轉眼間‧‧‧

。今日已經係 30號囉！2007年又過咗一半喇！上半年都好似無乜特別嘢？最特別應該係搬咗屋囉！禽日放假，除咗同老婆婆出咗去行咗成日舊區嗰邊之外都無乜特別！想搵嘅嘢最後都係屋企樓下搵到！哈哈~

。禽日下午係彩虹食糖水嘅時候，老婆婆竟然係度同我講妳地兩個 D嘢！呵呵~真係難得又難答呀！！嘻嘻~

。有人話我懶無更新個 blog，唉‧‧‧呢排真係倦呀！見諒啦！老人家要多休息呀！係咁加張"幾米"做個底紙先啦！

塗上色彩‧‧‧

。好倦呀！呢排係公司真係好無心機！唔知係天氣熱影響定係其他事攪到咁樣！唉‧‧‧真係苦命囉！禽晚同周經理傾咗一陣計，唔‧‧‧如果佢真係咁諗，就真係好囉！

。開會前一定要會議記錄，重有幾日，希望可以做得切啦！一個懶人點可以做咁多嘢呀？哈哈~

。每日返工實在太平淡啦！返工放工訓覺再返工‧‧‧不停咁轉來轉去，幾時可以唔係咁呀？我做人太矛盾啦！喜歡平淡，不過就真係唔知自己所講嘅『平淡』意思係乜嘢？依家嘅生活實在太灰色囉！幾時可以為自己塗上喜愛嘅顏色呢？

我的最愛

。睇過妳的網誌之後，係 google入面打咗個 "愛"字，睇吓佢可以搵到 d乜！唔‧‧‧原來都好多喎！如果真係要睇，真係有排囉！哈哈~可能個"愛"字可以替代好多嘢囉！明白知道、但係就好難去捉摸囉！

。就如我，對於妳有特別嘅感情一樣！唔‧‧‧呢種都可以叫做其中一種"愛"。最少我自己會覺得係囉！哈哈~

。送上一個網址 愛- Wikipedia 。"愛"實在太厲害喇！

※親密關係的祕訣是欣賞對方的優點，在乎洞悉對方的限制
The art of maintaining an intimate relationship consists of being appreciative of each other's virtues and perceptive of each other's limitations※

阿詩

。標題嘅人係邊個？係公司就好多人知道佢係邊個喇！寫 blog咁耐好似第一次用人名做標題！佢個真名就唔好打出嚟囉！其實佢都係個 blog間唔中出現同留言！無錯喇！佢就係阿輝個哎吔囡囡喇！不過就唔知點解有個咁大嘅女囉！哈哈~

。因為父親節嘅關係，佢都走咗過嚟公司個邊請我食飯，唔‧‧‧重有父親節禮物喎！真係多謝喇！不過下次唔好咁破費囉！食過便飯就好囉！老人家真係唔知點去多謝你囉？阿輝 60大壽嘅時候唔知會唔會有層樓送比我呢？呵呵~

 

※老人家多嘢諗，唔一定係嗰 d嘢！只係覺得唔好意思囉！※

明天會更好

。睇咗下個月份嘅輪休安排，阿輝終於又出現係早班囉！雖然唔係全部都係早，不過好過無啦！希望自己可以應付到早起身同面對嗰 d高層啦！

留給最愛的人

。最近搵到首歌，叫做『童夢』嘩！真係好好聽。估唔到光亮可以唱廣東話喎！趕住返工，搵日整比妳地聽！ ：〉

童夢 (光良、衛蘭 合唱）

曲：歐陽業鴻
詞：林夕
編：陳台證
監：雷頌德

Ｊ：能有你 快活無可比
可把臂逛街 像遊盡天地
任何時候哪肯懷疑你
寧願不聽他人說是說非
Ｍ：除了你 沒別人可比
只需愛到底 難道天妒忌
任何容貌條件都喜歡你
其實相愛沒因由量你也不記起
Ｊ：別要欺騙我
Ｍ：流淚一滴亦已太多
Ｊ：重視我大可縱壞我
Ｍ：已片刻難離
Ｊ：一公分可算多
合：其實我未想知道誰在愛得多
Ｍ：願你相信我
Ｊ：明日怎樣無助
Ｍ：我也可
Ｊ：如平日大幾倍愛護我
Ｊ：如果 花開竟不結果
Ｍ：都不枉往日相處諧和
合：夢一同造過
Ｊ：別要欺騙我
Ｍ：流淚一滴亦已太多
Ｊ：重視我大可縱壞我
Ｍ：已片刻難離
Ｊ：一公分可算多
Ｍ：其實我未想知道誰在愛得多
Ｊ：憑著已相愛過
Ｊ：明日怎樣無助 你也可
Ｍ：(護花當然找我)
Ｊ：如平日大幾倍愛護我
Ｍ：(想得太多)

e 道、嗰道

。禽日放假日，同老婆婆走咗去深圳行吓，順便搵人睇吓我隻死人腳。嘩！嗰 d死皮真係多到嚇死人。老婆婆攪掂咗兩隻腳，我都重係做緊第一隻腳！哈哈~

。實在太耐無返大陸囉！第一件事就係點解無咗 d哥哥姐姐！咁點過關呀？原來依家咁先進！可以自己攪掂，遲 d好似話大陸嗰便都係咁。老婆婆話大陸嗰便要辦手續先可以，其實已經有自動過關系統。唔‧‧‧再一次證明阿輝係一個鄉下佬。呵呵~

