網絡上的另一編文章

以為已經走出了那件事的陰影，

「可是旁人一個小小的提醒，竟然再度令自己觸景傷情。」

心在瞬間墜入暗無天日的枯井，

所有不堪回首的往事又在腦海裡殘酷地重演。


那麼，偶爾痛痛快快大哭一場是好的，

這樣可以清除累積在體內的負面能量，

但是哭過之後請大聲的告訴自己：

「都過去了，都過去了，一切都忘記了。」


別讓那件事捲土重來折磨自己。

都過去了。不再記得昨日，也不想猜測明白。

都過去了。與其苦苦思索昨日，不如好好度過今天。

綠色盒仔

禽日下午大學站等老婆收工，因為無食早餐，所以幫襯咗個間快餐店。唔‧‧‧大學生唔好嚟咁多，d水準同其他分店唔同，食壞小朋友！！！哈哈‧‧‧

老婆到咗之後就跟住同佢出咗 mk 行咗一陣，同埋要搵地方比佢食嘢喇！不過因為落雨，所以老婆話唱歌喎！好啦。好過唔知行去邊！！

好好笑，佢地比咗一間30人左右嘅大房我地兩公婆！嘩‧‧‧簡直有演唱會嘅感覺！呵呵‧‧‧同阿『楊丞琳』聯絡過，因為佢話啱啱訓醒，所以唔得閒嚟囉，哈哈‧‧‧

老婆提我，原來禽日係細外甥嘅生日，所以唱完歌就過咗去食嘢喇！咁快小朋友已經 5歲囉！！


ps 1. 經過禽日之後，我決定退休啦，我要退出歌壇啦！重有老婆，你嘅普通話真係好普通，唔該你進修吓啦！！！呵呵‧‧‧
2. 柿太郎，覺得幾似我個外甥仔‧‧‧

Uncle Ah-Lo

禽日鬼妹仔打e-mail 比佢老豆嘅時候，見到的一個對我嘅稱呼。

因為阿輝係家中最細，細佬前細佬後咁叫我，所以我有個乳名叫 "阿佬"。因為我係佢細舅父，如果用英文叫法都應該可以嘅。唔‧‧‧

一個傻佬係度講‧‧‧

剛在特別朋友嘅日記睇到一個關於真正男人的文章。哈哈‧‧‧竟然有十三項喎！！！不過呢個係我自己嘅測試啫！要做一個真正男人都重有一段距離！！！

ps 請問妳，唔知呢個 "你"係唔係呢個 "您"呢？？？

回想十年前‧‧‧

曾經睇過一編日記，內裡有一句說話 『如果我早十年來到，情況會否有所改變？』唔‧‧‧有早到，咁應該就有遲到喇！回想十年前，當時嘅阿輝因為同依家老婆都拍咗拖一段時間，大家都諗好唔好結婚呢？阿輝結婚係分開兩段日子，註冊之後，都過咗一段都幾長嘅時間先再擺酒。期間老婆都係間唔中到我屋企住吓。所以有時朋友問我結咗婚幾耐，都幾難答囉！哈哈‧‧‧

尋找隱世神醫！

今日囡囡過咗嚟！要我帶佢睇醫生。本來佢有講過睇老婆診所嘅醫生，不過老婆都話唔好，咁就帶咗囡囡到我樓下嘅診所囉！唔‧‧‧果然係神醫，唔係我睇都知我姓乜。阿囡，今次你有救啦！哈哈‧‧‧


ps 記得要準時食藥喎！！！

給"你"、"妳"、"您" 的手機短訊

禽晚睇過 blog友嘅一編文章，係講一個朋友嘅關心 sms。睇完之後都給她一個簡單回應。原來都有好多人好似我咁，對特別嘅朋友就用特別嘅 "妳" 哈哈‧‧‧

P.S 禽晚傻咗，SEND 短訊比老婆竟然比咗第二個人！SORRY！哈哈‧‧‧

每個人嘅要求真係唔同‧‧‧

大家姐返嚟，比我睇咗一樣幾得意嘅嘢！唔‧‧‧無錯喇！就係我手上嘅電話喇！好彩阿輝都唔係流嫁！呢部嘢睇吓好囉！因為都買唔起啦！哈哈！

一早起身，老婆就叫我跟吓間屋d嘢，哦‧‧‧收到！因為禽日帶大家姐去買咗d嘢，所以除咗做老婆嘅order之外，今朝都對住部電腦幫佢搵d資料。嘩‧‧‧都真係幾眼訓。

大茶飯

好耐未試過咁多人 食一餐飯啦！大大細細加埋有16個人。如果二哥佢返埋嚟相信就真係要加多張枱先至得喇！雖然都係一般嘅餸菜，但都幾開心！

禽日先係真正咁見到大家姐同兩個小朋友。唔‧‧‧其實大家姐都無乜變呀！比較唔同嘅應該係佢個女囉！唔‧‧‧有外國血統嘅小朋友係唔同d，原來電影同電視睇到嘅外國小朋友唔係特技！！原來一個八歲嘅小朋友係可以咁圓古look。哈哈‧‧‧老婆話好彩同佢影咗合照，重問我依家係唔係發覺佢好廋喎，呵呵‧‧‧

八年同十一年‧‧‧

轉眼間兩個老人家都已經離開咁耐！依家你地住嘅地方都有好大嘅轉變。相同嘅就係每年我地都會去探望你地！今年你地好嗎？雖然你地唔可以親口同我地講一句說話！相信我地都唔會忘記對你地嘅任何事！