無無聊聊

※ 今晚睇過朋友仔的日記後‧‧‧‧‧‧隻眼好倦呀！
※ 要了解一個人其實都真係好難！就好似阿輝一樣！自己都好難了解自己又點去了解別人呢？
※ 晚上返到屋企附近，見到一個女仔，佢唔知係唔係你呢？咁夜重去搭火車？唔‧‧‧真係好似囉！你見到我嗎？嘻嘻‧‧‧
※ 公司再係咁！我點算呀？
※ 真係好耐無係呢度出現！不過都係咁鍾意！ :)

細佬，你又做乜呀？

。迎月日，清哥比咗個電話我！佢話老二好似唔好心！唔。。。點解會係咁呀？

。如果死係可以解決一切，可能好多人都死咗囉！

。一個奇怪嘅家庭！

沒事的了。

。每次上網睇別人的 BLOG嘅時候，開心與唔開心嘅事都有機會睇到！有時見到一 d唔識嘅又或者識得嘅人日常嘅事，每每都會有一 d感覺。或者係叫做感慨卦。

。難得一日早收工，原來個感覺都唔錯喎！比多幾日係咁就好喇！

。細妹因為去旅行，所以屋企隻狗狗就擺咗我度！嘩~飬一隻狗原來都唔係咁簡單喎！好彩佢都幾乖！嘻嘻~

。早一排病咗，呢一兩日都應該叫做好番囉！個人都病到傻傻地！


※原先標題叫〈 一了百了 〉，不過都係用呢個好d，我個病好番喇！※

旅行日記

。嘩~真係轉過頭就放完個大假囉！唔知下次又要到幾時呢？

。呢次假期都其實同以往一樣，不過比較特別就係去咗澳門行吓囉！哈哈~真係行吓囉！全個行程去得最多嘅就係賭場！去咗五個賭場咁多！主要都係玩老虎機，唔玩就唔知，原來依家D老虎機都幾先進喎！尢其佢食錢嘅速度比想像中快囉！老婆婆教落，我地要攞番失去嘅嘢！雖然都叫做有幾千蚊落過手，不過好似倒水咁，嗚嗚的(￣▽￣＃)=﹏﹏ 飄走

。今次第一次睇人笨豬跳，嘩~睇見人跳都咁驚，真係好似跳樓咁！六百幾蚊咁去跳樓！傻傻地！！！

。中國人要加油，相信要改善嘅地方都有好多！今次行程就見到好多呢D嘢！希望佢地留意吓啦！

。大三巴遊客請注意，當妳地行上樓上牌坊嘅時候要著褲呀！因為樓下望上去‧‧‧嘻嘻~日本嘅美少女呀~呵呵~

。旋轉餐廳真係轉到唔知住邊度呀！哈哈~

獅子老公與巨蟹老婆

。好似好耐之前POST過！不過就當係記錄吓啦！不過就幾準咁喎！嘻嘻~

獅子老公　敏感的臭屁王

獅子老公是最具有明星架式的星座。每當他們打點妥當、行頭齊備的時候，高貴不凡的氣質，確實令人想多看一眼。然而卸下高貴的外殼和顯赫的職稱之後，在家中的獅子老公，卻是敏感易怒、動也懶得動的電視老頑童。
　

＜診斷＞
獅子座是十二星座中的國王，獅子又是百獸之王，愈是地位尊貴的人，自信心愈薄弱，「高處不勝寒」正是獅子老公心中的寫照。自尊心強和重視榮譽，是獅子老公的優點，但是相對而言，他們是非常脆弱的。獅子老公在乎掌聲，很重視別人對他們的看法，這也是他們最大的缺點。

＜治療＞
獅子老公喜歡在精神、物質上當一家之主，不管妳的事業成就如何，薪水有多高，別忘了回家都得放下這一切。面對臭屁的獅子老公，別吝於給他一些掌聲，其實他很需要的。!

＜叮嚀＞
牡羊、獅子、射手老婆：妳會是個掌權的太座，別忘了多拍拍馬尾，絲毫無損妳的威嚴。
金牛、處女、魔羯老婆：對獅子老公有意見，不妨私下告訴他，在別人面前還是讓他三分吧！
雙子、天秤、水瓶老婆：千萬別在老公洋洋得意的時候澆他冷水，其實他正需要妳的鼓勵。
巨蟹、天蠍、雙魚老婆：獅子老公需要自由，有些事就隨他去吧！

巨蟹老婆　敏感善變的撒隆巴斯

提到巨蟹座的人，大家都知道他們愛家、愛孩子，喜歡孩子的程
度，甚至讓先生也不免會吃點醋。黏人的巨蟹老婆，總是喜歡
跟進跟出，有時候卻又喜歡一個人流浪，頗有種隱士的味道。
　

＜診斷＞
巨蟹老婆喜歡黏人，也很重視獨處，來自大海的她們，重視家庭溫暖，也不會忘記流浪的自由。有時她們顯得孤僻，難以親近，與其費力打開她們的心扉，不如替她們保留一個私人空間。有些心事，巨蟹老婆是不會任何人說的C不是不坦誠，而是流浪的本性使然，她們會替自己的心中，留一個小小的窗口。

