早班

。想咗好耐嘅事，終於都發生喇。阿大今日叫我星期一返一日早班咁大把！呵呵‧‧‧不過就要星期日追更落星期一，唔‧‧‧相信係一件幾難應付嘅事。返咗中班都差不多兩年多，比我返得一日！唔‧‧‧算把啦！

※"清尋磨"教叉燒包！哈哈！！！※

早睡早起

。呢幾日，公司嘅工作就係同肥佬將有關嘅物資分類。好似幾好聽，其實就係清倉囉！如果重有機會係度做，連工作嘅寫字樓都要搬去第二個位置。所以真係早睡早起呀！因為返到屋企個人都好似死咗咁！好倦呀！！！！

問題時間‧‧‧

。鄧師奶同袁師奶都係同一間廚藝學校教煮嘢食。鄧師奶就教人整"麻蓉包"、袁師奶就教人整"蓮蓉包"。好喇！咁請問阿輝最鍾意食嘅"义燒包"係邊個教呢？

。禽日雖然放假，不過都係無乜特別，最特別應該係訓到超過12個鐘頭以上。哈哈‧‧‧可能開始反老還童啦，因為小朋友係要訓多 d嘛！呵呵‧‧‧

。禽晚同老婆婆食飯嘅時候，講到生小朋友嘅問題。唔‧‧‧當然唔係講我兩公婆啦！其實小朋友出世之後，真係要好好愛護囉！大人嘅事，真係唔好影響小朋友！


※上面個問題係老婆婆問我，答案係‧‧‧我都諗唔到！不過老婆婆就講咗我知喇！哈哈！※

好夜囉！

。睇完套風雲II電視，都訓唔到。唔‧‧‧又傻啦！！哈哈‧‧‧

此『情』不再

。呢個『情』 字都分好多種。工作嘅地方隔鄰有間好大嘅傢俬舖，今晚係佢地最後營業嘅日子。一班好熟嘅朋友仔，聽日就會分派唔同嘅地方工作囉！有時諗吓對住佢地可能比對住自己屋企人時間重長，真係好唔捨得。收工嘅時候同佢地講咗聲，心入面真係有種奇怪嘅感覺！再見啦！！知道部份嘅朋友仔派咗去邊度，睇吓有無時間探吓你地啦！

。今晚睇過特別朋友嘅網誌，令阿輝諗起上年嘅事！唔‧‧‧時間真係好快喎！！多謝對方間中都會諗起我呢個傻佬！我就慘囉！日日對住嘅地方，都會令自己諗吓嘢！唔‧‧‧不過好彩，都係諗吓啫！！哈哈‧‧‧

※妳知道嗎？早幾日睇報紙，有單新聞，竟然令都我失眠呀！擔心妳嘅心情竟然再次出現啦！※

好好的生活！

。未寫神仙blog之前，係yahoo有一個網誌！雖然依家多數係blogger度寫嘢。不過有時間都會過一過個邊睇吓嘢，間中都會寫一兩編記事。係個邊寫咗幾個月之後，就轉咗過呢度囉！轉眼間都幾個月囉！呢個blog嘅開始，其實都係因為一個朋友講咗一句說話，雖然佢都未必記得囉！所以出現咗呢個神仙blog喇！時間真係轉眼就過，佢都走咗一段時間囉！唔‧‧‧

。係yahoo個邊有個blog友 『藥丸』，好開心能夠認識呢個小朋友，雖然未去到書信來往，不過睇佢嘅生活事，都好開心。近日係個邊打咗幾個字仔。『藥丸』給我一句說話，唔‧‧‧我會好好生活！


※係網絡世界，其實唔需要知道對方係邊一個，只要有對方嘅支持及鼓勵就可以！※

人與人的相處

。人與人的相處，心中必須抱持著『尊重』二字。

。與家人相處~別因為是家人的關係，就免去了一些最基本的禮貌，基本的禮貌，能使你更懂得做人處事的道理。

。與朋友相處~應以誠懇的心來對待，主動慰問及關懷他人，這樣友誼能長存，讓對方能夠感到你對他的重視，也使你在人際關係上能更好。

。與戀人相處~除了包容彼此還應要有自發性，主動要求自己能為對方做些什麼，不要要求對方該為你付出什麼，倘若對方真心愛你，那麼他懂得如此的對待，使彼此更能長久。

※每個人都應該聽過這些話！不過希望真係要明白後，嘗試去實行！人與人的相處就來得容易！※

大掃除

。呢排屋企搵咗好多嘢出嚟！因為要搬屋嘅問題嘛！雖然都重有一段時間，不過都係時候將 d"垃圾"掉咗去囉！ 其實都開始有 d驚，睇睇吓屋企好似乜嘢都帶唔到去個間細屋！唔‧‧‧老婆婆話連我都掉咗去呀！哈哈‧‧‧

。今晚多謝二家姐請食飯！好味好味！！！

※"垃圾"之中見到一 d好舊嘅相，原來個陣時個樣都好 "七古 look"喎！哈哈！※

真愛

。今晚囡囡走咗過嚟工作嘅地方搵我食飯！喂！遲到喎！點計先？原來小朋友都無變，影相肥咗d，真人都係一樣，所以認到係你！哈哈‧‧‧

。 其實阿輝好相信每個人都有兩種性格，所以相處耐咗，可能會發現身邊人嘅另一種特質。只從表面去睇，可能有好多嘢會錯過！雖然自己所講未必係啱！加上阿輝都比人話我睇嘢太表面！唔‧‧‧若果真係睇錯咗！就算把啦！


※希望‧‧‧唔‧‧‧今晚諗唔到囉！ :-) ※

係唔係咁好呀？

。收工返屋企，老婆婆都未訓，同我講咗 d嘢！咁就緊係搬屋嘅事啦！如果佢無聽錯，我上網睇嘅又係真嘅！相信真係一個好消息喇！