##HIDEME##

星期日, 8月 24, 2008

沒事的了。

。每次上網睇別人的 BLOG嘅時候,開心與唔開心嘅事都有機會睇到!有時見到一 d唔識嘅又或者識得嘅人日常嘅事,每每都會有一 d感覺。或者係叫做感慨卦。

。難得一日早收工,原來個感覺都唔錯喎!比多幾日係咁就好喇!

。細妹因為去旅行,所以屋企隻狗狗就擺咗我度!嘩~飬一隻狗原來都唔係咁簡單喎!好彩佢都幾乖!嘻嘻~

。早一排病咗,呢一兩日都應該叫做好番囉!個人都病到傻傻地!


※原先標題叫〈 一了百了 〉,不過都係用呢個好d,我個病好番喇!※


星期一, 7月 21, 2008

旅行日記

。嘩~真係轉過頭就放完個大假囉!唔知下次又要到幾時呢?

。呢次假期都其實同以往一樣,不過比較特別就係去咗澳門行吓囉!哈哈~真係行吓囉!全個行程去得最多嘅就係賭場!去咗五個賭場咁多!主要都係玩老虎機,唔玩就唔知,原來依家D老虎機都幾先進喎!尢其佢食錢嘅速度比想像中快囉!老婆婆教落,我地要攞番失去嘅嘢!雖然都叫做有幾千蚊落過手,不過好似倒水咁,嗚嗚的( ̄▽ ̄#)=﹏﹏ 飄走

。今次第一次睇人笨豬跳,嘩~睇見人跳都咁驚,真係好似跳樓咁!六百幾蚊咁去跳樓!傻傻地!!!

。中國人要加油,相信要改善嘅地方都有好多!今次行程就見到好多呢D嘢!希望佢地留意吓啦!

。大三巴遊客請注意,當妳地行上樓上牌坊嘅時候要著褲呀!因為樓下望上去‧‧‧嘻嘻~日本嘅美少女呀~呵呵~

。旋轉餐廳真係轉到唔知住邊度呀!哈哈~

星期二, 7月 15, 2008

雨天

。下雨天,呢排個天古古怪怪。完全唔知佢幾時會落雨!希望自放假嘅呢幾日係好天啦!

。雨天,係一首女仔歌,不過都係因為佢先知有呢首歌喎!哈哈~如果比我現場聽一次佢唱歌,唔知會唔會感受到嗰種威力呢!不過就真係幾好聽喎!

。聽日會過澳門一遊,好似都有三四年無去過囉!希望唔會好似傻佬咁啦!

。今日走咗去同囡囡食咗過午飯,係佢轉咗地區之後嘅第一次!唔‧‧‧一個偏遠嘅地方,不過附近都幾好,努力呀!!

。多謝給媽媽的禮物!! :)

星期二, 6月 17, 2008

兩姊弟~

。今日打咗個電話比二家姊,好似好耐無搵過佢囉!自從嗰件事之後,真係好耐無搵過佢啦!雖然自己個口話無嘢!不過心入面都係有D嘢囉!原來最近佢又搬咗囉!不過都係同區,位置就遠咗D囉!傾咗一陣,老婆婆又話要傾,不過老婆婆話二家姊好似傻傻地咁!哈哈~應該唔會啩!雖然佢無乜讀過吓書,咁大個人都應該知道好多嘢!希望嘅係佢要開開心心面對日後嘅日子啦!

。間唔中係個BLOG入面出現嘅囡囡,最近有個關於蛋糕嘅BLOG!( 都開咗一段時間囉!) 有興趣嘅就入去睇吓啦!係左手面有網址!阿輝都食過吓啦!都幾好味~好味好味~哈哈~~~


※兄弟姊妹呢樣嘢好難去講!個人覺得‧‧‧ 哈哈~※

星期六, 6月 07, 2008

真係好耐無見囉!