特別的禮物

。禮物。30幾歲人都收過好多禮物。人大咗就開始對禮物呢樣嘢唔係咁在意囉！不過有就一定開心啦！如果講近幾年阿輝收到最開心嘅禮物係乜？相信一定會係放係衣櫃入面，好長好長、軟軟地、阿輝又應該唔會用、但用咗又好溫暖嘅嘢喇！哈哈~講咗咁耐都唔知係乜呀？呵呵‧‧‧

。為咗呢樣禮物阿輝曾經眼濕濕，因為早排要搬屋，有部份家中物品都唔要囉。當我搵自己嘢嘅時候竟然發覺唔見咗呢樣嘢！當時真係心急到我唔知點算好！我嘅無鬼用性格又開始出現啦！最後都係要打電話比老婆婆問吓知唔知係邊？好彩，只係老婆婆幫我放咗入櫃！

。特別嘅人送特別嘅禮物，對阿輝嚟講有一種特別嘅感覺！人嘅感情世界好奇怪，每一個人都有自己嘅想法，曾經睇過一編文章講『寂寞』，睇嘅時候忽然想到以前睇過的另一編文章『沒有寂寞』。哈哈~

※偷偷地講一句『希望朋友不再寂寞、唔好唔開心、不再‧‧‧‧‧‧。遠處仍有朋友在想著妳！妳不是只得自己一個人！』

得得地

。甲方感激乙方，乙方將來如有任何困難，甲方必定赴湯蹈火，無條件幫忙，此承諾為一生一世，直至任何一方死亡為止…

My love will get you home(我的愛能把你帶回家) - Christine Glass

If you wander off too far, my love will get you home.
如果你流浪 走得太遠 我的愛能把你帶回家
If you follow the wrong star, my love will get you home.
如果你跟了一顆錯的星星而行 我的愛能把你帶回家
If you ever find yourself, lost and all alone,
如果你發現自己迷失了 正感到孤單
get back on your feet and think of me, my love will get you home.
請你回過神來想想我 因為我的愛會把你帶回家
Boy, my love will get you home.
男孩 我的愛能把你帶回家

If the bright lights blinds your eyes, my love will get you home.
如果明亮的光線使你雙眼再也看不見 我的愛能把你帶回家
If your troubles break your stride, my love will get you home.
如果你的煩惱阻礙你邁大步走 我的愛能把你帶回家
If you ever find yourself, lost and all alone,
如果你發現自己迷失了 正感到孤單
get back on your feet and think of me, my love will get you home.
請你回過神來想想我 因為我的愛會把你帶回家
Boy, my love will get you home.
男孩 我的愛能把你帶回家

If you ever feel ashame, my love will get you home.
如果你覺得羞愧 我的愛會把你帶回家
If its only you to blame, my love will get you home.
如果只有你應被責怪 我的愛會把你帶回家
If you ever find yourself, lost and all alone,
如果你發現自己迷失了 正感到孤單
get back on your feet and think of me, my love will get you home.
請你回過神來想想我 因為我的愛會把你帶回家
Boy, my love will get you home.
男孩 我的愛能把你帶回家

熱死我啦！

。近幾日嘅天氣，真係熱到離譜！阿輝係一個好怕熱嘅人，再過多一兩個月都唔知點算？

。『平平安安、開開心心』，希望阿輝嘅家人要明白囉！我知道嘅事，其實都好難去協助，只係希望各人要明白自己現時嘅情況，再去做自己想做嘅事啦！

 

※早幾日嘅 6月1 日係國際兒童節，希望大人嘅事唔好影響到小朋友！各位『小朋友』，兒童節快樂！※

咁樣做嘢就快傻！

。做人已經傻傻地，重咁夜都唔訓！哈哈~

。因為知道 Windows Live 有嘢更新咗，所以攪到咁夜囉！

。Windows Live Writer and Windows Live Mail，好勁好勁！

迷路

。每一次去一個自己未去過嘅地方，阿輝都會嘗試問一問人，係邊度？又或者重有時間嘅話就會上吓網睇吓個位置！因為搵唔到自己要搵嘅嘢係一件好慘嘅事囉！

。做人好得意，每日都好似係度追尋緊一d『事』或者『物』，若果能掌握到，就一定係好事啦，不過每一件『事』『物』，要真正去了解同明白係好難囉！人大咗，別人給予意見，自己都往往有自己嘅想法，意見可能聽過就算，到最後嘅結果可能已經唔係心中所想囉！

。呢一編記事到咗今日先寫，其實已經無咗當日諗到『迷路』呢個標題時所想表達嘅嘢，不過一值無變嘅，可能就係阿輝重未走出呢個『迷宮』。