1 加 1 加 1

。打記事嘅時候已經係一月份最後一日囉！新年就快到喇！嗚嗚‧‧‧新年又要用錢囉！好彩二月份不用交租！又多 dd啦！

。禽日放假，過咗外母家打邊爐，嘩！幾個人啫，唔好買咁多好喎！哈哈！重有外母家唔知點解多咗兩隻松鼠狗係度行來行去！見老婆婆嘅眼神，喂喂！係度玩好啦！唔好亂諗嘢呀！新屋好細，唔好亂嚟！

※小朋友個樣幾似妳喎！網上再次講一聲『祝妳早日康復！』※
※或者‧‧‧心入面咁樣諗，個人會好過 d啦，阿輝只有咁樣做囉！ :-( ※

溫暖的友誼

。呢編係借用囡囡日記嘅一編文章，都幾好喎！

 

異性之間的友誼確是存在的，並且它的名字應該叫做——溫暖。
當你高興時，你會第一個想到他，把你的快樂告訴他。
而他會比你更加高興，他會陪你一起興奮、一起開懷大笑。
當你傷心時，你也會第一個想到他。
他不會和你一同悲傷，而會用他特有的方式，給你鼓勵、給你體貼，
讓你在他的關懷中感到絲絲溫暖，在不知不覺中撫平你心靈的創傷。
當因為你的固執而傷害了自己時，他會大聲地訓你，甚至會罵你幾句，
但你也從不會記恨，甚至你體會到的是一種暖暖的心意。
同時，你也會為他而拿出你的真心與真情，也會把他的一切記在你的心間。
當你知道他要出門遠行，你會發自內心地為他的行程擔心和祝福；
當你知道他身體有什麼不適，你會真心真意地為他而感到心疼；
當他的事業不順心，你會真心地為他焦急，並奉上你微薄而真心的鼓勵。
這種朋友，你可以和他開各種深淺不一的玩笑，甚至會說：「我喜歡你，我愛你。」
而不必擔心他會真的成為你的情人而讓你受到一絲一毫的傷害。
你可以把自己所有的心裡話都說給他聽，
甚至是夫妻之間、情人之間都無法表達的心裡的秘密。
而這時候的他，就是一個最好的聽眾，一個最好的咨詢專家，
為你解除心底的迷惑和痛苦。
這種朋友，不會有像情人那樣，一日不見如隔三秋的相思，
但也會時時從心底扯出一絲絲牽掛，從而溫暖你的心。
在你需要的時候，他總是一棵大樹，為你撐起一把摭風擋雨的綠傘；
在你無力的時候，他會為你撐起一片藍天。
而他卻從不求回報，只需你抬起頭，為他獻上甜甜的一笑；
只需你輕輕地撫摸一下他粗大的樹幹，
他就會因你的鼓勵而成長地更加枝繁葉茂，
而那種鬱鬱蔥蔥地綠，會給你更多舒心的清涼。

可惜不是‧‧‧

。唔知道幾時開始有『一時感慨』呢四個字！不過就真係幾好用囉！阿輝咁鍾意諗嘢，所以都有好多感慨囉！

。最近又係好辛苦咁從一個網誌度聽到梁靜茹嘅一首歌！唔‧‧‧似乎太多可惜囉！似乎做人都可能離唔開『可惜』兩個字。因為最近試用 icq6嘅關係，都睇番一 d以前同朋友仔嘅談話，哈哈‧‧‧唔知妳地又記唔記得呢？

※感謝那是你 牽過我的手 還能感受那溫柔
感謝那是你 牽過我的手 還能溫暖我胸口※

傻瓜來的短訊

。禽日舊同事 send咗個好長嘅短訊比阿輝！哈哈‧‧‧睇完真係有笑o架！雖然都係短短嘅幾個笑話，不過就幾得意囉！多謝囉！所以跟住都 send咗出去比 d朋友仔！希望佢地都能夠收到開心嘅短訊啦！

※仍在測試新系統中‧‧‧※

神仙搬屋了！

。好 d啦！好 d啦！快 d好番啦！

。因為 blogger改咗個系統，所以神仙要搬屋喇！不過搬完之後，原先嘅嘢有 d唔見咗囉！有時間要加番落去呀！所以依家睇落個版面好似有 d怪怪地！唔‧‧‧慢慢來。

。如果害怕『傷害』，就任何事都唔做，咁做人就會好辛苦囉！都係順其自然啦！禽日公司同咗個女徒弟講，做一個師父首先要有嘅就係，『有眼、有耳、有口』，做師父嘅我唔係乜都唔知嘅！