。記得呢個BLOG第一次出現嘅時候,好似有一編咁嘅記事!其實點解會有呢個BLOG?嘻嘻‧‧‧因為Google Blogger嘅好處可以唔係會員都可以留言囉!講真可能係想用一個比較大人用嘅Blog啦!以前用Yahoo嘅時候就方便d!但就比較年輕人一d囉!自己年紀有番咁上下!所以‧‧‧哈哈~

。今日又係落大雨,不過都算幾開心!雖然工作我已經唔理囉!人工出比我就算啦!

。今晚竟然有特別事發生,唔‧‧‧只要開心就可以喇!



※※ 吃飽飽,睡好好! ○(* ̄︶ ̄*)○,尾龍骨好鬼痛,希望早日好番!※※
※※ 最後都係見唔到妳,相士嘅嘢唔好盡信囉!※※

星期一, 4月 21, 2008

150字的承諾

。早幾日同朋友仔傾過電話!電話中傳過來的係自己好喜歡聽到嘅聲音!呢幾年嚟都未改呀!哈哈~ 傾談中都知道對方嘅少少近況!在此希望對方心想事成啦!其實年青人只要有夢想,阿輝認為最終都會有成功嘅一日。因為你地有嘅係時間嗎!雖然好多時都未必事事如意,但另一個角度睇,可能係另一種嘅段練!

。記得阿輝同人講,人生要有起有跌,生活先可以活得精彩。太過成功去完成一件事,每每就唔可以係失敗中去學習。假設其中一件事唔係咁暢通無阻咁去完成,因為未試過失敗,可能就會令到自己無所適從!停咗係度!唔知點算!自己未必可以做到所講,不過希望別人能夠理解啦!

。識咗朋友仔都一段日子,雖然未必算係深交,但個人認為佢都算係一種有心事唔聲唔聲,放在心裡的人!收到佢最近嘅一個SMS,唔‧‧‧ 阿輝都係咁樣嘅答覆好D!


※ 喂喂,妳個BLOG做乜呀?睇唔到囉! :( ※
※ 特別鳴謝囡囡嘅探望,其實我都唔想咁殘呀!唉~ 真係希望明天會更好啦!! ※

測試進行中!

。ScribeFire 之前都用過,不過依家就係新版本囉!所以都係測試中!

星期二, 4月 08, 2008

高高興興

。今日放假,好早就起身出咗街囉!費時有人又話我係豬豬啦!哈哈~

。今日終於都去咗老婆婆工作嘅地方,佢已經無做診所嘅姑娘囉!睇落佢依家都好似幾開心喎!不過時間就好似耐咗D喇!依家佢返工就多咗同我食早餐。當然就唔係日日啦!阿輝邊有咁多錢喎!

。只要高興,我都會支持你! 嘻嘻~

星期四, 4月 03, 2008

昏迷

。似乎真係要申請放兩日假先得囉!今日放假日,原先安排咗嘅嘢,哈哈~真係算把啦!老婆婆打電話比我嘅時候原來已經係下午嘅三點半囉!假期都無咗一大半啦!

。屋企最近換咗跟我四年嘅電腦,個系統重係VISTA。或者外父度都用過吓呢個系統,所以都重未有大問題!不過就建議用嘅人,第一件事就要加番個舊嘅輸入法,如果唔係就真係企係度!阿輝試過第一次用嘅時候,真係一個字都打唔度呀!各位記得啦!

星期五, 2月 08, 2008

老人家走了‧‧‧

。阿輝係一個唔係咁鍾意農曆新年嘅人!自從老媽子在農曆新年嘅一段期間離去,今年又一次出現呢個情況!原先安排咗嘅嘢到咗早上聽咗一個電話,老婆嘅大伯走咗囉!亦見唔到佢最後一面。老人家最後都係得一個人靜靜咁離開!離開咗佢嘅老婆同個女點解呢個時候都唔聽電話?

。多謝 yuki 嘅 sms,可以好容易咁將佢回覆比其他人,希望各位來年開開心心啦!

