妳、您』曾到訪已經足夠，只要對方能夠有愉快嘅生活就可以！※
※祝阿輝生日快樂、願望成真！※

黑與白

。如果真係可以將黑與白呢兩隻顏色分得咁清楚，世上就可以唔要灰色喇！

。禽日同今日都係放假日，禽日就係屋企執屋清潔吓，今日就走咗去游水，嘩~都好似好耐無游囉！好彩！都重記得點游！呵呵~不過就游完之後好辛苦囉！食咗少少嘢都要訓一陣先至得，哈哈~老人家要多加休息呀！今日得到嘅係全身好似變咗燒豬咁，有少少痛呀！下次咪攪呀！

。聽日就係公司改制之後第一日返早，唔知起唔起到身呢？

※希望在明天，沒有錯與對，自己覺得要行，就行咗先啦！※

我的最愛

。睇過妳的網誌之後，係 google入面打咗個 "愛"字，睇吓佢可以搵到 d乜！唔‧‧‧原來都好多喎！如果真係要睇，真係有排囉！哈哈~可能個"愛"字可以替代好多嘢囉！明白知道、但係就好難去捉摸囉！

。就如我，對於妳有特別嘅感情一樣！唔‧‧‧呢種都可以叫做其中一種"愛"。最少我自己會覺得係囉！哈哈~

。送上一個網址 愛- Wikipedia 。"愛"實在太厲害喇！

※親密關係的祕訣是欣賞對方的優點，在乎洞悉對方的限制
The art of maintaining an intimate relationship consists of being appreciative of each other's virtues and perceptive of each other's limitations※

特別的禮物

。禮物。30幾歲人都收過好多禮物。人大咗就開始對禮物呢樣嘢唔係咁在意囉！不過有就一定開心啦！如果講近幾年阿輝收到最開心嘅禮物係乜？相信一定會係放係衣櫃入面，好長好長、軟軟地、阿輝又應該唔會用、但用咗又好溫暖嘅嘢喇！哈哈~講咗咁耐都唔知係乜呀？呵呵‧‧‧

。為咗呢樣禮物阿輝曾經眼濕濕，因為早排要搬屋，有部份家中物品都唔要囉。當我搵自己嘢嘅時候竟然發覺唔見咗呢樣嘢！當時真係心急到我唔知點算好！我嘅無鬼用性格又開始出現啦！最後都係要打電話比老婆婆問吓知唔知係邊？好彩，只係老婆婆幫我放咗入櫃！

。特別嘅人送特別嘅禮物，對阿輝嚟講有一種特別嘅感覺！人嘅感情世界好奇怪，每一個人都有自己嘅想法，曾經睇過一編文章講『寂寞』，睇嘅時候忽然想到以前睇過的另一編文章『沒有寂寞』。哈哈~

※偷偷地講一句『希望朋友不再寂寞、唔好唔開心、不再‧‧‧‧‧‧。遠處仍有朋友在想著妳！妳不是只得自己一個人！』

熱死我啦！

。近幾日嘅天氣，真係熱到離譜！阿輝係一個好怕熱嘅人，再過多一兩個月都唔知點算？

。『平平安安、開開心心』，希望阿輝嘅家人要明白囉！我知道嘅事，其實都好難去協助，只係希望各人要明白自己現時嘅情況，再去做自己想做嘅事啦！

 

※早幾日嘅 6月1 日係國際兒童節，希望大人嘅事唔好影響到小朋友！各位『小朋友』，兒童節快樂！※

迷路

。每一次去一個自己未去過嘅地方，阿輝都會嘗試問一問人，係邊度？又或者重有時間嘅話就會上吓網睇吓個位置！因為搵唔到自己要搵嘅嘢係一件好慘嘅事囉！

。做人好得意，每日都好似係度追尋緊一d『事』或者『物』，若果能掌握到，就一定係好事啦，不過每一件『事』『物』，要真正去了解同明白係好難囉！人大咗，別人給予意見，自己都往往有自己嘅想法，意見可能聽過就算，到最後嘅結果可能已經唔係心中所想囉！

