Blogged with Flock
##HIDEME##
星期六, 11月 18, 2006
星期五, 11月 17, 2006
沙田遊
。禽日一早食完早餐,自己就上咗新屋整嘢。老婆婆就去咗二家姐嗰邊,唔‧‧‧阿軒仔原來生水荳呀!希望佢快 d好番啦!
。下午同老婆婆去咗沙田睇傢俬,兩公婆係間好大好大嘅傢俬舖行咗三個鐘。呵呵‧‧‧倦倦呀!不過都睇咗好多嘢啱新屋用。雖然間正方屋好細,不過終於決定咗點攪喇!希望出嚟嘅效果好啦!期待中‧‧‧
。因為呢兩日忙碌中,chack 吓 電郵竟然有信喎!唔‧‧‧其實有時做人都唔好咁介懷囉!做朋友唔係一定要日日見,日日通電話o架嘛!
※引用舊 blog中的一句說話『 感謝 你、妳、您曾到訪!』※
發佈者: 阿輝 於 11/17/2006 09:03:00 上午 0 留言
標籤: 生活記事
星期三, 11月 15, 2006
傳說中‧‧‧
。呢三個字阿輝有時都會用。不過每次用嘅時候都唔係咁好囉!
。一早就走咗去新屋睇睇,因為裝修嘅嘢送咗去嘛!所以睇吓囉!加上清哥今日唔得閒,自己係間屋度做吓嘢囉!所以部份電話唔係唔想聽,只係隻手手唔乾淨咁又點聽呢?做咗一日嘢依家先叫坐定定,打吓記事。重要等老婆婆食飯。唔‧‧‧間屋真係麻煩,起屋嘅人都唔知點攪,正正方方,隻門又攞係中間喎!依家間屋似卡拉ok房多 d,哈哈‧‧‧
※係新屋準備走嘅時候,清哥嚟咗。傳說中嘅女士出現咗,唔‧‧‧都係一般啫!點解會攪成咁呢?唔通愛上一個人就係咁簡單?※
發佈者: 阿輝 於 11/15/2006 07:41:00 下午 0 留言
標籤: 生活記事
星期二, 11月 14, 2006
聽吓我講啦!
。林先生同我行完之後,公司上上下下都好似傻咗咁。其實林生比嘅意見,都係一 d好簡單嘅嘢!都唔明白點解會做唔到。一 d好耐之前已經講過嘅嘢,再由林生講出嚟效果真係唔同 d!一早聽吓我地講,就唔會攪成咁啦!唔‧‧‧
。『 公司指引 』,乜嘢先至係指引呢?可唔可以搵人指吓我呀?
。阿囡話請食飯,咁嗰日唔帶錢返工囉!
※多謝阿大幫我講咗一句『 你地唔好再煩阿輝啦,佢都有好大壓力o架!』※
※公司嘅日本餐廳竟然見到『 偶像 』,原來佢返咗嚟做!※
發佈者: 阿輝 於 11/14/2006 09:38:00 上午 0 留言
標籤: 生活記事
星期日, 11月 12, 2006
特別的人給特別的信
。妳好嗎?好耐無見啦!近況如何呀?轉眼間已經過咗大半年囉。唔知重記唔記得我呢?而我一直都無忘記到!
。曾經講過自己係一個幾好記性嘅人。如果要我忘記一 d嘢,相信真係要同我先至得囉!
。雖然到現在自己都覺得有 d嘢唔應該講,不過做朋友要講嘅話應該就會講囉。只要唔係傷害對方嘅說話,相信我都會講囉!
。雖然大家都無乜特別事發生過,但係我一定記得有過呢段日子。雖然自己係一個唔係咁鍾意搵人嘅人。但有時都會想話 send 個 sms 又或打個電話比對方,不過因為知道對方有時唔係咁方便接聽或者回覆,所以好幾次都係算把啦!只要對方唔搵我,即係對方無叫我忘記對方啦!
※返咗屋企之後,就開咗個 writer打咗呢段記事,傻咗囉!※
發佈者: 阿輝 於 11/12/2006 01:37:00 上午 0 留言
標籤: 生活記事
星期六, 11月 11, 2006
下雪
。因為想搵 d MTV放入個電話入面,禽晚走咗去 youtube睇吓,唔‧‧‧呢首歌係以前嘅 blog都放過,不過呢一度就第一次喇!雖然阿杜就真係唔知係邊鬼個,不過就真係好好聽囉!有興趣就按下面個閱覽全文啦!
。兩公婆可能傻咗啦!對住間新屋,似乎真係有 d頭痛,正正方方咁,都唔知點攪?希望清哥幫到手啦!最好就中六合彩啦!呵呵‧‧‧
發佈者: 阿輝 於 11/11/2006 09:32:00 上午 0 留言
標籤: 我聽、我歌
星期五, 11月 10, 2006
星座
。雖然自己唔係咁信呢 d嘢!不過都會睇吓囉!除咗自己嘅獅子座、老婆婆嘅巨蟹座之外,朋友仔嘅都會睇吓!見唔到面都睇吓佢地嘅運情啦!早幾日睇過一編有關星座結交朋友嘅文章。朋友仔同我兩公婆就一定好啦。哈哈‧‧‧睇睇吓見到一個舊『朋友』嘅星座,唔‧‧‧真係睇過之後,似乎要對星座呢樣嘢重新估計!真係好准喎!若果人係可以知道自己嘅錯處而去作出改善就好囉!
※ 一個可能會幫朋友,幫到『好心做壞事』嘅獅子座感慨 ※
發佈者: 阿輝 於 11/10/2006 10:57:00 上午 0 留言
星期四, 11月 09, 2006
放假天、攞屋日
。今日放假亦都係阿輝去攞屋攞鎖匙嘅日子!今日終於可以入到去囉!唔‧‧‧除咗真係細咗好多、好多、好多之外,其實都唔錯嘅。呢 d應該算係安慰說話喇!哈哈‧‧‧
。下午老婆婆都走咗返嚟睇吓!希望係一件好事啦!因為我地都話可以將舊屋嘅嘢掉咗去囉!哈哈‧‧‧
。希望新屋快 d入伙啦!
※今日去咗管理處之後,發覺原來每個主任都係講嗰 d嘢!唔‧‧‧ ※
發佈者: 阿輝 於 11/09/2006 08:56:00 下午 0 留言
標籤: 生活記事
星期三, 11月 08, 2006
新一頁
。要等房屋署嘅信,真係等到命都唔長呀!晚上老婆婆打電話比我話終於收到信囉!咁樣表示咗我要離開呢個廿幾年嘅家囉!不過就有一個新嘅屋企囉!期待中‧‧‧
。好掛住妳呀!近況如何呀?今次真係傻佬要搬屋囉!有無禮物先?哈哈‧‧‧
。天氣變咗,好多病痛都會出現!雖然自己呢排都唔係好好!不過希望阿囡囡個鼻鼻無乜事啦!多加休息!
發佈者: 阿輝 於 11/08/2006 01:23:00 上午 0 留言
標籤: 生活記事




