他走了‧‧‧

。下午聽過皇子個電話之後，佢帶咗一個唔好嘅消息比我。『輝哥』佢走咗囉！一個識咗十年以上嘅朋友。就咁走咗囉！對上一次見佢竟然係一年多前，唉‧‧‧就如老婆婆所講人生就係咁化學，要走就可以係咁！

。記得阿輝第一次搭飛機要去大陸做嘢，就係呢個『輝哥』同另外一個師父一齊，雖然大家一早已經唔係呢間公司做嘢，不過間中都會出吓嚟聚吓。估唔到轉眼間已經咁多年，今日聽到呢個消息，唔‧‧‧

。再一次無鬼用，搭巴士返屋企竟然眼濕濕，唔‧‧‧

※『輝哥』，拜拜啦！※

睡‧‧‧佛誕

。雖然禽日放假，不過節目就利害囉！唔知係唔係睇完場球場，所以差唔多全日訓，做咗個睡佛囉。哈哈‧‧‧

。因為自己百厭，所以個 blog都唔同咗。唔係想改，係因為試 d嘢所以‧‧‧就係咁囉！下次都係唔好攪咁多嘢！重要睇多日，睇吓最重要嘅嘢有無事！

。二家姐返咗屋企囉，希望經過今次之後，佢地會好 d啦！雖然老婆婆都講，過到呢一次，可能會又有下一次。其實我都明白。只係希望唔會再有事囉！

。『迷路』『一個傷感的愛情故事』，耐無打記事，不過呢一兩個禮拜，其實都想寫 d嘢，只係未寫囉！標題都有o架！唔知重有無心情寫囉！呵呵‧‧‧

大爆炸

。唔想發生嘅事終於都發生咗！阿輝雖然無兒無女，不過都經常講，任何事都唔好影響 d細佬。其實做一個負責任嘅男人，係唔係真係咁難呢？或者係唔係錢就可以解決任何事呢？

生日快樂

。有人話過，天一歲、地一歲、係媽媽個肚入面 10個月又一歲！一出世原來已經 3歲囉。嘩！咁阿輝今年就係40歲囉！^哈哈‧‧‧

。早前睇過肥強個 blog講大限將至，不過禽日放假都係樓下百佳見到佢，應該未死得！初頭自己都會諗自己嘅大限幾時到，因為呢排成日病，自從尾龍骨舊病復發之後，個人就係咁囉！希望好似阿強咁，講咗出嚟就無事啦！

。5 月份有朋友仔生日。今日重係阿輝個哎吔囡囡嘅正日生日喎！ 祝你生日快樂啦！不過無禮物！哈哈‧‧‧

 

※　　　　※

媽媽節

。天氣古古怪怪，希望唔好再落雨啦！

。禽日提早同外母食飯，慶祝呢個母親節，不過都早咗成個禮拜。哈哈‧‧‧第一次到呢間嘢食晚飯，都幾好！走嘅時候重見到阿豪仔，真係高咗又大隻咗喎！下次見到都可能唔認得呀！

。朋友仔『大懶蟲』又病咗囉！( 禽日先知有呢個名，呵呵~ )如果再叫佢多 d休息，佢又走去訓，咁就愈來愈懶喇！都係祝佢早日康復好 d！嘿嘿‧‧‧

 

※ sorry呀！因為太突然，都唔係幾知自己講乜？不過阿輝未死，重係度！※

句號

。寫文章嘅時候，每一句句子或者一段說話完結嘅時候都會用『句號』。比讀者知道呢一句或呢一段說話已經完結。

。人呢？人與人之間嘅交往又會唔會有呢個句號嘅出現呢？呢種感覺太辛苦囉！阿輝實在太唔喜歡！

快 d走，有色魔？

。嚇到我呢！不過應該係假嘅！哈哈‧‧‧邊有人咁利害？

尊重別人

。禽晚同老婆婆出舊壚嗰邊食飯　，行經火車站嘅時候，見到好多內地遊客一包二包咁用扶手梯。有幾條鋼柱頂住咗，所以都幾難先過到一個。不過就好多人要等佢地過咗鋼柱位之後先用得囉！用嘅時候又講好多嘢！真係快 d啦！後面重有好多人呀！就快跌落下面梯級啦！唉‧‧‧雖然自己對內地同胞無乜意見，不過自己都試過幾次佢地嘅不禮貌嘅態度。其實你地可以做得好一 d嗎？

。終於比阿輝搵到王傑嘅呢首歌喇！個歌名就叫做『媽媽帶我走』。有興趣就聽吓啦！

。妳點樣呀？無嘢呀？希望真係妳地嘅專利『每個月都係有幾日係咁！』啦　

 

※禽日唔記得講多謝，不過我會搵日『報仇』嘅，嘿嘿‧‧‧　※