。呢一編記事到咗今日先寫，其實已經無咗當日諗到『迷路』呢個標題時所想表達嘅嘢，不過一值無變嘅，可能就係阿輝重未走出呢個『迷宮』。

大爆炸

。唔想發生嘅事終於都發生咗！阿輝雖然無兒無女，不過都經常講，任何事都唔好影響 d細佬。其實做一個負責任嘅男人，係唔係真係咁難呢？或者係唔係錢就可以解決任何事呢？

句號

。寫文章嘅時候，每一句句子或者一段說話完結嘅時候都會用『句號』。比讀者知道呢一句或呢一段說話已經完結。

。人呢？人與人之間嘅交往又會唔會有呢個句號嘅出現呢？呢種感覺太辛苦囉！阿輝實在太唔喜歡！

序言

。曾經開咗一個 blog叫做『心裡的話』，原意係想將心入面想講，但又講唔出口嘅時候用。不過都有一段時間無寫過囉！今日公司入面聽咗句說話，唔‧‧‧係啦！就係呢種感覺啦！日後就將心裡話放在這裡嗎！

。『朋友』，男女間嘅事個人覺得唔係你所想囉！阿輝亦唔係你心入面所想的那樣！阿輝識朋友其實都好睇心情同感覺，唔係你識咗之後，覺得有問題，再由你介紹我識，就能令自己慢慢離開這個地方！事情發生咗就係發生咗囉！開心嘅係阿輝識到一 d阿輝喜歡嘅朋友，雖然朋友未必喜歡阿輝，不過曾經睇到一句說話『你是你、您是您、最重要嘅係我仍然是我！』無錯！阿輝就係『阿輝』。

看似近、心卻遠‧‧‧

曾經一次回家的巴士上發生嘅事，我仍記得！雖然只係相距幾個坐位，係唔係大家都在想起其他嘢呢？下車時見到你，我都覺得奇怪！！

今晚嘅短訊雖然都算係一種報平安方法，不過呢五個字，我希望唔好再出現啦！！或者打個電話應該可以嗎？ 一兩句說話對於我嚟講，其實已經足夠！！

平衡點‧‧‧

個人認為每個人一生有三樣嘢好重要。" 家庭 "、" 朋友 "、" 工作 "呢三樣嘢都會相連及有關係，分配上要好平均，近日嘅我三樣嘢都跌到新低點，唔知算唔算係我識得攞佢地嘅平衡點呢？唔‧‧‧

※四葉草幾時會出現呢？※

過了一半的人生‧‧‧

今晚同同事傾計，講到一樣嘢。如果阿輝咁好彩有70歲命，咁我嘅人生就已經無咗一半啦！唔‧‧‧同我傾計嘅同事，其實同我一樣都係35歲，不過我就大佢幾個月囉！一個人咁就無咗一半命囉，哈哈‧‧‧

ps 今晚見到一個好特別嘅月曆，裡面記住一d特別嘅日子，睇睇吓竟然見到我嘅英文名係度。唔‧‧‧好懷念個段日子！！

I Love You...

曾經同朋友解釋過我認為 " I Love You "嘅意思。外國人有個好處，佢地講就好地地，若果中國人講就會好麻煩！

自從自己出社會做事，諗諗吓都好似好少講過！唔‧‧‧老婆就真係同佢講過，或者真係人大咗，伴侶在身邊就已經足夠，嗰 d說話‧‧‧哈哈！！

今晚同朋友傾過電話，唔‧‧‧都算係講咗幾多嘢啦！打呢編文章嘅時候心入面都有一個疑問！！
不過都係算把啦！有時心裡的說話都係放在心入面好 d！

ps 如果有機會，我可能會同對方講一句『我愛妳！』

一廂情願‧‧‧

個人認為每個人做嘢，唔會話每件事都會好理性咁去處理。若果事情唔係太過大影響，相信應該會無問題啩！唔‧‧‧不過都係我自己諗啦！或者希望自己係處理期間會好過d啦！

收工嘅時候落緊雨，有d涼涼地，唔‧‧‧呢種感覺唔錯，幾好！！

一"詩"感動‧‧‧

朋友雖然未必記得曾經同我講過，不過我會記得囉！佢話‧‧‧

『您都係呀！成日關心住人，都要顧吓自己！』

其實自己覺得關心別人係一種天性，唔需要別人去教，亦無話希望別人有回報。只係做應該做嘅嘢囉！對住特別嘅朋友當然要有雙倍關心啦！

下午返工嘅時候，收到一個短訊，雖然唔係乜嘢特別嘅訊息，不過睇過之後，心入面竟然有d感動！！哈哈‧‧‧唔，有時感覺就係感覺，無得去解釋，只係個一刻覺得好開心囉！心入面想同對方講d嘢，不過到最後都係無講，或者都希望對方會明白我點解無講啦！又或者年紀大咗，別人嘅關心比任何嘢嚟得重要啩！！