食檸檬

。因為比人請食檸檬，所以雖然放假兩日，不過都無乜心機！唔知又要等到幾時阿輝又有雅興去做呢樣嘢？

。放完兩日假，聽日又開始返幾日早，又要同睡魔作戰，一早起身都係一個幾大難度。唔好遲到就好喇！

。屋企人嘅嘢，真係好難頂！其實要點先可以攪點呀？有時見到 d細佬仔，真係為佢地難過！唉‧‧‧做佢地嘅長輩，阿輝又可以做乜？

對不起！我來遲了‧‧‧

。轉過眼阿輝嘅返早行動又完咗囉！雖然要好早好早起身，不過就真係開心到唔知點講呀！最重要係好快就收工囉！佢地成日話早班好忙，睇落又係喎！因為佢地要趕住做自己嘢囉！工作上就‧‧‧哈哈~

。19號係老婆婆生日。只係同佢食咗個飯咁囉！我呢個老公公其實真係要檢討吓囉！有好多嘢諗到，不過就真係做唔到囉！回到未來，相信只可以講吓囉！似乎人係感情上嘅問題，真係到死嗰一刻先可以得到寧靜！ Sorry！希望下年會好一點！

。近日公司叫咗一個新同事自己離職，阿輝知道嘅時候，佢已經唔再係公司嘅人囉！雖然只係在早班嘅時候見佢比較多，傾談間發覺佢有好多嘢唔識！嘩！都返咗成個月，有無人教佢嘢呀？唉‧‧‧外貌對一個人嚟講雖然重要，不過只要你肯去面對，相信無嘢係做唔到！新同事希望你好快就搵到工啦！

 

※人係無十全十美，只期望別人唔好用另類嘅眼光去對待人！世界可能變得好一點！※

黑與白

。如果真係可以將黑與白呢兩隻顏色分得咁清楚，世上就可以唔要灰色喇！

。禽日同今日都係放假日，禽日就係屋企執屋清潔吓，今日就走咗去游水，嘩~都好似好耐無游囉！好彩！都重記得點游！呵呵~不過就游完之後好辛苦囉！食咗少少嘢都要訓一陣先至得，哈哈~老人家要多加休息呀！今日得到嘅係全身好似變咗燒豬咁，有少少痛呀！下次咪攪呀！

。聽日就係公司改制之後第一日返早，唔知起唔起到身呢？

※希望在明天，沒有錯與對，自己覺得要行，就行咗先啦！※

花花世界

。好耐無見的一個特別朋友仔。今日係網誌知道佢最近搬家了，我呢個大朋友真係無心肝喇！哈哈~因為對方嘅網誌好古怪，要入去或者留言阿輝都要攪一輪先得，所以係度祝賀佢新居入伙啦！不過原來已經搬咗成個禮拜囉，呵呵~

晨早的女人街

。一早已經出咗旺角囉！其實可以再遲 d出去，不過自己怕熱所以都係早去早回好 d。嘻嘻~

。平時去到女人街，都係人來人往，不過今日都係第一次咁早囉！都有好多人喎！不過就係佢地好忙碌咁起緊嗰 d舖頭嘅 o架囉！嘩‧‧‧睇見佢地就辛苦囉！搵食真係辛苦喇！阿輝食完個早餐再去嗰邊佢地都未起完，下次收工不如唔好收啦！陰公囉！

。係 mo記攪吓嘢，都成點鐘！好彩唔收錢，下次唔好咁百厭先得囉！哈哈~

 

※呢兩日電話壞咗，各方友好見諒！※

Li manco, io desidero vederlo!

。哈哈~個標題講乜鬼？唔‧‧‧都係一時之間諗到囉！或者呢一兩日得自己一個人係屋企，所以有呢句說話囉！呵呵~

大風大雨

。嘩！如果日日都好似今日咁，阿輝應該可以戒煙囉！哈哈~

。大老闆到場係唔同 d嘅！做咗成個禮拜都係等今日！重見到以前嘅兩個老細喎！唔同傳說真係真？唔‧‧‧

。老婆婆同朋友仔入咗長洲玩，呢幾日悶死我囉！希望佢記得買嘢比我啦！ :)