。新一年開始已經係咁,跟住都唔知點算?哈哈~

星期五, 1月 04, 2008

回望 2007

。好記得係 2007年年頭嘅時候睇過一本運程書。內裡講到若果年頭運程唔係咁好嘅話,到咗下半年就會轉好!諗吓上半年就真係過得唔係好囉!咁就等待下半年嘅來臨。自己就好好咁繼續我嘅生活及工作。不過運程書呢樣嘢就真係睇咗就算囉!哈哈~下半年比上半更差!雖然自己係一個幾鍾意去想嘢嘅人,不過下半年實在太多嘢比自己去想囉!真係有 d消化唔切。 :( 雖然有部份事情算係解決咗,不過就有 d唔係咁好嘅結果囉!好辛苦咁過咗呢一年!!希望真係明天會更好啦!

。恆仔終於結婚囉!『老』友要返工呀!不過都在此祝你新婚快樂啦!

。朋友仔個 blog 取消咗個 feed,一個月見一次嘅約會要取消囉!不過對方都有自己嘅選擇嘅!係工作嘅地方都見過佢幾次,唔‧‧‧祝妳繼續開心愉快啦! :)

星期四, 12月 13, 2007

Reset‧‧‧

。電腦有個好處,唔要嘅文章,唔喜歡嘅嘢!好容易就可以删除咗佢!如果人類有呢d功能就好囉!最少自己最唔開心嘅事可以删除!唔喜歡就删除佢啦! :(

。肥仔最後都係搬番佢老豆屋企,知道佢重係涼茶舖搵到工!希望係一個好開始啦!細舅父唔係話叫你走,只係覺得你阿媽要知道重有你呢個仔囉!我就應該無咗呢個二家姐喇!最後結果竟然係咁!!!!

。『火腿波蘿蛋』呢個係杉記招牌嘢!不過禽日食過,點解唔同咗樣嘅??不過一樣咁好味!嘻嘻~


※肥仔係我屋企咁多個月,我部電腦比佢用到死咁!應該要問佢攞少少手續費整一整!※

星期一, 12月 03, 2007

給我一點光

。近來天氣涼涼地,各位早晚都要記住加件外套喎!

。禽日囡囡走咗過來阿輝返工嘅地方,嘩~嚇死我咩!差d唔認得呀!哈哈~點解變成咁呀!似乎工作對一個人嘅影響都幾大喎!就好似阿輝出咗mk 四個月,個人都好似大咗四年咁啦!呵呵~

。每次見到熟人,阿輝都會感覺到好開心,其實工作緊,可能只能傾幾句,不過有時係一d唔開心嘅地方見到一d開心嘅人,心入面都會感覺到溫暖!

。老婆婆同 IVY嗰日路過,嘩~似乎都係老婆婆靚 d ,IVY點解你老咗咁多呀?

 

※雖然用 RSS Reader可以睇到朋友嘅blog,不過都係唔好睇咁多囉!好似偷睇人地嘅私隱咁!唔‧‧‧就一個月用一次啦!呵呵~※

星期一, 10月 29, 2007

忍者小靈精

。好似阿輝咁嘅年齡就一定知道呢套卡通喇!今日去咗一個特別地方食下午飯!食飯就無乜特別!最特別係去同走嘅時候。真係好似小靈精咁~又愈過高山又愈過谷~哈哈!真係行死我!

。個電腦終於用咗個 LCD mon喇!唔‧‧‧d字靚咗、畫面清咗,連個主人今日都好似靚仔咗!呵呵~咦!老婆婆都好似靚女咗喎!哈哈~

星期二, 10月 02, 2007

剪頭髮

。最近老婆婆剪咗頭髮!同佢咁耐呢次應該係最短嘅一次。當然就唔係剪到男仔頭啦!不過都叫做短囉!不過就幾好睇!因為老婆婆問我,所以要答好好睇囉!呵呵~其實近幾年佢都開始剪短咗囉!佢都話成幾十歲人,都係時候改一改,唔通再大d重係長頭髮咩!所以年青人可以留長頭髮多幾年!

。禽晚國慶日,有煙花睇喎!阿輝因為要返工,只能夠睇咗少少!重要係工作嘅地方頂樓睇!唔‧‧‧都幾好睇喎!第一次咁睇!嘻嘻~

。電腦壞咗幾日,今日放假,買咗零件換一換先!先生,多謝你十蚊呀!原來只係要十蚊!哈哈~呢排電腦傻傻地,入面舊電要換,今次又壞咗散熱扇個座!似乎佢都差不多囉!希望可以等到我出雙糧啦!