※轉眼一月份就過啦！上年嘅一月，我有一個好開心嘅假期！ :-) ※

今次真係病啦！

。十年都唔病一次嘅我！今次做乜鬼呢？希望早日康復！哈哈‧‧‧

。禽日放假，同小朋友講咗一段癈話，希望佢要明白啦！大個女囉！好多嘢要諗喇！

。時間過得好快，都已經係一月尾囉！唔知再過幾年阿輝會係點呢？


※囡囡嘅日記睇到一編講珍惜嘅記事！唔‧‧‧好！講得好！希望每個人都要喎！※

微笑

。早幾日應承咗人做一 d嘢，不過無做到。都話咗唔好應承人啦！又唔做！唔‧‧‧不過呢幾日佢好似好 d囉！人大咗，遇到嘅事會多咗，慢慢會變成一個個嘅經驗，作為日後工作上、人事上嘅參考啦！對方所講，唔好再嘈啦！就等佢靜吓啦！朋友都係做番一個聆聽者好 d！

。阿輝個 blog好似好耐無更新囉！可能要改為寫週記囉！哈哈‧‧‧唔知係唔係新屋唔習慣呢？呵呵‧‧‧

。除咗行雷閃電之外，阿輝另外一樣好驚嘅嘢就係見到 d女士隻眼水汪汪咁同你講嘢！如果係情話就好啦！不過遇到嘅都係一 d唔好嘅事囉！禽日係工作嘅地方就遇到兩個！唉‧‧‧算把啦！

。呢幾日迷上咗玩手指，呀！係USB手指呀！真係唔該曬肥佬！電腦節幫我買咗隻一激手指番嚟！呵呵‧‧‧好似重有好多嘢未放入去喎！

 

※微笑可以代表 ｄ乜？唔‧‧‧就好似早幾日公司有人講起妳嘅時候，阿輝面上出現嘅嘢囉！人地嘅嘢真係關你地 X事咩？※

※周小姐要走囉！希望佢習慣新工作地方啦！※

家

。兩年前有個女同事問過阿輝一個問題！點樣為之『顧家』嘅男人？唔‧‧‧其實都真係幾難答喎！當時都係簡單咁講咗句，阿輝應該唔係囉！哈哈‧‧‧

。今日嘅標題其實因為自從識咗一個朋友之後所想寫嘅嘢！到現在都差不多年幾囉！應該可以話慢功出細貨嘛！呵呵‧‧‧等我再諗多一排啦，應該可以寫到出嚟！唔‧‧‧

 

※終於都攪掂喇！晨咁早去咗房署！原來就係咁簡單！希望保安阿姨所講嘅會成真啦！多謝曬！！※

友誼永固

。禽日係阿輝嘅例假，咁又有幾特別？？可能因為約咗個特別嘅人所以特別囉！呵呵‧‧‧

。禽日係等人嘅時候重見到有人結婚呀！好彩天氣都暖咗 d！如果唔係個新娘子就慘囉！唔‧‧‧不過都幾靚女喎！咁比起我等嘅人，咁就新娘子差少少啦！唔係阿輝點會等咗佢九個字呀！哈哈‧‧‧

。老婆婆整完頭，晚上兩個人出咗旺角行街街。似乎真係好耐無出街囉！好似好多地方都唔同咗！俞來俞似一個鄉下人啦！好彩重有老婆婆帶住！哈哈‧‧‧


※阿輝其實唔係咁鍾意食粟米，只係唔想浪費啫！好多謝朋友仔重保留住我送嘅一份禮物仔！※

霉星之最

。最新一期『便利』所講嘅2007年12星座！阿輝嘅星座竟然係第一位喎！不過都唔係好嘢！都係睇吓就算囉！哈哈‧‧‧

。轉眼又一年，每年都同自己講今年要咁樣咁樣‧‧‧不過到年尾又好似乜都未做！似乎好似習慣咗！咁又一年囉！2006年最大改變應該係搬咗屋喇！咁大個人真係未試過搬屋，我意思係真真正正咁自己去搬。因為住係舊屋都成廿年囉！細個搬屋都好似唔關我事咁，不過今次就真係要自己嚟喇！原來搬屋都好多嘢攪！好彩‧‧‧都搬咗喇！


※老鼠仔終於都走咗囉！31號老婆婆比咗個 sms我！話佢走咗囉！ :-( ※