＜治療＞
面對敏感的巨蟹老婆，特別要尊重她的秘密。每個人都有不想告訴別人的心事，巨蟹老婆尤其在意。所以對於過去的情敵別太嘮叨，她一定會感激你的包容。

＜叮嚀＞
巨蟹、天蠍、雙魚老公：體貼是好事，但是在巨蟹老婆沉默的時候，不要過份關心，讓她們孤獨一下。
金牛、處女、魔羯老公：奉上薪水袋的同時，別忘了關一下老婆的精神生活，偶爾放下大男人的閂，ㄧ定更幸福！
牡羊、獅子、射手老公：為了事業，三過家門而不入的時代已經過去了。學習做個新好男人吧！
雙子、天秤、水瓶老公：把幽默風趣的一面留給家人，在外面太受歡迎，巨蟹老婆可是要抗議的！

Powered by ScribeFire.

新面貌

。禽晚見到呢個版面，覺得佢幾靚喎！不過食完飯都好夜，今日先得閒改個BLOG呀！

。禽日走咗去打乒乓球，嘩~果然寶刀未老呀！哈哈~勁~

Powered by ScribeFire.

唔知幾時先識用？

。 阿輝，What are you doing?

。呢個嘢有咗好耐，不過最近又用吓啦！

Powered by ScribeFire.

真係好耐無見囉！

。記得呢個BLOG第一次出現嘅時候，好似有一編咁嘅記事！其實點解會有呢個BLOG？嘻嘻‧‧‧因為Google Blogger嘅好處可以唔係會員都可以留言囉！講真可能係想用一個比較大人用嘅Blog啦！以前用Yahoo嘅時候就方便d！但就比較年輕人一d囉！自己年紀有番咁上下！所以‧‧‧哈哈~

。今日又係落大雨，不過都算幾開心！雖然工作我已經唔理囉！人工出比我就算啦！

。今晚竟然有特別事發生，唔‧‧‧只要開心就可以喇！



※※ 吃飽飽，睡好好! ○(*￣︶￣*)○，尾龍骨好鬼痛，希望早日好番！※※
※※ 最後都係見唔到妳，相士嘅嘢唔好盡信囉！※※

讓我抱一抱

。一轉眼已經係農曆十五囉！係中國人所講嘅情人節。祝願各位情人節快樂呀！(∩_∩)

。一個好耐無見嘅人，終於比我見到囉，嗰一刻竟然有個衝動想問吓佢可唔可以比我抱一抱！哈哈~不過都係諗吓好囉！比我知道對方近況已經可以啦！希望對方好好咁享受佢嘅新一頁啦！對於特別嘅人，阿輝會特別好記性，有無刻意去留意對方，唔‧‧‧我自己知就得喇！

Reset‧‧‧

。電腦有個好處，唔要嘅文章，唔喜歡嘅嘢！好容易就可以删除咗佢！如果人類有呢d功能就好囉！最少自己最唔開心嘅事可以删除！唔喜歡就删除佢啦！ :(

。肥仔最後都係搬番佢老豆屋企，知道佢重係涼茶舖搵到工！希望係一個好開始啦！細舅父唔係話叫你走，只係覺得你阿媽要知道重有你呢個仔囉！我就應該無咗呢個二家姐喇！最後結果竟然係咁！！！！

。『火腿波蘿蛋』呢個係杉記招牌嘢！不過禽日食過，點解唔同咗樣嘅？？不過一樣咁好味！嘻嘻~


※肥仔係我屋企咁多個月，我部電腦比佢用到死咁！應該要問佢攞少少手續費整一整！※

不寄的信~

。每日都會有好多嘢想記錄！不過都係無寫落個blog度！或者真係好倦，回到家都想早d訓！似乎真係愈來愈似個退休人仕囉！

忍者小靈精

。好似阿輝咁嘅年齡就一定知道呢套卡通喇！今日去咗一個特別地方食下午飯！食飯就無乜特別！最特別係去同走嘅時候。真係好似小靈精咁~又愈過高山又愈過谷~哈哈！真係行死我！

。個電腦終於用咗個 LCD mon喇！唔‧‧‧d字靚咗、畫面清咗，連個主人今日都好似靚仔咗！呵呵~咦！老婆婆都好似靚女咗喎！哈哈~

眼光光‧‧‧

。最近自己好喜歡去嘅網站都開始有中文版囉！可以真正明白佢講乜！哈哈~

。中文版網站上睇咗十幾段短片，係講一個參賽者要退出一個歌唱比賽！嘩~真係睇到阿輝眼光光、有淚光呀！好耐無試過咁去流眼淚囉！呵呵~不過就真係好好睇呀！正~唔‧‧‧勇於面對係一件好事！楊先生你日後一定得嘅！！