。放假日過咗鑽石山搵囡囡食飯!呢次係佢呢份工第一次同佢食飯!嘩‧‧‧好學唔學!學咗阿爸生粒粒!哈哈~希望佢呢份工好似火柴人咁要加油同堅強d囉!

星期五, 9月 28, 2007

中秋節快樂

。哈哈~依家打呢句嘢就好似遲咗d!不過算把啦!呵呵~

。中秋節竟然收到 3個 sms都係一樣!知啦!阿輝會好好讀書囉!呵呵~

。轉眼間已經一個月囉!中秋節嘅當日正係阿輝出咗旺角工作一個月嘅日子!日子真係過得快喇!似乎真係後會無期囉!返咗呢度發覺自己好似病咗咁!真係瘦咗5-6磅!又或者囡囡講得啱,呢d叫做做到殘啦!希望重頂得住啦!

。『阿輝』,好耐無人咁叫我囉!因為現時工作嘅地方都有一個阿輝,所以我都叫咗第二個名!禽日鄭小姐過咗嚟開會,見到我嘅時候叫我,都真係有d唔知點應佢!多謝你給我嘅說話!我會盡力而為!重有鍾先生!多謝兩位!!

 

※雖然未必能再見,但希望別人仍然記得『阿輝』嘅笑容!※

星期二, 9月 18, 2007

戀愛的感覺

。有一個小朋友正在拍拖,做長輩都多口咁問幾句啦!不過最重要係自己開心啦!呵呵~今日重知道佢搵到工囉!唔‧‧‧咁就比心機囉!

。標題嘅 5個字,只係一時諗到。曾經聽過一個人講,『做任何事不要想得太多太遠,若果唔好好咁珍惜著每一日,就去想著未來嘅事,人生就有好多個【每一日】唔見咗!』哈哈~不過阿輝太多嘢諗囉!呵呵~

。家人屋企嘅嘢都應該攪到 7788囉!希望過多一排會更加好啦!

。唔通有人想轉電話號碼?記得通知一聲喎!不過阿輝鍾意個提示!有深度~唔‧‧‧哈哈~

星期三, 9月 12, 2007

利是

。自從出咗旺角之後,竟然見到好多識嘅人。肥二、葉生、林工程師、馮師父、尊理嘅肥妹仔、阿春‧‧‧不過今時唔同往日囉!有時打個電話都唔係咁方便,何妨要同你地傾計呢?

。禽晚同妳傾過電話,雖然我都好想見吓妳,不過都係等下次放假先啦!真係做緊嘢嘛!大個女應該唔會怪老人家!期待見到妳特別嘅打扮嘅樣!

。收工嘅時候係火車站見到囡囡同佢男朋友。呵呵~我都係覺得我靚仔d!!

 

※身上仍然有兩封『利是』,唔知幾時先比到對方囉!※

星期四, 9月 06, 2007

旺角的天空

。比公司調咗出旺角工作都有十日囉!好與壞嘅說話都聽到好多!由通知到出去工作都係得兩日,自己都諗唔到咁多囉!自己當然希望係好嗰一邊啦!哈哈~

。Icy 講得啱,做開嘅嘢其實真係無乜特別,只係心理上唔高興囉!期望自己頂得住啦!
。一個唔係咁開心嘅 8月尾!!

星期一, 8月 06, 2007

生、老、病、死

。人真係奇怪,每一個人都要經過標題所講嘅四樣嘢!係唔係真可以令到時間停下來呢?每天都要面對不同事與物!好嘅就好囉!唔開心嘅事唔好再比我知囉!

。37歲後,第一個聽到嘅消息竟然係咁樣!上帝做人嘅時候係唔係要人好好珍惜現在所有,若果有突然嘅事發生,一生都唔會有遺憾呢?理論同實踐真係好難共存!好多嘢知道,不過就未必會好理性咁面對!只希望佢剩下日子好好的過!