測試進行中！

。ScribeFire 之前都用過，不過依家就係新版本囉！所以都係測試中！

高高興興

。今日放假，好早就起身出咗街囉！費時有人又話我係豬豬啦！哈哈~

。今日終於都去咗老婆婆工作嘅地方，佢已經無做診所嘅姑娘囉！睇落佢依家都好似幾開心喎！不過時間就好似耐咗D喇！依家佢返工就多咗同我食早餐。當然就唔係日日啦！阿輝邊有咁多錢喎！

。只要高興，我都會支持你！ 嘻嘻~

昏迷

。似乎真係要申請放兩日假先得囉！今日放假日，原先安排咗嘅嘢，哈哈~真係算把啦！老婆婆打電話比我嘅時候原來已經係下午嘅三點半囉！假期都無咗一大半啦！

。屋企最近換咗跟我四年嘅電腦，個系統重係VISTA。或者外父度都用過吓呢個系統，所以都重未有大問題！不過就建議用嘅人，第一件事就要加番個舊嘅輸入法，如果唔係就真係企係度！阿輝試過第一次用嘅時候，真係一個字都打唔度呀！各位記得啦！

阿輝、近況好嗎？

。已經一段時間無係呢真真正正咁打嘢囉！話自己好忙又好似唔係，話自己懶，唔~咁又好似係掛！哈哈~或者都已經唔重要囉！

。踏入新一年之後，有兩個老人家因為病而走咗囉！外公老人家原來已經 90幾歲！希望外母唔好咁唔開心啦。兩個老人家嘅事，或者比阿輝一個籍口去諗嘢而唔去打網誌啦！

。雖然自己無更新網誌，不過我都有去妳哋嘅網誌。『友誼永固』呢四個字，記得讀書嘅時候記念册好鍾意寫嘅四個字，講出口可能好難聽，不過其實真係要有呢句嘢囉！

讓我抱一抱

。一轉眼已經係農曆十五囉！係中國人所講嘅情人節。祝願各位情人節快樂呀！(∩_∩)

。一個好耐無見嘅人，終於比我見到囉，嗰一刻竟然有個衝動想問吓佢可唔可以比我抱一抱！哈哈~不過都係諗吓好囉！比我知道對方近況已經可以啦！希望對方好好咁享受佢嘅新一頁啦！對於特別嘅人，阿輝會特別好記性，有無刻意去留意對方，唔‧‧‧我自己知就得喇！

老人家走了‧‧‧

。阿輝係一個唔係咁鍾意農曆新年嘅人！自從老媽子在農曆新年嘅一段期間離去，今年又一次出現呢個情況！原先安排咗嘅嘢到咗早上聽咗一個電話，老婆嘅大伯走咗囉！亦見唔到佢最後一面。老人家最後都係得一個人靜靜咁離開！離開咗佢嘅老婆同個女點解呢個時候都唔聽電話？

。多謝 yuki 嘅 sms，可以好容易咁將佢回覆比其他人，希望各位來年開開心心啦！

。新一年開始已經係咁，跟住都唔知點算？哈哈~

祝健康愉快~

。呢兩日放假，禽日走咗去醫院探老婆婆嘅大伯！不過因為要轉院，所以都去咗兩間醫院！真係搭車都用咗我半日呀！開心嘅係老人家都重幾精靈！不過就真係瘦咗好多喎！天氣唔好就要小心d囉！

。如果年紀好似大伯咁，相信自己都會頂唔順。太太嘅離棄、女兒唔再相認！做人做都咁，比我就可能自己放棄自己囉！呢排老婆婆好辛苦，兩頭去！希望唔好連自己都病啦！大伯會知道你嘅心意嘅！

。天氣真係唔好，朋友仔們真係要小心身體呀！你、妳、您要多穿衣服呀！凍凍~~

。近日工作地方，見到幾個舊同事，不過真係唔好意思喇！雖然你地重記得我，不過阿輝老人家唔記得你地個名呀！哈哈~我..我..是大豬頭╭(﹊∩∩﹊#)╮

回望 2007

。好記得係 2007年年頭嘅時候睇過一本運程書。內裡講到若果年頭運程唔係咁好嘅話，到咗下半年就會轉好！諗吓上半年就真係過得唔係好囉！咁就等待下半年嘅來臨。自己就好好咁繼續我嘅生活及工作。不過運程書呢樣嘢就真係睇咗就算囉！哈哈~下半年比上半更差！雖然自己係一個幾鍾意去想嘢嘅人，不過下半年實在太多嘢比自己去想囉！真係有 d消化唔切。 :( 雖然有部份事情算係解決咗，不過就有 d唔係咁好嘅結果囉！好辛苦咁過咗呢一年！！希望真係明天會更好啦！

。恆仔終於結婚囉！『老』友要返工呀！不過都在此祝你新婚快樂啦！

。朋友仔個 blog 取消咗個 feed，一個月見一次嘅約會要取消囉！不過對方都有自己嘅選擇嘅！係工作嘅地方都見過佢幾次，唔‧‧‧祝妳繼續開心愉快啦！ :)

Reset‧‧‧

。電腦有個好處，唔要嘅文章，唔喜歡嘅嘢！好容易就可以删除咗佢！如果人類有呢d功能就好囉！最少自己最唔開心嘅事可以删除！唔喜歡就删除佢啦！ :(

。肥仔最後都係搬番佢老豆屋企，知道佢重係涼茶舖搵到工！希望係一個好開始啦！細舅父唔係話叫你走，只係覺得你阿媽要知道重有你呢個仔囉！我就應該無咗呢個二家姐喇！最後結果竟然係咁！！！！

。『火腿波蘿蛋』呢個係杉記招牌嘢！不過禽日食過，點解唔同咗樣嘅？？不過一樣咁好味！嘻嘻~


※肥仔係我屋企咁多個月，我部電腦比佢用到死咁！應該要問佢攞少少手續費整一整！※

給我一點光

。近來天氣涼涼地，各位早晚都要記住加件外套喎！

。禽日囡囡走咗過來阿輝返工嘅地方，嘩~嚇死我咩！差d唔認得呀！哈哈~點解變成咁呀！似乎工作對一個人嘅影響都幾大喎！就好似阿輝出咗mk 四個月，個人都好似大咗四年咁啦！呵呵~

。每次見到熟人，阿輝都會感覺到好開心，其實工作緊，可能只能傾幾句，不過有時係一d唔開心嘅地方見到一d開心嘅人，心入面都會感覺到溫暖！

。老婆婆同 IVY嗰日路過，嘩~似乎都係老婆婆靚 d ，IVY點解你老咗咁多呀？

 

※雖然用 RSS Reader可以睇到朋友嘅blog，不過都係唔好睇咁多囉！好似偷睇人地嘅私隱咁！唔‧‧‧就一個月用一次啦！呵呵~※