呢排攪乜鬼呀？

。早幾日個風筒唔知做乜無反應？傻咗‧‧‧
。對返工鞋又因為早幾日爆喉報廢！唔‧‧‧
。公司個 locker個鎖又唔知做乜，鎖咗都好似無鎖咁？
。家中嘅電視機好似都傻傻地囉？點解有聲無畫嘅？
。公司新收嘅兩個徒弟，一個阿大炒咗，一個就自己辭職！唉‧‧‧

。呢排都唔係好利我！希望過多一排會好 d啦！



※今日見到"泳兒"，唔‧‧‧都好靚女喎！都算係呢排嘅一件開心事！哈哈！※

終於都要出手啦！

。武林高手所講嘅一句說話，今晚終於都要出手啦！有我係度，我未死！哈哈‧‧‧

。若果再嚟多次爆屎渠，我決定咗，我唔會再出手啦！嘔‧‧‧真係好辛苦呀！

。囡囡大個女囉！都應該嘅！唔知可唔可以睇吓個女婿個樣呢！哈哈！好似快咗 d！唔‧‧‧老人家都係嚴肅d！。


※今晚終於將另外一個blog攪點咗，以前IE睇唔到嘅問題都攪點囉！※

說話的技巧

。阿輝的工作係說話上都要講及一定嘅技巧。曾經都係blog的其中一個記事講過。其實每一個人所講的每一句說話都有一定嘅意思，好似呢一編記事一樣囉！都係想去表達一些事情！已經唔係第一次講人係一種好奇 怪嘅動物，因為有我地所認知嘅情感問題！可能對方所講嘅意思，唔係你所想囉！出錯就係可能在乎呢一點！一些嘅誤解可能會變成大錯！對方嘅一句說話，千萬唔好令到自己唔開心就好喇！！要多d笑容呀！！

。今日本來要返工，不過因為要見一見房署嘅主任所以調咗假！唔‧‧‧佢都係無乜嘢好做！所以交咗個表格之後，就同老婆婆鬼鬼祟祟咁去咗佢地所講嘅細單位睇吓囉！哈哈！竟然無保安員見到喎！其實自己都知道係點樣，不過係驚老婆婆佢唔慣囉！好彩睇過之後，佢嘅反應都話可以接受。咁我都無咁煩惱！

。今日係會考放榜日，外甥肥強就一早已經唔聽電話！唔‧‧‧會考係其中嘅一個關口囉！日後重有好多路喎！唔好要媽媽擔心啦！



※傻仔，今日工作應該比平時忙碌，不過要比心機！加油！！妳得嘅！唔‧‧‧"呢一個唔字真係幾咁認真呀！哈哈！"傻佬上※
※阿輝係一個幾好記性嘅人，平時無聯絡，唔代表我唔記得對方！希望我再搵妳地嘅時候重記得我就得喇！※
※工作忙碌要休息吓！唔開心嘅時候就要多 d笑吓囉！ :-) ※

Powered by Qumana

好煩惱‧‧‧

。一早就比老婆婆叫咗起身，都係問搬屋嘅事。唔‧‧‧重知就禽晚叫醒佢一齊睇信啦！我都好煩呀！！！

真的要搬了‧‧‧

。住咗依家嘅屋企已經20年有多啦！今日係信箱收到房署嘅信之後，終於都要離開囉！最快相信9月尾就會到新嘅屋企。雖然屋邨主任一早同我講過，不過自己就真係有 d唔捨得囉！唔‧‧‧


※任何時候都有任何機會，只要妳決定咗，就一定會搵到！※
※睇咗信後，36歲嘅第一個最大難題出現咗啦！※

唔好係我呀！

。一個唔係咁容易病嘅我，唔知係唔係早兩日被雨淋過之後搭巴士，重要係架巴士上訓咗。所以依家咁樣囉！希望無事啦！


※每年公司攪嘅比賽又到啦！今年多咗智者同我一齊。雖然上年都玩過，不過公司叫到，算把啦！呢間公司係咁奇怪o架啦！※

多謝老婆婆

。嘩！好彩未熄電腦，因為唔記得咗多謝老婆大人呀！多謝老婆請食飯！呵呵‧‧‧

順其自然

。任何事其實都應該靠自己，順其自然應該係我呢 d老人家安慰自己嘅說話。若果當"機會"慢慢的到來，就一定要好好咁把握住。眼前嘅機會可能只會慢條斯理咁行過，若果自己都唔去把握，下一次又唔知要等到幾時囉。

。年青人有個好處，機會一定會比我地老人家多，有時諗番後生嘅時候，無錯我係搵到好多錢，不過到大咗先知道自己其實失去咗好多！依家想去做番或者去學，已經有好多嘢唔同咗！唔‧‧‧期望每一個年青人，多加留意週遭嘅事與物，其實好多嘢都係要在年青嘅時候先做到！


※無可能嘅願望，都係唔好講喇！※

今次輪到我喇！

。打緊呢編記事嘅時候已經係8月3日啦！阿輝已經正式係36歲啦！相信跟呢幾年一樣，都係無乜特別慶祝，或者走去食餐好o架啦！

。回想自己幾十年，都真係無乜建樹！或者自己嘅圈子太細啦！若果真係要係生日嘅時候許願，除咗自己一些私人事項能盡快完結之外，更希望來年或者日後生活多采多姿！哈哈‧‧‧


※阿輝，生日快樂呀！※

唔‧‧‧

。八月啦！真係轉眼間又過咗大半年。

。曾經，果然係曾經，過去咗就係過去咗！哈哈‧‧‧連條link都唔比我聽多幾日！嬲呀！！

。呢一兩天好似無乜心情寫嘢！等我休息吓先，或者呢排天氣影響啦！可唔可以涼 d呀？