。又一個月喇！真係就快變『月記』囉！每日都好似想寫 d嘢！返到屋企又好似無乜心機去打上個 blog！不過都有去睇妳地嘅網誌嫁！

。mybloglog 加咗之後，真係幾得意！隔離個版版又多咗幾個公仔喇！嘻嘻~

一夜情

。早幾日睇『妙手仁心II』嘅時候，男女主角要分手，女主角講咗一段有關一夜情嘅嘢！哈哈~聽到之後真係會心微笑！女主角唔係怪男主角一夜情，而係怪佢有一段唔情願嘅一夜情！人好奇怪，明明美好嘅已經在眼前，失去咗先去了解及發問！或者真係失去咗又或者得不到才直得『珍惜』！

平淡

。『平淡』。一個好容易寫嘅字詞，不過就唔係咁容易去做嘅嘢！又或者係問乜嘢係平淡呢？有錢人同窮人嘅平淡相信都有好大嘅分別！

。收工嘅時候，同朋友仔傾咗一個電話，唔‧‧‧唔知道點解好似有個唔好嘅感覺！不過呢d都係個人嘅感覺囉！

。一個人係山上大聲咁叫『點解』！因為有回音嘅問題，稍後又會有一句『點解』傳番過來！人實在太多點解囉！

戀愛的感覺

。有一個小朋友正在拍拖，做長輩都多口咁問幾句啦！不過最重要係自己開心啦！呵呵~今日重知道佢搵到工囉！唔‧‧‧咁就比心機囉！

。標題嘅 5個字，只係一時諗到。曾經聽過一個人講，『做任何事不要想得太多太遠，若果唔好好咁珍惜著每一日，就去想著未來嘅事，人生就有好多個【每一日】唔見咗！』哈哈~不過阿輝太多嘢諗囉！呵呵~

。家人屋企嘅嘢都應該攪到 7788囉！希望過多一排會更加好啦！

。唔通有人想轉電話號碼？記得通知一聲喎！不過阿輝鍾意個提示！有深度~唔‧‧‧哈哈~

因為我相信

。因為妳嘅關係，令我喜歡他們的歌！一首特別嘅歌送給特別嘅人！無乜特別，只係覺得好聽囉！嘻嘻~

。希望二哥講得啱，三兄弟都有一個特性，任何事都要做咗先啦！因為我相信‧‧‧

　
詞﹕陳信延

你說的每一句話　像首歌反覆傳唱
儲存在我的心上　怎麼可能把它遺忘

後來故事變得怎樣　我們的手依然不放
我所有的悲傷　習慣有你陪伴
怎捨得　再重返孤單

答應你　我不會離去　我們只是　短暫的分離
我會在附近　緊握著回憶　陪著你前進

答應我　你不會哭泣　我們有過那麼多約定
因為我相信　只要我相信　就會有奇蹟

你說的我都體諒　我的秘密鎖在你眼眶
我們從不同過往　並肩走向同一個方向

夢的重量壓在我肩上　所幸有你分一些承擔
滿天的星光　把每一步照亮
所以我們　不會　走散

過去一個人　偶爾嘆息　也曾想過要放棄
如今 不為自己　也要為了你　笑著讓夢延續

朋友的耳朵

。小學嘅時候，阿輝有一個同學仔因為先天嘅關係，一出世佢嘅耳朵就好古怪！其實就好似無耳朵咁囉！初時見到佢都好驚，不過老師都講其實只要當普通人咁去對待就無乜特別。如果無記錯佢成績都唔錯，唔知依家呢個同學仔點呢？有時都真係好懷念做小朋友嘅日子！無憂無慮，唔需要諗太多嘢！哈哈~太好啦！

不能說的‧‧‧願望

。人大咗之後每年嘅生日都無乜特別咁去慶祝！不過願望每年都會諗吓囉！今年貪心 d，竟然有幾個！希望來年再諗番起，能夠有一兩個願望能夠成真啦！

。一個嚴肅嘅早點、一個特別嘅午膳、一個食到食唔落嘅晚餐！呢個就係阿輝今年過生日做過嘅嘢喇！中間空檔位就無打落去囉！呵呵~
。8月份返工，雖然都係得兩日，禽日就放假！不過就真係好辛苦呀！人事上、工作上都有佢嘅問題！想好似以前咁樣，相信暫時都唔可以囉！朋友仔話過嚟食飯，只係唔想見一見就走囉！因為工作嘅人實在太少囉！

※知道『你、妳、您』曾到訪已經足夠，只要對方能夠有愉快嘅生活就可以！※
※祝阿輝生日快樂、願望成真！※

食檸檬

。因為比人請食檸檬，所以雖然放假兩日，不過都無乜心機！唔知又要等到幾時阿輝又有雅興去做呢樣嘢？

。放完兩日假，聽日又開始返幾日早，又要同睡魔作戰，一早起身都係一個幾大難度。唔好遲到就好喇！

。屋企人嘅嘢，真係好難頂！其實要點先可以攪點呀？有時見到 d細佬仔，真係為佢地難過！唉‧‧‧做佢地嘅長輩，阿輝又可以做乜？